स संप्रहाय शयनं राजपुत्र्या प्रबोधितः ॥
उपातिष्ठत मेघाभः पर्यङ्के सोपसंग्रहे ॥
अथाब्रवीद् राजपुत्रीं कौरव्यो महिषीं प्रियाम् ॥
केनास्य् अर्थेन संप्राप्ता त्वरितेव ममान्तिकम् ॥
न ते प्रकृतिमान् वर्णः कृशा पाण्डुश् च लक्ष्यसे ॥
आचक्ष्व परिशेषेण सर्वं विद्याम् अहं यथा ॥
सुखं वा यदि वा दुःखं द्वेष्यं वा यदि वा प्रियम् ॥
यथावत् सर्वम् आचक्ष्व श्रुत्वा ज्ञास्यामि यत् परम् ॥
अहम् एव हि ते कृष्णे विश्वास्यः सर्वकर्मसु ॥
अहम् आपत्सु चापि त्वां मोक्षयामि पुनः पुनः ॥
शीघ्रम् उक्त्वा यथाकामं यत् ते कार्यं विवक्षितम् ॥
गच्छ वै शयनायैव पुरा नान्यो ऽवबुध्यते ॥
sa saṃprahāya śayanaṃ rājaputryā prabodhitaḥ ||
upātiṣṭhata meghābhaḥ paryaṅke sopasaṃgrahe ||
athābravīd rājaputrīṃ kauravyo mahiṣīṃ priyām ||
kenāsy arthena saṃprāptā tvariteva mamāntikam ||
na te prakṛtimān varṇaḥ kṛśā pāṇḍuś ca lakṣyase ||
ācakṣva pariśeṣeṇa sarvaṃ vidyām ahaṃ yathā ||
sukhaṃ vā yadi vā duḥkhaṃ dveṣyaṃ vā yadi vā priyam ||
yathāvat sarvam ācakṣva śrutvā jñāsyāmi yat param ||
aham eva hi te kṛṣṇe viśvāsyaḥ sarvakarmasu ||
aham āpatsu cāpi tvāṃ mokṣayāmi punaḥ punaḥ ||
śīghram uktvā yathākāmaṃ yat te kāryaṃ vivakṣitam ||
gaccha vai śayanāyaiva purā nānyo 'vabudhyate ||
Разбуженный царевной, он оставил ложе; подобный облаку, сел на постели, опираясь на неё. Тогда Каурав сказал любимой жене-царевне: «По какому делу ты пришла ко мне так поспешно? Твой цвет неестественен, ты кажешься исхудавшей и бледной. Расскажи всё без остатка, чтобы я узнал как есть. Счастье это или горе, ненавистное или приятное — всё расскажи как следует. Услышав, я пойму, что важнее. Ведь я один, Кришна, достоин твоего доверия во всех делах; я снова и снова избавляю тебя и в бедах. Быстро скажи, как хочешь, какое дело ты намерена высказать, и возвращайся на своё ложе, пока кто-нибудь другой не проснулся».
2586e2e082b8 · опубликовано 16 июл. 2026 г., 18:11:28 UTC
Доступно наRUENЛистайте стихи клавишами
Ответ Бхимы соединяет нежность и немедленную готовность действовать. Он не требует от Драупади молчания: он просит назвать дело.