द्रौपद्य् उवाच
अशोच्यं नु कुतस् तस्या यस्या भर्ता युधिष्ठिरः ॥
जानन् सर्वाणि दुःखानि किं मां त्वं परिपृच्छसि ॥
यन् मां दासीप्रवादेन प्रातिकामी तदानयत् ॥
सभायां पार्षदो मध्ये तन् मां दहति भारत ॥
पार्थिवस्य सुता नाम का नु जीवेत मादृशी ॥
अनुभूय भृशं दुःखम् अन्यत्र द्रौपदीं प्रभो ॥
वनवासगतायाश् च सैन्धवेन दुरात्मना ॥
परामर्शं द्वितीयं च सोढुम् उत्सहते नु का ॥
मत्स्यराज्ञः समक्षं च तस्य धूर्तस्य पश्यतः ॥
कीचकेन पदा स्पृष्टा का नु जीवेत मादृशी ॥
एवं बहुविधैः क्लेशैः क्लिश्यमानां च भारत ॥
न मां जानासि कौन्तेय किं फलं जीवितेन मे ॥
यो ऽयं राज्ञो विराटस्य कीचको नाम भारत ॥
सेनानीः पुरुषव्याघ्र स्यालः परमदुर्मतिः ॥
स मां सैरन्ध्रिवेषेण वसन्तीं राजवेश्मनि ॥
नित्यम् एवाह दुष्टात्मा भार्या मम भवेति वै ॥
तेनोपमन्त्र्यमाणाया वधार्हेण सपत्नहन् ॥
कालेनेव फलं पक्वं हृदयं मे विदीर्यते ॥
draupady uvāca
aśocyaṃ nu kutas tasyā yasyā bhartā yudhiṣṭhiraḥ ||
jānan sarvāṇi duḥkhāni kiṃ māṃ tvaṃ paripṛcchasi ||
yan māṃ dāsīpravādena prātikāmī tadānayat ||
sabhāyāṃ pārṣado madhye tan māṃ dahati bhārata ||
pārthivasya sutā nāma kā nu jīveta mādṛśī ||
anubhūya bhṛśaṃ duḥkham anyatra draupadīṃ prabho ||
vanavāsagatāyāś ca saindhavena durātmanā ||
parāmarśaṃ dvitīyaṃ ca soḍhum utsahate nu kā ||
matsyarājñaḥ samakṣaṃ ca tasya dhūrtasya paśyataḥ ||
kīcakena padā spṛṣṭā kā nu jīveta mādṛśī ||
evaṃ bahuvidhaiḥ kleśaiḥ kliśyamānāṃ ca bhārata ||
na māṃ jānāsi kaunteya kiṃ phalaṃ jīvitena me ||
yo 'yaṃ rājño virāṭasya kīcako nāma bhārata ||
senānīḥ puruṣavyāghra syālaḥ paramadurmatiḥ ||
sa māṃ sairandhriveṣeṇa vasantīṃ rājaveśmani ||
nityam evāha duṣṭātmā bhāryā mama bhaveti vai ||
tenopamantryamāṇāyā vadhārheṇa sapatnahan ||
kāleneva phalaṃ pakvaṃ hṛdayaṃ me vidīryate ||
Драупади сказала: «Откуда может быть не достойна скорби та, чей муж — Юдхиштхира? Ты знаешь все мои беды; зачем же спрашиваешь меня? То, как Пратикāмин тогда привёл меня под именем рабыни в собрание, среди придворных, жжёт меня, о Бхарата. Какая царская дочь, подобная мне, стала бы жить, испытав столь тяжкое горе, кроме Драупади, владыка? Какая женщина вытерпела бы второе прикосновение злого Сайндхавы, будучи в лесном изгнании? Какая, подобная мне, стала бы жить после того, как Кичака ударил её ногой перед царём Матсьев и на глазах того обманщика? Страдающую от таких многообразных мучений, о Бхарата, ты будто не знаешь меня, Каунтея. Что мне за плод от жизни? Этот Кичака, военачальник царя Вираты, о Бхарата, шурин, человек крайне дурного ума, тигр среди людей, видя, что я живу в царском доме в облике Саира́ндхри, каждый день, дурная душа, говорит мне: “Стань моей женой”. Когда он, достойный смерти, зовёт меня так, истребитель врагов, моё сердце разрывается, как зрелый плод от времени».
ef4c54116a86 · опубликовано 16 июл. 2026 г., 18:11:28 UTC
Доступно наRUENЛистайте стихи клавишами
Драупади перечисляет не жалобы, а историю нарушенной защиты. Её боль усиливается тем, что прежние унижения как будто повторяются под новой маской.