एनं हि स्वरसंपन्ना बहवः सूतमागधाः ॥
सायंप्रातर् उपातिष्ठन् सुमृष्टमणिकुण्डलाः ॥
सहस्रम् ऋषयो यस्य नित्यम् आसन् सभासदः ॥
तपःश्रुतोपसंपन्नाः सर्वकामैर् उपस्थिताः ॥
अन्धान् वृद्धांस् तथानाथान् सर्वान् राष्ट्रेषु दुर्गतान् ॥
बिभर्त्य् अविमना नित्यम् आनृशंस्याद् युधिष्ठिरः ॥
स एष निरयं प्राप्तो मत्स्यस्य परिचारकः ॥
सभायां देविता राज्ञः कङ्को ब्रूते युधिष्ठिरः ॥
इन्द्रप्रस्थे निवसतः समये यस्य पार्थिवाः ॥
आसन् बलिभृतः सर्वे सो ऽद्यान्यैर् भृतिम् इच्छति ॥
पार्थिवाः पृथिवीपाला यस्यासन् वशवर्तिनः ॥
स वशे विवशो राजा परेषाम् अद्य वर्तते ॥
प्रताप्य पृथिवीं सर्वां रश्मिवान् इव तेजसा ॥
सो ऽयं राज्ञो विराटस्य सभास्तारो युधिष्ठिरः ॥
यम् उपासन्त राजानः सभायाम् ऋषिभिः सह ॥
तम् उपासीनम् अद्यान्यं पश्य पाण्डव पाण्डवम् ॥
अतदर्हं महाप्राज्ञं जीवितार्थे ऽभिसंश्रितम् ॥
दृष्ट्वा कस्य न दुःखं स्याद् धर्मात्मानं युधिष्ठिरम् ॥
उपास्ते स्म सभायां यं कृत्स्ना वीर वसुंधरा ॥
तम् उपासीनम् अद्यान्यं पश्य भारत भारतम् ॥
एवं बहुविधैर् दुःखैः पीड्यमानाम् अनाथवत् ॥
शोकसागरमध्यस्थां किं मां भीम न पश्यसि ॥
enaṃ hi svarasaṃpannā bahavaḥ sūtamāgadhāḥ ||
sāyaṃprātar upātiṣṭhan sumṛṣṭamaṇikuṇḍalāḥ ||
sahasram ṛṣayo yasya nityam āsan sabhāsadaḥ ||
tapaḥśrutopasaṃpannāḥ sarvakāmair upasthitāḥ ||
andhān vṛddhāṃs tathānāthān sarvān rāṣṭreṣu durgatān ||
bibharty avimanā nityam ānṛśaṃsyād yudhiṣṭhiraḥ ||
sa eṣa nirayaṃ prāpto matsyasya paricārakaḥ ||
sabhāyāṃ devitā rājñaḥ kaṅko brūte yudhiṣṭhiraḥ ||
indraprasthe nivasataḥ samaye yasya pārthivāḥ ||
āsan balibhṛtaḥ sarve so 'dyānyair bhṛtim icchati ||
pārthivāḥ pṛthivīpālā yasyāsan vaśavartinaḥ ||
sa vaśe vivaśo rājā pareṣām adya vartate ||
pratāpya pṛthivīṃ sarvāṃ raśmivān iva tejasā ||
so 'yaṃ rājño virāṭasya sabhāstāro yudhiṣṭhiraḥ ||
yam upāsanta rājānaḥ sabhāyām ṛṣibhiḥ saha ||
tam upāsīnam adyānyaṃ paśya pāṇḍava pāṇḍavam ||
atadarhaṃ mahāprājñaṃ jīvitārthe 'bhisaṃśritam ||
dṛṣṭvā kasya na duḥkhaṃ syād dharmātmānaṃ yudhiṣṭhiram ||
upāste sma sabhāyāṃ yaṃ kṛtsnā vīra vasuṃdharā ||
tam upāsīnam adyānyaṃ paśya bhārata bhāratam ||
evaṃ bahuvidhair duḥkhaiḥ pīḍyamānām anāthavat ||
śokasāgaramadhyasthāṃ kiṃ māṃ bhīma na paśyasi ||
«Многие с хорошими голосами суты и магадхи, с отполированными драгоценными серьгами, утром и вечером служили ему. Тысяча риши, богатых тапасом и знанием, всегда сидела в его собрании, получая всё желанное. Слепых, старых, беззащитных и всех бедных в разных странах Юдхиштхира постоянно поддерживал без уныния, из милосердия. А теперь он пришёл в ад: служитель Матсьи, игрок в собрании царя, Юдхиштхира зовётся Канкой. Когда он жил в Индрапрастхе, все цари в назначенное время приносили ему дань; сегодня он ищет содержания у других. Властители земли, цари, были подвластны ему; теперь этот царь, лишённый свободы, находится во власти других. Сияя своим блеском над всей землёй, как лучистое солнце, он теперь придворный собеседник царя Вираты. Того царя, которому в собрании служили цари вместе с риши, посмотри, Пандава, — сегодня этот Пандава служит другому. Кто не почувствовал бы горя, увидев праведного Юдхиштхиру, великомудрого, принявшего ради жизни то, чего он не достоин? Герой, вся земля прежде служила ему в собрании; посмотри, Бхарата, теперь этот Бхарата служит другому. Меня, измученную столь многими страданиями, словно беззащитную посреди океана скорби, почему ты, Бхима, не видишь?»
e8a2bd55a1ab · опубликовано 16 июл. 2026 г., 18:11:28 UTC
Доступно наRUENЛистайте стихи клавишами
В этом плаче Юдхиштхира не унижается, а раскрывается трагедия падения царской дхармы. Чем выше была его щедрость, тем острее видна нынешняя зависимость.