सप्तमीम् अपराह्णे वै तथा नस् तैः समाहितम् ॥
अष्टम्यां पुनर् अस्माभिर् आदित्यस्योदयं प्रति ॥
ते वा गावो न पश्यन्ति यदि व स्युः पराजिताः ॥
अस्मान् वाप्य् अतिसंधाय कुर्युर् मत्स्येन संगतम् ॥
अथ वा तान् उपायातो मत्स्यो जानपदैः सह ॥
सर्वया सेनया सार्धम् अस्मान् योद्धुम् उपागतः ॥
तेषाम् एव महावीर्यः कश् चिद् एव पुरःसरः ॥
अस्माञ् जेतुम् इहायातो मत्स्यो वापि स्वयं भवेत् ॥
यद्य् एष राजा मत्स्यानां यदि बीभत्सुर् आगतः ॥
सर्वैर् योद्धव्यम् अस्माभिर् इति नः समयः कृतः ॥
अथ कस्मात् स्थिता ह्य् एते रथेषु रथसत्तमाः ॥
भीष्मो द्रोणः कृपश् चैव विकर्णो द्रौणिर् एव च ॥
संभ्रान्तमनसः सर्वे काले ह्य् अस्मिन् महारथाः ॥
नान्यत्र युद्धाच् छ्रेयो ऽस्ति तथात्मा प्रणिधीयताम् ॥
आच्छिन्ने गोधने ऽस्माकम् अपि देवेन वज्रिणा ॥
यमेन वापि संग्रामे को हास्तिनपुरं व्रजेत् ॥
शरैर् अभिप्रणुन्नानां भग्नानां गहने वने ॥
को हि जीवेत् पदातीनां भवेद् अश्वेषु संशयः ॥
आचार्यं पृष्ठतः कृत्वा तथा नीतिर् विधीयताम् ॥
saptamīm aparāhṇe vai tathā nas taiḥ samāhitam ||
aṣṭamyāṃ punar asmābhir ādityasyodayaṃ prati ||
te vā gāvo na paśyanti yadi va syuḥ parājitāḥ ||
asmān vāpy atisaṃdhāya kuryur matsyena saṃgatam ||
atha vā tān upāyāto matsyo jānapadaiḥ saha ||
sarvayā senayā sārdham asmān yoddhum upāgataḥ ||
teṣām eva mahāvīryaḥ kaś cid eva puraḥsaraḥ ||
asmāñ jetum ihāyāto matsyo vāpi svayaṃ bhavet ||
yady eṣa rājā matsyānāṃ yadi bībhatsur āgataḥ ||
sarvair yoddhavyam asmābhir iti naḥ samayaḥ kṛtaḥ ||
atha kasmāt sthitā hy ete ratheṣu rathasattamāḥ ||
bhīṣmo droṇaḥ kṛpaś caiva vikarṇo drauṇir eva ca ||
saṃbhrāntamanasaḥ sarve kāle hy asmin mahārathāḥ ||
nānyatra yuddhāc chreyo 'sti tathātmā praṇidhīyatām ||
ācchinne godhane 'smākam api devena vajriṇā ||
yamena vāpi saṃgrāme ko hāstinapuraṃ vrajet ||
śarair abhipraṇunnānāṃ bhagnānāṃ gahane vane ||
ko hi jīvet padātīnāṃ bhaved aśveṣu saṃśayaḥ ||
ācāryaṃ pṛṣṭhataḥ kṛtvā tathā nītir vidhīyatām ||
«На седьмой день после полудня ими это было устроено, а на восьмой, к восходу солнца, нами. Или они не видят тех коров, или были побеждены, или, обманув нас, заключили соглашение с Матсьей. Или сам Матсья пришёл к нам с людьми своей страны и со всем войском, чтобы сражаться. Или кто-то из них, великой доблести, идёт впереди, чтобы победить нас; или это может быть сам Матсья. Если это царь Матсьев, если пришёл Бибхатсу, мы все должны сражаться — таков наш уговор. Почему же эти лучшие колесничие стоят на колесницах: Бхишма, Дрона, Крипа, Викарна и Драуни? Все великие колесничие сейчас смущены умом. Нет иного блага, кроме битвы; пусть так будет направлена мысль. Если наше коровье богатство будет отнято в битве даже богом, носителем ваджры, или Ямой, кто вернётся в Хастинапур? Кто из пехотинцев, поражаемых стрелами и разбитых в густом лесу, останется жив? И о конях будет сомнение. Поставив учителя сзади, пусть будет устроена такая политика».
c67f48f84635 · опубликовано 16 июл. 2026 г., 18:27:29 UTC
Доступно наRUENЛистайте стихи клавишами
В речи Дурьодханы страх маскируется решимостью. Он не хочет отступать не потому, что видит правду, а потому что уже слишком далеко зашёл.