वैशंपायन उवाच
अथ दुर्योधनो राजा समरे भीष्मम् अब्रवीत् ॥
द्रोणं च रथशार्दूलं कृपं च सुमहारथम् ॥
उक्तो ऽयम् अर्थ आचार्यो मया कर्णेन चासकृत् ॥
पुनर् एव च वक्ष्यामि न हि तृप्यामि तं ब्रुवन् ॥
पराजितैर् हि वस्तव्यं तैश् च द्वादश वत्सरान् ॥
वने जनपदे ऽज्ञातैर् एष एव पणो हि नः ॥
तेषां न तावन् निर्वृत्तं वर्तते तु त्रयोदशम् ॥
अज्ञातवासं बीभत्सुर् अथास्माभिः समागतः ॥
अनिवृत्ते तु निर्वासे यदि बीभत्सुर् आगतः ॥
पुनर् द्वादश वर्षाणि वने वत्स्यन्ति पाण्डवाः ॥
लोभाद् वा ते न जानीयुर् अस्मान् वा मोह आविशत् ॥
हीनातिरिक्तम् एतेषां भीष्मो वेदितुम् अर्हति ॥
अर्थानां तु पुनर् द्वैधे नित्यं भवति संशयः ॥
अन्यथा चिन्तितो ह्य् अर्थः पुनर् भवति चान्यथा ॥
उत्तरं मार्गमाणानां मत्स्यसेनां युयुत्सताम् ॥
यदि बीभत्सुर् आयातस् तेषां कः स्यात् पराङ्मुखः ॥
त्रिगर्तानां वयं हेतोर् मत्स्यान् योद्धुम् इहागताः ॥
मत्स्यानां विप्रकारांस् ते बहून् अस्मान् अकीर्तयन् ॥
तेषां भयाभिपन्नानां तद् अस्माभिः प्रतिश्रुतम् ॥
प्रथमं तैर् ग्रहीतव्यं मत्स्यानां गोधनं महत् ॥
vaiśaṃpāyana uvāca
atha duryodhano rājā samare bhīṣmam abravīt ||
droṇaṃ ca rathaśārdūlaṃ kṛpaṃ ca sumahāratham ||
ukto 'yam artha ācāryo mayā karṇena cāsakṛt ||
punar eva ca vakṣyāmi na hi tṛpyāmi taṃ bruvan ||
parājitair hi vastavyaṃ taiś ca dvādaśa vatsarān ||
vane janapade 'jñātair eṣa eva paṇo hi naḥ ||
teṣāṃ na tāvan nirvṛttaṃ vartate tu trayodaśam ||
ajñātavāsaṃ bībhatsur athāsmābhiḥ samāgataḥ ||
anivṛtte tu nirvāse yadi bībhatsur āgataḥ ||
punar dvādaśa varṣāṇi vane vatsyanti pāṇḍavāḥ ||
lobhād vā te na jānīyur asmān vā moha āviśat ||
hīnātiriktam eteṣāṃ bhīṣmo veditum arhati ||
arthānāṃ tu punar dvaidhe nityaṃ bhavati saṃśayaḥ ||
anyathā cintito hy arthaḥ punar bhavati cānyathā ||
uttaraṃ mārgamāṇānāṃ matsyasenāṃ yuyutsatām ||
yadi bībhatsur āyātas teṣāṃ kaḥ syāt parāṅmukhaḥ ||
trigartānāṃ vayaṃ hetor matsyān yoddhum ihāgatāḥ ||
matsyānāṃ viprakārāṃs te bahūn asmān akīrtayan ||
teṣāṃ bhayābhipannānāṃ tad asmābhiḥ pratiśrutam ||
prathamaṃ tair grahītavyaṃ matsyānāṃ godhanaṃ mahat ||
Вайшампаяна сказал: «Тогда царь Дурьодхана в битве сказал Бхишме, тигру среди колесничих Дроне и великому колесничему Крипе: “Этот смысл, учитель, был уже не раз сказан мной и Карной, но я снова скажу, ибо не насыщаюсь, говоря об этом. Побеждённые должны жить двенадцать лет в лесу и среди людей неузнанными — таково наше условие. У них ещё не завершилось это: идёт тринадцатый год скрытого пребывания, и Бибхатсу пришёл к нам. Если Бибхатсу пришёл, когда изгнание не закончено, Пандавы снова будут жить двенадцать лет в лесу. Или они из жадности не знают срока, или нас охватило заблуждение; Бхишма должен знать, чего у них меньше или больше. В делах, имеющих две стороны, всегда бывает сомнение: дело, обдуманное одним образом, снова становится иным. Если Бибхатсу пришёл к тем, кто ищет Уттару и желает сражаться с войском Матсьев, кто из них отвернётся? Мы пришли сюда ради тригартов, чтобы сражаться с Матсьями. Они рассказывали нам о многих обидах, нанесённых им Матсьями. Когда они, охваченные страхом, просили защиты, нами было обещано: сначала должно быть взято великое коровье богатство Матсьев”».
0298f56416fa · опубликовано 16 июл. 2026 г., 18:27:29 UTC
Доступно наRUENЛистайте стихи клавишами
Дурьодхана сразу ищет юридическую лазейку. Там, где Бхишма будет считать время ради истины, он считает его ради продления чужого страдания.