ततः प्रभिन्नेन महागजेन; महीधराभेन पुनर् विकर्णः ॥
रथैश् चतुर्भिर् गजपादरक्षैः; कुन्तीसुतं जिष्णुम् अथाभ्यधावत् ॥
तम् आपतन्तं त्वरितं गजेन्द्रं; धनंजयः कुम्भविभागमध्ये ॥
आकर्णपूर्णेन दृढायसेन; बाणेन विव्याध महाजवेन ॥
पार्थेन सृष्टः स तु गार्ध्रपत्र; आ पुङ्खदेशात् प्रविवेश नागम् ॥
विदार्य शैलप्रवरप्रकाशं; यथाशनिः पर्वतम् इन्द्रसृष्टः ॥
शरप्रतप्तः स तु नागराजः; प्रवेपिताङ्गो व्यथितान्तरात्मा ॥
संसीदमानो निपपात मह्यां; वज्राहतं शृङ्गम् इवाचलस्य ॥
निपातिते दन्तिवरे पृथिव्यां; त्रासाद् विकर्णः सहसावतीर्य ॥
तूर्णं पदान्य् अष्टशतानि गत्वा; विविंशतेः स्यन्दनम् आरुरोह ॥
निहत्य नागं तु शरेण तेन; वज्रोपमेनाद्रिवराम्बुदाभम् ॥
तथाविधेनैव शरेण पार्थो; दुर्योधनं वक्षसि निर्बिभेद ॥
ततो गजे राजनि चैव भिन्ने; भग्ने विकर्णे च सपादरक्षे ॥
गाण्डीवमुक्तैर् विशिखैः प्रणुन्नास्; ते योधमुख्याः सहसापजग्मुः ॥
दृष्ट्वैव बाणेन हतं तु नागं; योधांश् च सर्वान् द्रवतो निशम्य ॥
रथं समावृत्य कुरुप्रवीरो; रणात् प्रदुद्राव यतो न पार्थः ॥
तं भीमरूपं त्वरितं द्रवन्तं; दुर्योधनं शत्रुसहो निषङ्गी ॥
प्राक्ष्वेडयद् योद्धुमनाः किरीटी; बाणेन विद्धं रुधिरं वमन्तम् ॥
tataḥ prabhinnena mahāgajena; mahīdharābhena punar vikarṇaḥ ||
rathaiś caturbhir gajapādarakṣaiḥ; kuntīsutaṃ jiṣṇum athābhyadhāvat ||
tam āpatantaṃ tvaritaṃ gajendraṃ; dhanaṃjayaḥ kumbhavibhāgamadhye ||
ākarṇapūrṇena dṛḍhāyasena; bāṇena vivyādha mahājavena ||
pārthena sṛṣṭaḥ sa tu gārdhrapatra; ā puṅkhadeśāt praviveśa nāgam ||
vidārya śailapravaraprakāśaṃ; yathāśaniḥ parvatam indrasṛṣṭaḥ ||
śaraprataptaḥ sa tu nāgarājaḥ; pravepitāṅgo vyathitāntarātmā ||
saṃsīdamāno nipapāta mahyāṃ; vajrāhataṃ śṛṅgam ivācalasya ||
nipātite dantivare pṛthivyāṃ; trāsād vikarṇaḥ sahasāvatīrya ||
tūrṇaṃ padāny aṣṭaśatāni gatvā; viviṃśateḥ syandanam āruroha ||
nihatya nāgaṃ tu śareṇa tena; vajropamenādrivarāmbudābham ||
tathāvidhenaiva śareṇa pārtho; duryodhanaṃ vakṣasi nirbibheda ||
tato gaje rājani caiva bhinne; bhagne vikarṇe ca sapādarakṣe ||
gāṇḍīvamuktair viśikhaiḥ praṇunnās; te yodhamukhyāḥ sahasāpajagmuḥ ||
dṛṣṭvaiva bāṇena hataṃ tu nāgaṃ; yodhāṃś ca sarvān dravato niśamya ||
rathaṃ samāvṛtya kurupravīro; raṇāt pradudrāva yato na pārthaḥ ||
taṃ bhīmarūpaṃ tvaritaṃ dravantaṃ; duryodhanaṃ śatrusaho niṣaṅgī ||
prākṣveḍayad yoddhumanāḥ kirīṭī; bāṇena viddhaṃ rudhiraṃ vamantam ||
Тогда Викарна снова бросился на Джишну на разъярённом великом слоне, подобном горе; ноги слона охраняли четыре колесницы. Дхананджая, натянув тетиву до уха, послал крепкую железную стрелу прямо между височными буграми царя слонов. Стрела Партхи с грифовым оперением вошла в слона до оперения, как молния, пущенная Индрой, входит в гору. Мучимый стрелой, царь слонов задрожал всем телом, внутренне содрогнулся, осел и упал на землю, словно вершина горы, поражённая ваджрой. Когда лучший слон рухнул, Викарна в страхе быстро спрыгнул, прошёл восемьсот шагов и поднялся на колесницу Вивимшати. Убив слона этой ваджроподобной стрелой, Партха такой же стрелой пронзил Дурьодхану в грудь. Когда слон и царь были ранены, а Викарна с охраной разбит, главные воины, гонимые стрелами, выпущенными из Гандивы, внезапно отступили. Увидев слона, убитого одной стрелой, и услышав, что все воины бегут, лучший Куру повернул колесницу и побежал из боя туда, где не было Партхи. Тогда Киритин, врагоборец с колчаном, желая сражаться, насмешливо окликнул страшного видом Дурьодхану, который спешно бежал, раненный стрелой и изрыгающий кровь».
2216cae14bb3 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Здесь рушится не только слон Викарны. Рушится образ Дурьодханы как непоколебимого владыки: он ищет место, где нет Партхи.