वैशंपायन उवाच
ततस् तृतीये दिवसे भ्रातरः पञ्च पाण्डवाः ॥
स्नाताः शुक्लाम्बरधराः समये चरितव्रताः ॥
युधिष्ठिरं पुरस्कृत्य सर्वाभरणभूषिताः ॥
अभिपद्मा यथा नागा भ्राजमाना महारथाः ॥
विराटस्य सभां गत्वा भूमिपालासनेष्व् अथ ॥
निषेदुः पावकप्रख्याः सर्वे धिष्ण्येष्व् इवाग्नयः ॥
तेषु तत्रोपविष्टेषु विराटः पृथिवीपतिः ॥
आजगाम सभां कर्तुं राजकार्याणि सर्वशः ॥
श्रीमतः पाण्डवान् दृष्ट्वा ज्वलतः पावकान् इव ॥
अथ मत्स्यो ऽब्रवीत् कङ्कं देवरूपम् अवस्थितम् ॥
मरुद्गणैर् उपासीनं त्रिदशानाम् इवेश्वरम् ॥
स किलाक्षातिवापस् त्वं सभास्तारो मया कृतः ॥
अथ राजासने कस्माद् उपविष्टो ऽस्य् अलंकृतः ॥
परिहासेप्सया वाक्यं विराटस्य निशम्य तत् ॥
स्मयमानो ऽर्जुनो राजन्न् इदं वचनम् अब्रवीत् ॥
vaiśaṃpāyana uvāca
tatas tṛtīye divase bhrātaraḥ pañca pāṇḍavāḥ ||
snātāḥ śuklāmbaradharāḥ samaye caritavratāḥ ||
yudhiṣṭhiraṃ puraskṛtya sarvābharaṇabhūṣitāḥ ||
abhipadmā yathā nāgā bhrājamānā mahārathāḥ ||
virāṭasya sabhāṃ gatvā bhūmipālāsaneṣv atha ||
niṣeduḥ pāvakaprakhyāḥ sarve dhiṣṇyeṣv ivāgnayaḥ ||
teṣu tatropaviṣṭeṣu virāṭaḥ pṛthivīpatiḥ ||
ājagāma sabhāṃ kartuṃ rājakāryāṇi sarvaśaḥ ||
śrīmataḥ pāṇḍavān dṛṣṭvā jvalataḥ pāvakān iva ||
atha matsyo 'bravīt kaṅkaṃ devarūpam avasthitam ||
marudgaṇair upāsīnaṃ tridaśānām iveśvaram ||
sa kilākṣātivāpas tvaṃ sabhāstāro mayā kṛtaḥ ||
atha rājāsane kasmād upaviṣṭo 'sy alaṃkṛtaḥ ||
parihāsepsayā vākyaṃ virāṭasya niśamya tat ||
smayamāno 'rjuno rājann idaṃ vacanam abravīt ||
Вайшампаяна сказал: «На третий день пять братьев Пандавов, совершив омовение, в белых одеждах, исполнив срок обета, украсившись всеми украшениями и поставив Юдхиштхиру впереди, пришли в собрание Вираты. Сияющие великие колесничие сели на сиденья земных владык, как огни на своих алтарях. Когда они сидели там, Вирата, владыка земли, вошёл в собрание для царских дел. Увидев славных Пандавов, пылающих как огни, царь Матсьев сказал Канке, стоявшему в божественном виде, словно владыка богов среди сонма Марутов: «Ты ведь был поставлен мной бросающим кости и сидящим в собрании. Почему же теперь, украшенный, ты сидишь на царском сиденье?» Услышав это слово Вираты, сказанное с желанием шутки, Арджуна, улыбаясь, сказал царю».
740bffe07392 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Скрытый год окончен, и роли меняются без насилия. Те, кто служил, занимают свои настоящие места, а Вирата ещё не понимает, что видит царей.