इन्द्रस्याप्य् आसनं राजन्न् अयम् आरोढुम् अर्हति ॥
ब्रह्मण्यः श्रुतवांस् त्यागी यज्ञशीलो दृढव्रतः ॥
अयं कुरूणाम् ऋषभः कुन्तीपुत्रो युधिष्ठिरः ॥
अस्य कीर्तिः स्थिता लोके सूर्यस्येवोद्यतः प्रभा ॥
संसरन्ति दिशः सर्वा यशसो ऽस्य गभस्तयः ॥
उदितस्येव सूर्यस्य तेजसो ऽनु गभस्तयः ॥
एनं दश सहस्राणि कुञ्जराणां तरस्विनाम् ॥
अन्वयुः पृष्ठतो राजन् यावद् अध्यावसत् कुरून् ॥
त्रिंशद् एनं सहस्राणि रथाः काञ्चनमालिनः ॥
सदश्वैर् उपसंपन्नाः पृष्ठतो ऽनुययुः सदा ॥
एनम् अष्टशताः सूताः सुमृष्टमणिकुण्डलाः ॥
अस्तुवन् मागधैः सार्धं पुरा शक्रम् इवर्षयः ॥
एनं नित्यम् उपासन्त कुरवः किंकरा यथा ॥
सर्वे च राजन् राजानो धनेश्वरम् इवामराः ॥
एष सर्वान् महीपालान् करम् आहारयत् तदा ॥
वैश्यान् इव महाराज विवशान् स्ववशान् अपि ॥
अष्टाशीतिसहस्राणि स्नातकानां महात्मनाम् ॥
उपजीवन्ति राजानम् एनं सुचरितव्रतम् ॥
एष वृद्धान् अनाथांश् च व्यङ्गान् पङ्गूंश् च मानवान् ॥
पुत्रवत् पालयाम् आस प्रजा धर्मेण चाभिभो ॥
एष धर्मे दमे चैव क्रोधे चापि यतव्रतः ॥
महाप्रसादो ब्रह्मण्यः सत्यवादी च पार्थिवः ॥
श्रीप्रतापेन चैतस्य तप्यते स सुयोधनः ॥
सगणः सह कर्णेन सौबलेनापि वा विभुः ॥
न शक्यन्ते ह्य् अस्य गुणाः प्रसंख्यातुं नरेश्वर ॥
एष धर्मपरो नित्यम् आनृशंस्यश् च पाण्डवः ॥
एवंयुक्तो महाराजः पाण्डवः पार्थिवर्षभः ॥
कथं नार्हति राजार्हम् आसनं पृथिवीपतिः ॥
indrasyāpy āsanaṃ rājann ayam āroḍhum arhati ||
brahmaṇyaḥ śrutavāṃs tyāgī yajñaśīlo dṛḍhavrataḥ ||
ayaṃ kurūṇām ṛṣabhaḥ kuntīputro yudhiṣṭhiraḥ ||
asya kīrtiḥ sthitā loke sūryasyevodyataḥ prabhā ||
saṃsaranti diśaḥ sarvā yaśaso 'sya gabhastayaḥ ||
uditasyeva sūryasya tejaso 'nu gabhastayaḥ ||
enaṃ daśa sahasrāṇi kuñjarāṇāṃ tarasvinām ||
anvayuḥ pṛṣṭhato rājan yāvad adhyāvasat kurūn ||
triṃśad enaṃ sahasrāṇi rathāḥ kāñcanamālinaḥ ||
sadaśvair upasaṃpannāḥ pṛṣṭhato 'nuyayuḥ sadā ||
enam aṣṭaśatāḥ sūtāḥ sumṛṣṭamaṇikuṇḍalāḥ ||
astuvan māgadhaiḥ sārdhaṃ purā śakram ivarṣayaḥ ||
enaṃ nityam upāsanta kuravaḥ kiṃkarā yathā ||
sarve ca rājan rājāno dhaneśvaram ivāmarāḥ ||
eṣa sarvān mahīpālān karam āhārayat tadā ||
vaiśyān iva mahārāja vivaśān svavaśān api ||
aṣṭāśītisahasrāṇi snātakānāṃ mahātmanām ||
upajīvanti rājānam enaṃ sucaritavratam ||
eṣa vṛddhān anāthāṃś ca vyaṅgān paṅgūṃś ca mānavān ||
putravat pālayām āsa prajā dharmeṇa cābhibho ||
eṣa dharme dame caiva krodhe cāpi yatavrataḥ ||
mahāprasādo brahmaṇyaḥ satyavādī ca pārthivaḥ ||
śrīpratāpena caitasya tapyate sa suyodhanaḥ ||
sagaṇaḥ saha karṇena saubalenāpi vā vibhuḥ ||
na śakyante hy asya guṇāḥ prasaṃkhyātuṃ nareśvara ||
eṣa dharmaparo nityam ānṛśaṃsyaś ca pāṇḍavaḥ ||
evaṃyukto mahārājaḥ pāṇḍavaḥ pārthivarṣabhaḥ ||
kathaṃ nārhati rājārham āsanaṃ pṛthivīpatiḥ ||
Арджуна сказал: «Царь, он достоин взойти даже на сиденье Индры. Он почитает брахманов, учён, щедр, склонен к жертвам и твёрд в обете. Это бык Куру, сын Кунти Юдхиштхира; его слава стоит в мире, как свет восходящего солнца. Лучи его славы проходят все стороны, как лучи взошедшего солнца. Пока он владел Куру, за ним следовали десять тысяч стремительных слонов. Тридцать тысяч колесниц, украшенных золотыми гирляндами и запряжённых хорошими конями, всегда следовали за ним. Восемьсот сутов с чистыми драгоценными серьгами вместе с магадхами прежде воспевали его, как мудрецы — Шакру. Куру постоянно служили ему как слуги, и все цари, о царь, — как бессмертные Кубере. Он заставлял всех земных владык платить дань, словно вайшьев, и тех, кто был независим, и тех, кто был под его властью. Восемьдесят восемь тысяч великих снатаков жили при этом царе, верном прекрасным обетам. Старых, сирот, увечных, хромых людей и подданных он защищал по дхарме, как сыновей. Он твёрд в дхарме, самообуздании и сдерживании гнева, великомилостив, почитает брахманов и говорит правду. Его славой и мощью мучится Суйодхана со своей свитой, вместе с Карной и Саубалой. Невозможно исчислить его качества, о владыка людей. Этот Пандава всегда предан дхарме и милосердию. Такой великий царь, Пандава, лучший из владык земли, как может не быть достоин царского сиденья?»
7f53a5a39599 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Арджуна раскрывает Юдхиштхиру через качества, а не только через имя. Истинное царство определяется защитой слабых, правдой и властью над собой.