भीष्म उवाच
शृणु चेदं महाराज ब्रह्मभूतस्तवं मम ॥
ब्रह्मर्षिभिश् च देवैश् च यः पुरा कथितो भुवि ॥
साध्यानाम् अपि देवानां देवदेवेश्वरः प्रभुः ॥
लोकभावनभावज्ञ इति त्वां नारदो ऽब्रवीत् ॥
भूतं भव्यं भविष्यं च मार्कण्डेयो ऽभ्युवाच ह ॥
यज्ञानां चैव यज्ञं त्वां तपश् च तपसाम् अपि ॥
देवानाम् अपि देवं च त्वाम् आह भगवान् भृगुः ॥
पुराणे भैरवं रूपं विष्णो भूतपतेति वै ॥
वासुदेवो वसूनां त्वं शक्रं स्थापयिता तथा ॥
देवदेवो ऽसि देवानाम् इति द्वैपायनो ऽब्रवीत् ॥
पूर्वे प्रजानिसर्गेषु दक्षम् आहुः प्रजापतिम् ॥
स्रष्टारं सर्वभूतानाम् अङ्गिरास् त्वां ततो ऽब्रवीत् ॥
अव्यक्तं ते शरीरोत्थं व्यक्तं ते मनसि स्थितम् ॥
देवा वाक्संभवाश् चेति देवलस् त्व् असितो ऽब्रवीत् ॥
शिरसा ते दिवं व्याप्तं बाहुभ्यां पृथिवी धृता ॥
जठरं ते त्रयो लोकाः पुरुषो ऽसि सनातनः ॥
एवं त्वाम् अभिजानन्ति तपसा भाविता नराः ॥
आत्मदर्शनतृप्तानाम् ऋषीणां चापि सत्तमः ॥
राजर्षीणाम् उदाराणाम् आहवेष्व् अनिवर्तिनाम् ॥
सर्वधर्मप्रधानानां त्वं गतिर् मधुसूदन ॥
एष ते विस्तरस् तात संक्षेपश् च प्रकीर्तितः ॥
केशवस्य यथातत्त्वं सुप्रीतो भव केशवे ॥
bhīṣma uvāca
śṛṇu cedaṃ mahārāja brahmabhūtastavaṃ mama ||
brahmarṣibhiś ca devaiś ca yaḥ purā kathito bhuvi ||
sādhyānām api devānāṃ devadeveśvaraḥ prabhuḥ ||
lokabhāvanabhāvajña iti tvāṃ nārado 'bravīt ||
bhūtaṃ bhavyaṃ bhaviṣyaṃ ca mārkaṇḍeyo 'bhyuvāca ha ||
yajñānāṃ caiva yajñaṃ tvāṃ tapaś ca tapasām api ||
devānām api devaṃ ca tvām āha bhagavān bhṛguḥ ||
purāṇe bhairavaṃ rūpaṃ viṣṇo bhūtapateti vai ||
vāsudevo vasūnāṃ tvaṃ śakraṃ sthāpayitā tathā ||
devadevo 'si devānām iti dvaipāyano 'bravīt ||
pūrve prajānisargeṣu dakṣam āhuḥ prajāpatim ||
sraṣṭāraṃ sarvabhūtānām aṅgirās tvāṃ tato 'bravīt ||
avyaktaṃ te śarīrotthaṃ vyaktaṃ te manasi sthitam ||
devā vāksaṃbhavāś ceti devalas tv asito 'bravīt ||
śirasā te divaṃ vyāptaṃ bāhubhyāṃ pṛthivī dhṛtā ||
jaṭharaṃ te trayo lokāḥ puruṣo 'si sanātanaḥ ||
evaṃ tvām abhijānanti tapasā bhāvitā narāḥ ||
ātmadarśanatṛptānām ṛṣīṇāṃ cāpi sattamaḥ ||
rājarṣīṇām udārāṇām āhaveṣv anivartinām ||
sarvadharmapradhānānāṃ tvaṃ gatir madhusūdana ||
eṣa te vistaras tāta saṃkṣepaś ca prakīrtitaḥ ||
keśavasya yathātattvaṃ suprīto bhava keśave ||
Бхишма сказал: «Выслушай также, великий царь, мой гимн Брахман-сущему, который прежде был рассказан на земле брахмарши и богами. Нарада назвал Тебя Господом владык богов даже среди садхьев, Владыкой, ведающим бытие и становление миров. Маркандея провозгласил Тебя прошлым, настоящим и будущим. Бхагаван Бхригу назвал Тебя жертвой среди жертв, аскезой среди аскез и Богом богов. В древнем предании Тебя, о Вишну, называют грозным образом и владыкой существ. Двайпаяна сказал: “Ты Васудева среди Васу, Ты поставляешь Шакру, Ты Бог богов”. В прежних творениях существ Дакшу называли Праджапати; затем Ангирас назвал Тебя Творцом всех существ. Асита Девала сказал: “Непроявленное возникло из Твоего тела, проявленное пребывает в Твоём уме, а боги рождены из речи”. Твоей головой охвачено небо, руками поддержана земля, три мира — Твоё чрево; Ты вечный Пуруша. Так Тебя знают люди, очищенные аскезой, и лучший среди риши, удовлетворённых видением Атмана. Для благородных раджарши, не отступающих в битвах и главных во всех дхармах, Ты прибежище, Мадхусудана. Вот, сын, подробно и кратко провозглашена истина о Кешаве; будь же искренне расположен к Кешаве».
3a84b3647d42 · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Гимн собирает свидетельства Нарады, Маркандеи, Бхригу, Вьясы, Ангираса и Аситы Девалы. Бхишма показывает Дурьодхане, что величие Кешавы не частное мнение, а согласное знание мудрецов и богов.