संजय उवाच
अथ शूरा महाराज परस्परकृतागसः ॥
जग्मुः स्वशिबिराण्य् एव रुधिरेण समुक्षिताः ॥
विश्रम्य च यथान्यायं पूजयित्वा परस्परम् ॥
संनद्धाः समदृश्यन्त भूयो युद्धचिकीर्षया ॥
ततस् तव सुतो राजंश् चिन्तयाभिपरिप्लुतः ॥
विस्रवच् छोणिताक्ताङ्गः पप्रच्छेदं पितामहम् ॥
सैन्यानि रौद्राणि भयानकानि; व्यूढानि सम्यग् बहुलध्वजानि ॥
विदार्य हत्वा च निपीड्य शूरास्; ते पाण्डवानां त्वरिता रथौघाः ॥
संमोह्य सर्वान् युधि कीर्तिमन्तो; व्यूहं च तं मकरं वज्रकल्पम् ॥
प्रविश्य भीमेन निबर्हितो ऽस्मि; घोरैः शरैर् मृत्युदण्डप्रकाशैः ॥
क्रुद्धं तम् उद्वीक्ष्य भयेन राजन्; संमूर्छितो नालभं शान्तिम् अद्य ॥
इच्छे प्रसादात् तव सत्यसंध; प्राप्तुं जयं पाण्डवेयांश् च हन्तुम् ॥
तेनैवम् उक्तः प्रहसन् महात्मा; दुर्योधनं जातमन्युं विदित्वा ॥
तं प्रत्युवाचाविमना मनस्वी; गङ्गासुतः शस्त्रभृतां वरिष्ठः ॥
परेण यत्नेन विगाह्य सेनां; सर्वात्मनाहं तव राजपुत्र ॥
इच्छामि दातुं विजयं सुखं च; न चात्मानं छादये ऽहं त्वदर्थे ॥
एते तु रौद्रा बहवो महारथा; यशस्विनः शूरतमाः कृतास्त्राः ॥
ये पाण्डवानां समरे सहाया; जितक्लमाः क्रोधविषं वमन्ति ॥
ते नेह शक्याः सहसा विजेतुं; वीर्योन्नद्धाः कृतवैरास् त्वया च ॥
अहं ह्य् एतान् प्रतियोत्स्यामि राजन्; सर्वात्मना जीवितं त्यज्य वीर ॥
रणे तवार्थाय महानुभाव; न जीवितं रक्ष्यतमं ममाद्य ॥
सर्वांस् तवार्थाय सदेवदैत्यांल्; लोकान् दहेयं किम् उ शत्रूंस् तवेह ॥
तत् पाण्डवान् योधयिष्यामि राजन्; प्रियं च ते सर्वम् अहं करिष्ये ॥
श्रुत्वैव चैतत् परमप्रतीतो; दुर्योधनः प्रीतमना बभूव ॥
saṃjaya uvāca
atha śūrā mahārāja parasparakṛtāgasaḥ ||
jagmuḥ svaśibirāṇy eva rudhireṇa samukṣitāḥ ||
viśramya ca yathānyāyaṃ pūjayitvā parasparam ||
saṃnaddhāḥ samadṛśyanta bhūyo yuddhacikīrṣayā ||
tatas tava suto rājaṃś cintayābhipariplutaḥ ||
visravac choṇitāktāṅgaḥ papracchedaṃ pitāmaham ||
sainyāni raudrāṇi bhayānakāni; vyūḍhāni samyag bahuladhvajāni ||
vidārya hatvā ca nipīḍya śūrās; te pāṇḍavānāṃ tvaritā rathaughāḥ ||
saṃmohya sarvān yudhi kīrtimanto; vyūhaṃ ca taṃ makaraṃ vajrakalpam ||
praviśya bhīmena nibarhito 'smi; ghoraiḥ śarair mṛtyudaṇḍaprakāśaiḥ ||
kruddhaṃ tam udvīkṣya bhayena rājan; saṃmūrchito nālabhaṃ śāntim adya ||
icche prasādāt tava satyasaṃdha; prāptuṃ jayaṃ pāṇḍaveyāṃś ca hantum ||
tenaivam uktaḥ prahasan mahātmā; duryodhanaṃ jātamanyuṃ viditvā ||
taṃ pratyuvācāvimanā manasvī; gaṅgāsutaḥ śastrabhṛtāṃ variṣṭhaḥ ||
pareṇa yatnena vigāhya senāṃ; sarvātmanāhaṃ tava rājaputra ||
icchāmi dātuṃ vijayaṃ sukhaṃ ca; na cātmānaṃ chādaye 'haṃ tvadarthe ||
ete tu raudrā bahavo mahārathā; yaśasvinaḥ śūratamāḥ kṛtāstrāḥ ||
ye pāṇḍavānāṃ samare sahāyā; jitaklamāḥ krodhaviṣaṃ vamanti ||
te neha śakyāḥ sahasā vijetuṃ; vīryonnaddhāḥ kṛtavairās tvayā ca ||
ahaṃ hy etān pratiyotsyāmi rājan; sarvātmanā jīvitaṃ tyajya vīra ||
raṇe tavārthāya mahānubhāva; na jīvitaṃ rakṣyatamaṃ mamādya ||
sarvāṃs tavārthāya sadevadaityāṃl; lokān daheyaṃ kim u śatrūṃs taveha ||
tat pāṇḍavān yodhayiṣyāmi rājan; priyaṃ ca te sarvam ahaṃ kariṣye ||
śrutvaiva caitat paramapratīto; duryodhanaḥ prītamanā babhūva ||
Санджая сказал: «Затем герои, великий царь, взаимно причинившие друг другу раны, обрызганные кровью, ушли в свои лагеря. Отдохнув как положено и почтив друг друга, они снова предстали вооружёнными, желая нового сражения. Тогда твой сын, царь, охваченный тревогой, с телом, залитым текущей кровью, обратился к праотцу: “Страшные и ужасные войска Пандавов, правильно выстроенные и полные знамён, их быстрые потоки колесниц, их славные герои — они прорвали, убили и стеснили наши силы. В битве они всех помрачили, вошли в тот строй макара, крепкий как ваджра, и Бхима подавил меня страшными стрелами, похожими на жезлы смерти. Увидев его разгневанным, я от страха помрачился и сегодня не обрёл покоя, царь. О верный обету, я хочу по твоей милости достичь победы и убить сыновей Панду”. Когда он так сказал, великодушный сын Ганги, лучший среди носителей оружия, понял гнев Дурьодханы и, улыбаясь, невозмутимо ответил ему: “Высшим усилием войдя в войско, я всем собой желаю дать тебе победу и счастье, царевич. Ради тебя я не щажу самого себя. Но у Пандавов в битве есть многие грозные махаратхи, славные, храбрейшие, обученные астрам; они победили усталость и изрыгают яд гнева. Их невозможно быстро одолеть: они вознесены доблестью и тобой же обращены во врагов. Но я, царь, буду сражаться с ними всем собой, отказавшись от жизни, ради тебя в битве, о герой. Сегодня для меня не жизнь важнее всего, о великодушный. Ради тебя я сжёг бы все миры вместе с богами и дайтьями — что уж говорить о твоих врагах здесь. Поэтому я буду сражаться с Пандавами, царь, и сделаю всё, что тебе приятно”. Услышав это, Дурьодхана стал полностью удовлетворён и рад сердцем».
2728dcc43103 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Дурьодхана ищет у Бхишмы не правды, а подтверждения своей надежды на победу. Бхишма ясно говорит, что Пандавы стали врагами по вине самого Дурьодханы, но затем всё равно обещает служить его делу до отказа от жизни: трагедия долга здесь звучит особенно остро.