संजय उवाच
युधिष्ठिरेणैवम् उक्तः कौन्तेयः श्वेतवाहनः ॥
असिं जग्राह संक्रुद्धो जिघांसुर् भरतर्षभम् ॥
तस्य कोपं समुद्वीक्ष्य चित्तज्ञः केशवस् तदा ॥
उवाच किम् इदं पार्थ गृहीतः खड्ग इत्य् उत ॥
नेह पश्यामि योद्धव्यं तव किं चिद् धनंजय ॥
ते ध्वस्ता धार्तराष्ट्रा हि सर्वे भीमेन धीमता ॥
अपयातो ऽसि कौन्तेय राजा द्रष्टव्य इत्य् अपि ॥
स राजा भवता दृष्टः कुशली च युधिष्ठिरः ॥
तं दृष्ट्वा नृपशार्दूलं शार्दूलसमविक्रमम् ॥
हर्षकाले तु संप्राप्ते कस्मात् त्वा मन्युर् आविशत् ॥
न तं पश्यामि कौन्तेय यस् ते वध्यो भवेद् इह ॥
कस्माद् भवान् महाखड्गं परिगृह्णाति सत्वरम् ॥
तत् त्वा पृच्छामि कौन्तेय किम् इदं ते चिकीर्षितम् ॥
परामृशसि यत् क्रुद्धः खड्गम् अद्भुतविक्रम ॥
saṃjaya uvāca
yudhiṣṭhireṇaivam uktaḥ kaunteyaḥ śvetavāhanaḥ ||
asiṃ jagrāha saṃkruddho jighāṃsur bharatarṣabham ||
tasya kopaṃ samudvīkṣya cittajñaḥ keśavas tadā ||
uvāca kim idaṃ pārtha gṛhītaḥ khaḍga ity uta ||
neha paśyāmi yoddhavyaṃ tava kiṃ cid dhanaṃjaya ||
te dhvastā dhārtarāṣṭrā hi sarve bhīmena dhīmatā ||
apayāto 'si kaunteya rājā draṣṭavya ity api ||
sa rājā bhavatā dṛṣṭaḥ kuśalī ca yudhiṣṭhiraḥ ||
taṃ dṛṣṭvā nṛpaśārdūlaṃ śārdūlasamavikramam ||
harṣakāle tu saṃprāpte kasmāt tvā manyur āviśat ||
na taṃ paśyāmi kaunteya yas te vadhyo bhaved iha ||
kasmād bhavān mahākhaḍgaṃ parigṛhṇāti satvaram ||
tat tvā pṛcchāmi kaunteya kim idaṃ te cikīrṣitam ||
parāmṛśasi yat kruddhaḥ khaḍgam adbhutavikrama ||
Санджая сказал: «Когда Юдхиштхира сказал так, Каунтея Белоконный, разгневанный, схватил меч, желая убить быка среди Бхаратов. Увидев его гнев, Кешава, знающий сердца, сказал: “Что это, Партха? Зачем ты взял меч? Я не вижу здесь никого, с кем тебе надо сражаться, Дхананджая. Все Дхритараштриды разбиты мудрым Бхимой. Ты отошёл, Каунтея, чтобы увидеть царя; царь тобою увиден, и Юдхиштхира благополучен. Увидев этого тигра среди царей, доблестного как тигр, когда настал час радости, почему тебя охватил гнев? Я не вижу здесь, Каунтея, никого, кто должен быть убит тобою. Почему ты поспешно хватаешь великий меч? Поэтому спрашиваю тебя, Каунтея: что ты хочешь сделать, что в гневе касаешься меча, о герой чудесной доблести?”»
b03c644ddeba · опубликовано 20 июн. 2026 г., 07:07:15 UTC
Доступно наRUЛистайте стихи клавишами
Кришна останавливает Арджуну в самый опасный миг: внешняя битва прерывается внутренней. Когда клятва и обида сталкиваются, даже праведная сила может повернуться против собственного дома.