तथास्तु कृष्णेत्य् अभिनन्द्य वाक्यं; धनंजयः प्राह धनुर् विनाम्य ॥
युधिष्ठिरं धर्मभृतां वरिष्ठं; शृणुष्व राजन्न् इति शक्रसूनुः ॥
न मादृशो ऽन्यो नरदेव विद्यते; धनुर्धरो देवम् ऋते पिनाकिनम् ॥
अहं हि तेनानुमतो महात्मना; क्षणेन हन्यां सचराचरं जगत् ॥
मया हि राजन् सदिगीश्वरा दिशो; विजित्य सर्वा भवतः कृता वशे ॥
स राजसूयश् च समाप्तदक्षिणः; सभा च दिव्या भवतो ममौजसा ॥
पाणौ पृषत्का लिखिता ममेमे; धनुश् च संख्ये विततं सबाणम् ॥
पादौ च मे सशरौ सहध्वजौ; न मादृशं युद्धगतं जयन्ति ॥
हता उदीच्या निहताः प्रतीच्याः; प्राच्या निरस्ता दाक्षिणात्या विशस्ताः ॥
संशप्तकानां किं चिद् एवावशिष्टं; सर्वस्य सैन्यस्य हतं मयार्धम् ॥
शेते मया निहता भारती च; चमू राजन् देवचमूप्रकाशा ॥
ये नास्त्रज्ञास् तान् अहं हन्मि शस्त्रैस्; तस्माल् लोकं नेह करोमि भस्मसात् ॥
इत्य् एवम् उक्त्वा पुनर् आह पार्थो; युधिष्ठिरं धर्मभृतां वरिष्ठम् ॥
अप्य् अपुत्रा तेन राधा भवित्री; कुन्ती मया वा तद् ऋतं विद्धि राजन् ॥
प्रसीद राजन् क्षम यन् मयोक्तं; काले भवान् वेत्स्यति तन् नमस् ते ॥
प्रसाद्य राजानम् अमित्रसाहं; स्थितो ऽब्रवीच् चैनम् अभिप्रपन्नः ॥
याम्य् एष भीमं समरात् प्रमोक्तुं; सर्वात्मना सूतपुत्रं च हन्तुम् ॥
तव प्रियार्थं मम जीवितं हि; ब्रवीमि सत्यं तद् अवेहि राजन् ॥
इति प्रायाद् उपसंगृह्य पादौ; समुत्थितो दीप्ततेजाः किरीटी ॥
नेदं चिरात् क्षिप्रम् इदं भविष्यत्य्; आवर्तते ऽसाव् अभियामि चैनम् ॥
tathāstu kṛṣṇety abhinandya vākyaṃ; dhanaṃjayaḥ prāha dhanur vināmya ||
yudhiṣṭhiraṃ dharmabhṛtāṃ variṣṭhaṃ; śṛṇuṣva rājann iti śakrasūnuḥ ||
na mādṛśo 'nyo naradeva vidyate; dhanurdharo devam ṛte pinākinam ||
ahaṃ hi tenānumato mahātmanā; kṣaṇena hanyāṃ sacarācaraṃ jagat ||
mayā hi rājan sadigīśvarā diśo; vijitya sarvā bhavataḥ kṛtā vaśe ||
sa rājasūyaś ca samāptadakṣiṇaḥ; sabhā ca divyā bhavato mamaujasā ||
pāṇau pṛṣatkā likhitā mameme; dhanuś ca saṃkhye vitataṃ sabāṇam ||
pādau ca me saśarau sahadhvajau; na mādṛśaṃ yuddhagataṃ jayanti ||
hatā udīcyā nihatāḥ pratīcyāḥ; prācyā nirastā dākṣiṇātyā viśastāḥ ||
saṃśaptakānāṃ kiṃ cid evāvaśiṣṭaṃ; sarvasya sainyasya hataṃ mayārdham ||
śete mayā nihatā bhāratī ca; camū rājan devacamūprakāśā ||
ye nāstrajñās tān ahaṃ hanmi śastrais; tasmāl lokaṃ neha karomi bhasmasāt ||
ity evam uktvā punar āha pārtho; yudhiṣṭhiraṃ dharmabhṛtāṃ variṣṭham ||
apy aputrā tena rādhā bhavitrī; kuntī mayā vā tad ṛtaṃ viddhi rājan ||
prasīda rājan kṣama yan mayoktaṃ; kāle bhavān vetsyati tan namas te ||
prasādya rājānam amitrasāhaṃ; sthito 'bravīc cainam abhiprapannaḥ ||
yāmy eṣa bhīmaṃ samarāt pramoktuṃ; sarvātmanā sūtaputraṃ ca hantum ||
tava priyārthaṃ mama jīvitaṃ hi; bravīmi satyaṃ tad avehi rājan ||
iti prāyād upasaṃgṛhya pādau; samutthito dīptatejāḥ kirīṭī ||
nedaṃ cirāt kṣipram idaṃ bhaviṣyaty; āvartate 'sāv abhiyāmi cainam ||
Дхананджая, приняв слова Кришны, склонил лук и сказал Юдхиштхире, лучшему из хранителей дхармы: «Слушай, царь. Нет среди людей другого лучника, подобного мне, кроме бога Пинакина. С дозволения этого великого духом я мог бы в одно мгновение уничтожить весь движимый и недвижимый мир. Мной, царь, все стороны вместе с их владыками были покорены и поставлены под твою власть; твоя раджасуя с полной дакшиной и твой дивный дворец появились благодаря моей мощи. Эти стрелы отмечены на моей руке; в бою мой лук натянут со стрелой, и мои ноги стоят со стрелами и знаменем: человека, подобного мне в битве, не побеждают. Северяне убиты, западные сражены, восточные отброшены, южане уничтожены; от самшаптаков осталось лишь немного, и половина всего войска сражена мной. О царь, войско Бхаратов, сиявшее как войско богов, лежит сражённое мной. Кто не знает астр, тех я сражаю обычным оружием; поэтому я не обращаю этот мир в пепел». Сказав так, Партха снова обратился к Юдхиштхире, лучшему из праведных: «Пусть Радха станет без сына из-за него или Кунти из-за меня — знай это как истину, царь. Будь милостив, царь; прости сказанное мной. В должное время ты поймёшь. Поклон тебе». Умилостивив царя, победителя врагов, Арджуна, припав к нему, сказал: «Я иду освободить Бхиму из битвы и всеми силами сразить сына суты. Моя жизнь — ради твоего блага; говорю истину, знай это, царь». Сказав так, сияющий Киритин поднялся, прикоснувшись к стопам царя: «Это не затянется, скоро это случится. Он возвращается, и я иду ему навстречу».
d2337813c477 · опубликовано 20 июн. 2026 г., 07:07:15 UTC
Доступно наRUЛистайте стихи клавишами
Самовосхваление здесь не тщеславие, а предписанный Кришной способ погасить второй обетный кризис. Сразу после этого Арджуна возвращается к смирению: касается стоп Юдхиштхиры и переводит речь в решимость сразить Карну.