सात्यकिस् तु ततः कर्णं विंशत्या निशितैः शरैः ॥
अताडयद् रणे शूरो जत्रुदेशे नरोत्तमः ॥
शिखण्डी पञ्चविंशत्या धृष्टद्युम्नश् च पञ्चभिः ॥
द्रौपदेयाश् चतुःषष्ट्या सहदेवश् च सप्तभिः ॥
नकुलश् च शतेनाजौ कर्णं विव्याध सायकैः ॥
भीमसेनस् तु राधेयं नवत्या नतपर्वणाम् ॥
विव्याध समरे क्रुद्धो जत्रुदेशे महाबलः ॥
ततः प्रहस्याधिरथिर् विक्षिपन् धनुर् उत्तमम् ॥
मुमोच निशितान् बाणान् पीडयन् सुमहाबलः ॥
तान् प्रत्यविध्यद् राधेयः पञ्चभिः पञ्चभिः शरैः ॥
सात्यकेस् तु धनुश् छित्त्वा ध्वजं च पुरुषर्षभः ॥
अथैनं नवभिर् बाणैर् आजघान स्तनान्तरे ॥
भीमसेनस् तु तं क्रुद्धो विव्याध त्रिंशता शरैः ॥
सारथिं च त्रिभिर् बाणैर् आजघान परंतपः ॥
विरथान् द्रौपदेयांश् च चकार पुरुषर्षभः ॥
अक्ष्णोर् निमेषमात्रेण तद् अद्भुतम् इवाभवत् ॥
विमुखीकृत्य तान् सर्वाञ् शरैः संनतपर्वभिः ॥
पाञ्चालान् अहनच् छूरश् चेदीनां च महारथान् ॥
ते वध्यमानाः समरे चेदिमत्स्या विशां पते ॥
कर्णम् एकम् अभिद्रुत्य शरसंघैः समार्दयन् ॥
ताञ् जघान शितैर् बाणैः सूतपुत्रो महारथः ॥
एतद् अत्यद्भुतं कर्णे दृष्टवान् अस्मि भारत ॥
यद् एकः समरे शूरान् सूतपुत्रः प्रतापवान् ॥
यतमानान् परं शक्त्यायोधयत् तांश् च धन्विनः ॥
पाण्डवेयान् महाराज शरैर् वारितवान् रणे ॥
तत्र भारत कर्णस्य लाघवेन महात्मनः ॥
तुतुषुर् देवताः सर्वाः सिद्धाश् च परमर्षयः ॥
अपूजयन् महेष्वासा धार्तराष्ट्रा नरोत्तमम् ॥
कर्णं रथवरश्रेष्ठं श्रेष्ठं सर्वधनुष्मताम् ॥
sātyakis tu tataḥ karṇaṃ viṃśatyā niśitaiḥ śaraiḥ ||
atāḍayad raṇe śūro jatrudeśe narottamaḥ ||
śikhaṇḍī pañcaviṃśatyā dhṛṣṭadyumnaś ca pañcabhiḥ ||
draupadeyāś catuḥṣaṣṭyā sahadevaś ca saptabhiḥ ||
nakulaś ca śatenājau karṇaṃ vivyādha sāyakaiḥ ||
bhīmasenas tu rādheyaṃ navatyā nataparvaṇām ||
vivyādha samare kruddho jatrudeśe mahābalaḥ ||
tataḥ prahasyādhirathir vikṣipan dhanur uttamam ||
mumoca niśitān bāṇān pīḍayan sumahābalaḥ ||
tān pratyavidhyad rādheyaḥ pañcabhiḥ pañcabhiḥ śaraiḥ ||
sātyakes tu dhanuś chittvā dhvajaṃ ca puruṣarṣabhaḥ ||
athainaṃ navabhir bāṇair ājaghāna stanāntare ||
bhīmasenas tu taṃ kruddho vivyādha triṃśatā śaraiḥ ||
sārathiṃ ca tribhir bāṇair ājaghāna paraṃtapaḥ ||
virathān draupadeyāṃś ca cakāra puruṣarṣabhaḥ ||
akṣṇor nimeṣamātreṇa tad adbhutam ivābhavat ||
vimukhīkṛtya tān sarvāñ śaraiḥ saṃnataparvabhiḥ ||
pāñcālān ahanac chūraś cedīnāṃ ca mahārathān ||
te vadhyamānāḥ samare cedimatsyā viśāṃ pate ||
karṇam ekam abhidrutya śarasaṃghaiḥ samārdayan ||
tāñ jaghāna śitair bāṇaiḥ sūtaputro mahārathaḥ ||
etad atyadbhutaṃ karṇe dṛṣṭavān asmi bhārata ||
yad ekaḥ samare śūrān sūtaputraḥ pratāpavān ||
yatamānān paraṃ śaktyāyodhayat tāṃś ca dhanvinaḥ ||
pāṇḍaveyān mahārāja śarair vāritavān raṇe ||
tatra bhārata karṇasya lāghavena mahātmanaḥ ||
tutuṣur devatāḥ sarvāḥ siddhāś ca paramarṣayaḥ ||
apūjayan maheṣvāsā dhārtarāṣṭrā narottamam ||
karṇaṃ rathavaraśreṣṭhaṃ śreṣṭhaṃ sarvadhanuṣmatām ||
Сатьяки, герой и лучший из людей, поразил Карну в область ключиц двадцатью острыми стрелами. Шикханди ударил его двадцатью пятью, Дхриштадьюмна пятью, сыновья Драупади шестьюдесятью четырьмя, Сахадева семью, а Накула в бою пронзил Карну сотней стрел. Могучий Бхимасена, разгневанный, пронзил Радхею в ключицы девяноста стрелами. Тогда сын Адхиратхи рассмеялся, встряхнул свой превосходный лук и, давя врагов, выпустил острые стрелы. Радхея в ответ пронзил каждого из них пятью стрелами. Срезав лук и знамя Сатьяки, этот бык среди людей затем ударил его в грудь девятью стрелами. Гневный Бхимасена пронзил Карну тридцатью стрелами, а его возницу, палящий врагов, поразил тремя. Но Карна, бык среди людей, за одно мигание глаза оставил сыновей Драупади без колесниц, что казалось чудом. Обратив всех их назад острыми стрелами, герой стал поражать Панчалов и махаратхов Чеди. Чеди и Матсьи, поражаемые в бою, бросились на одного Карну и теснили его скоплениями стрел, но сын возницы, махаратха, сразил их острыми стрелами. Это величайшее чудо Карны я видел, Бхарата: один доблестный сын возницы удерживал в бою стрелами героев-Пандавеев и лучников, сражавшихся изо всех сил. Тогда, Бхарата, все божества, сиддхи и высшие риши возрадовались ловкости великодушного Карны, а Дхритараштриды, великие лучники, прославляли Карну, лучшего колесничего и лучшего из всех лучников».
3053001d5386 · опубликовано 20 июн. 2026 г., 07:50:39 UTC
Доступно наRUЛистайте стихи клавишами
Санджая не скрывает величия Карны: его мастерство действительно изумительно. Но эпос различает силу и правоту; восхищение воинским блеском не отменяет вопроса, чему эта сила служит.