दृष्ट्वा तु पाण्डवीं सेनां धार्तराष्ट्राः पराङ्मुखीम् ॥
अभिजग्मुर् महेष्वासा रुवन्तो भैरवान् रवान् ॥
दुर्योधनो हि राजेन्द्र मुदा परमया युतः ॥
वादयाम् आस संहृष्टो नानावाद्यानि सर्वशः ॥
पाञ्चालापि महेष्वासा भग्ना भग्ना नरोत्तमाः ॥
न्यवर्तन्त यथा शूरा मृत्युं कृत्वा निवर्तनम् ॥
तान् निवृत्तान् रणे शूरान् राधेयः शत्रुतापनः ॥
अनेकशो महाराज बभञ्ज पुरुषर्षभः ॥
तत्र भारत कर्णेन पाञ्चाला विंशती रथाः ॥
निहताः सादयः क्रोधाच् चेदयश् च परःशताः ॥
कृत्वा शून्यान् रथोपस्थान् वाजिपृष्ठांश् च भारत ॥
निर्मनुष्यान् गजस्कन्धान् पादातांश् चैव विद्रुतान् ॥
आदित्य इव मध्याह्ने दुर्निरीक्ष्यः परंतपः ॥
कालान्तकवपुः क्रूरः सूतपुत्रश् चचार ह ॥
एवम् एतान् महाराज नरवाजिरथद्विपान् ॥
हत्वा तस्थौ महेष्वासः कर्णो ऽरिगणसूदनः ॥
यथा भूतगणान् हत्वा कालस् तिष्ठेन् महाबलः ॥
तथा स सोमकान् हत्वा तस्थाव् एको महारथः ॥
तत्राद्भुतम् अपश्याम पाञ्चालानां पराक्रमम् ॥
वध्यमानापि कर्णेन नाजहू रणमूर्धनि ॥
राजा दुःशासनश् चैव कृपः शारद्वतस् तथा ॥
अश्वत्थामा कृतवर्मा शकुनिश् चापि सौबलः ॥
न्यहनन् पाण्डवीं सेनां शतशो ऽथ सहस्रशः ॥
कर्णपुत्रौ च राजेन्द्र भ्रातरौ सत्यविक्रमौ ॥
अनाशयेतां बलिनः पाञ्चालान् वै ततस् ततः ॥
तत्र युद्धं तदा ह्य् आसीत् क्रूरं विशसनं महत् ॥
तथैव पाण्डवाः शूरा धृष्टद्युम्नशिखण्डिनौ ॥
द्रौपदेयाश् च संक्रुद्धा अभ्यघ्नंस् तावकं बलम् ॥
एवम् एष क्षयो वृत्तः पाण्डवानां ततस् ततः ॥
तावकानाम् अपि रणे भीमं प्राप्य महाबलम् ॥
dṛṣṭvā tu pāṇḍavīṃ senāṃ dhārtarāṣṭrāḥ parāṅmukhīm ||
abhijagmur maheṣvāsā ruvanto bhairavān ravān ||
duryodhano hi rājendra mudā paramayā yutaḥ ||
vādayām āsa saṃhṛṣṭo nānāvādyāni sarvaśaḥ ||
pāñcālāpi maheṣvāsā bhagnā bhagnā narottamāḥ ||
nyavartanta yathā śūrā mṛtyuṃ kṛtvā nivartanam ||
tān nivṛttān raṇe śūrān rādheyaḥ śatrutāpanaḥ ||
anekaśo mahārāja babhañja puruṣarṣabhaḥ ||
tatra bhārata karṇena pāñcālā viṃśatī rathāḥ ||
nihatāḥ sādayaḥ krodhāc cedayaś ca paraḥśatāḥ ||
kṛtvā śūnyān rathopasthān vājipṛṣṭhāṃś ca bhārata ||
nirmanuṣyān gajaskandhān pādātāṃś caiva vidrutān ||
āditya iva madhyāhne durnirīkṣyaḥ paraṃtapaḥ ||
kālāntakavapuḥ krūraḥ sūtaputraś cacāra ha ||
evam etān mahārāja naravājirathadvipān ||
hatvā tasthau maheṣvāsaḥ karṇo 'rigaṇasūdanaḥ ||
yathā bhūtagaṇān hatvā kālas tiṣṭhen mahābalaḥ ||
tathā sa somakān hatvā tasthāv eko mahārathaḥ ||
tatrādbhutam apaśyāma pāñcālānāṃ parākramam ||
vadhyamānāpi karṇena nājahū raṇamūrdhani ||
rājā duḥśāsanaś caiva kṛpaḥ śāradvatas tathā ||
aśvatthāmā kṛtavarmā śakuniś cāpi saubalaḥ ||
nyahanan pāṇḍavīṃ senāṃ śataśo 'tha sahasraśaḥ ||
karṇaputrau ca rājendra bhrātarau satyavikramau ||
anāśayetāṃ balinaḥ pāñcālān vai tatas tataḥ ||
tatra yuddhaṃ tadā hy āsīt krūraṃ viśasanaṃ mahat ||
tathaiva pāṇḍavāḥ śūrā dhṛṣṭadyumnaśikhaṇḍinau ||
draupadeyāś ca saṃkruddhā abhyaghnaṃs tāvakaṃ balam ||
evam eṣa kṣayo vṛttaḥ pāṇḍavānāṃ tatas tataḥ ||
tāvakānām api raṇe bhīmaṃ prāpya mahābalam ||
Увидев, что пандавская армия отступает, Дхритараштриды, великие лучники, двинулись вперёд, издавая страшные крики. Дурьодхана, о царь царей, исполненный величайшей радости, велел повсюду заиграть разным инструментам. Но Панчалы, великие лучники и лучшие из людей, даже разбитые, снова повернули назад как герои, сделав смерть своим возвращением. Радхея, палящий врагов, снова и снова разбивал этих героев, вернувшихся в бой, великий царь. Там, Бхарата, Карна в гневе сразил двадцать колесниц Панчалов вместе со всадниками и сотни Чеди. Он опустошил сиденья колесниц, конские спины и спины слонов, обратил пеших в бегство и, палящий врагов, двигался как полуденное солнце, на которое трудно смотреть; жестокий сын возницы был подобен концу времени. Так, сразив людей, коней, колесницы и слонов, великий лучник Карна, губитель сонмов врагов, стоял один. Как могучее Время стояло бы, истребив толпы существ, так этот махаратха стоял один, сразив Сомаков. И всё же там мы увидели чудо доблести Панчалов: даже поражаемые Карной, они не оставили вершину боя. Царь, Духшасана, Крипа Шарадвата, Ашваттхаман, Критаварман и Шакуни Саубала убивали пандавское войско сотнями и тысячами. Два сына Карны, братья истинной доблести, повсюду губили могучих Панчалов. Тогда там шёл жестокий бой, великое побоище. Так же и герои Пандавы, Дхриштадьюмна, Шикханди и разгневанные сыновья Драупади поражали твоё войско. Так повсюду происходило истребление Пандавов и твоих воинов в бою, когда они встречали могучего Бхиму».
d8e9909e9230 · опубликовано 20 июн. 2026 г., 07:50:39 UTC
Доступно наRUЛистайте стихи клавишами
Глава заканчивается равновесием ужаса: Карна сжигает Панчалов, но Панчалы не оставляют бой; Кауравы давят Пандавов, но Бхима продолжает ломать кауравскую силу. Дхарма здесь проявляется не в лёгкой победе, а в стойкости, которая не отступает перед смертью.