नित्यम् उद्यतदण्डः स्यान् नित्यं विवृतपौरुषः ॥
अच्छिद्रश् छिद्रदर्शी च परेषां विवरानुगः ॥
नित्यम् उद्यतदण्डस्य भृशम् उद्विजते जनः ॥
तस्मात् सर्वाणि भूतानि दण्डेनैव प्ररोधयेत् ॥
एवम् एव प्रशंसन्ति पण्डितास् तत्त्वदर्शिनः ॥
तस्माच् चतुष्टये तस्मिन् प्रधानो दण्ड उच्यते ॥
छिन्नमूले ह्य् अधिष्ठाने सर्वे तज्जीविनो हताः ॥
कथं हि शाखास् तिष्ठेयुश् छिन्नमूले वनस्पतौ ॥
मूलम् एवादितश् छिन्द्यात् परपक्षस्य पण्डितः ॥
ततः सहायान् पक्षं च सर्वम् एवानुसारयेत् ॥
सुमन्त्रितं सुविक्रान्तं सुयुद्धं सुपलायितम् ॥
आपदां पदकालेषु कुर्वीत न विचारयेत् ॥
वाङ्मात्रेण विनीतः स्याद् धृदयेन यथा क्षुरः ॥
श्लक्ष्णपूर्वाभिभाषी च कामक्रोधौ विवर्जयेत् ॥
सपत्नसहिते कार्ये कृत्वा संधिं न विश्वसेत् ॥
अपक्रामेत् ततः क्षिप्रं कृतकार्यो विचक्षणः ॥
शत्रुं च मित्ररूपेण सान्त्वेनैवाभिसान्त्वयेत् ॥
नित्यशश् चोद्विजेत् तस्मात् सर्पाद् वेश्मगताद् इव ॥
यस्य बुद्धिं परिभवेत् तम् अतीतेन सान्त्वयेत् ॥
अनागतेन दुष्प्रज्ञं प्रत्युत्पन्नेन पण्डितम् ॥
अञ्जलिं शपथं सान्त्वं प्रणम्य शिरसा वदेत् ॥
अश्रुप्रपातनं चैव कर्तव्यं भूतिम् इच्छता ॥
वहेद् अमित्रं स्कन्धेन यावत् कालविपर्ययः ॥
अथैनम् आगते काले भिन्द्याद् घटम् इवाश्मनि ॥
nityam udyatadaṇḍaḥ syān nityaṃ vivṛtapauruṣaḥ ||
acchidraś chidradarśī ca pareṣāṃ vivarānugaḥ ||
nityam udyatadaṇḍasya bhṛśam udvijate janaḥ ||
tasmāt sarvāṇi bhūtāni daṇḍenaiva prarodhayet ||
evam eva praśaṃsanti paṇḍitās tattvadarśinaḥ ||
tasmāc catuṣṭaye tasmin pradhāno daṇḍa ucyate ||
chinnamūle hy adhiṣṭhāne sarve tajjīvino hatāḥ ||
kathaṃ hi śākhās tiṣṭheyuś chinnamūle vanaspatau ||
mūlam evāditaś chindyāt parapakṣasya paṇḍitaḥ ||
tataḥ sahāyān pakṣaṃ ca sarvam evānusārayet ||
sumantritaṃ suvikrāntaṃ suyuddhaṃ supalāyitam ||
āpadāṃ padakāleṣu kurvīta na vicārayet ||
vāṅmātreṇa vinītaḥ syād dhṛdayena yathā kṣuraḥ ||
ślakṣṇapūrvābhibhāṣī ca kāmakrodhau vivarjayet ||
sapatnasahite kārye kṛtvā saṃdhiṃ na viśvaset ||
apakrāmet tataḥ kṣipraṃ kṛtakāryo vicakṣaṇaḥ ||
śatruṃ ca mitrarūpeṇa sāntvenaivābhisāntvayet ||
nityaśaś codvijet tasmāt sarpād veśmagatād iva ||
yasya buddhiṃ paribhavet tam atītena sāntvayet ||
anāgatena duṣprajñaṃ pratyutpannena paṇḍitam ||
añjaliṃ śapathaṃ sāntvaṃ praṇamya śirasā vadet ||
aśruprapātanaṃ caiva kartavyaṃ bhūtim icchatā ||
vahed amitraṃ skandhena yāvat kālaviparyayaḥ ||
athainam āgate kāle bhindyād ghaṭam ivāśmani ||
Канинка сказал: «Царь должен всегда держать жезл наказания поднятым и всегда показывать свою силу. Сам он должен быть без уязвимых мест, видеть уязвимости других и следить за щелями противника. Народ сильно страшится того, у кого жезл всегда поднят; поэтому всех существ следует удерживать именно наказанием. Так говорят мудрые, видящие суть, и потому в этой четверице средств главным называется наказание. Когда корень основания отсечён, все, кто живёт им, погибают; как могут держаться ветви у дерева с отсечённым корнем? Поэтому мудрый сначала отсекает корень вражеской стороны, а затем преследует её помощников и всю партию. В момент бедствия нужно действовать: хорошо советоваться, смело выступать, хорошо сражаться и, если нужно, правильно отступать, не теряя времени в колебаниях. Снаружи следует быть смиренным в словах, но сердцем - острым как бритва; говорить сначала мягко и отбрасывать желание и гнев. Заключив союз с соперником ради дела, нельзя доверять ему; рассудительный, сделав дело, быстро отходит. Врага в облике друга нужно успокаивать лаской, но всегда опасаться его, как змеи, вошедшей в дом. Того, чей ум слабее, успокаивают прошлым; глупого - будущим; мудрого - настоящим. Тот, кто желает процветания, должен уметь складывать ладони, клясться, говорить ласково, склонять голову и даже проливать слёзы. Врага следует нести на плече, пока не переменится время; но когда время пришло, разбить его, как горшок о камень».
9486a83b086a · опубликовано 21 июн. 2026 г., 08:29:19 UTC
Доступно наRUЛистайте стихи клавишами
Канинка формулирует политику угрозы и скрытого расчёта. В контексте главы это не прославление жестокости как добродетели, а описание того, как власть действует при разрушенном порядке и активной вражде.