निष्क्रम्य वनम् आस्थाय ज्ञानयुक्तो जितेन्द्रियः ॥
कालाकाङ्क्षी चरन्न् एवं ब्रह्मभूयाय कल्पते ॥
अभयं यस्य भूतेभ्यो भूतानाम् अभयं यतः ॥
तस्य देहाद् विमुक्तस्य भयं नास्ति कुतश् चन ॥
अवाचिनोति कर्माणि न च संप्रचिनोति ह ॥
समः सर्वेषु भूतेषु मैत्रायणगतिश् चरेत् ॥
शकुनीनाम् इवाकाशे जले वारिचरस्य वा ॥
यथा गतिर् न दृश्येत तथा तस्य न संशयः ॥
गृहान् उत्सृज्य यो राजन् मोक्षम् एवाभिपद्यते ॥
लोकास् तेजोमयास् तस्य कल्पन्ते शाश्वतीः समाः ॥
संन्यस्य सर्वकर्माणि संन्यस्य विधिवत् तपः ॥
संन्यस्य विविधा विद्याः सर्वं संन्यस्य चैव ह ॥
कामेषु चाप्य् अनावृत्तः प्रसन्नात्मात्मविच् छुचिः ॥
प्राप्येह लोके सत्कारं स्वर्गं समभिपद्यते ॥
यच् च पैतामहं स्थानं ब्रह्मराशिसमुद्भवम् ॥
गुहायां पिहितं नित्यं तद् दमेनाभिपद्यते ॥
ज्ञानारामस्य बुद्धस्य सर्वभूताविरोधिनः ॥
नावृत्तिभयम् अस्तीह परलोके भयं कुतः ॥
niṣkramya vanam āsthāya jñānayukto jitendriyaḥ ||
kālākāṅkṣī carann evaṃ brahmabhūyāya kalpate ||
abhayaṃ yasya bhūtebhyo bhūtānām abhayaṃ yataḥ ||
tasya dehād vimuktasya bhayaṃ nāsti kutaś cana ||
avācinoti karmāṇi na ca saṃpracinoti ha ||
samaḥ sarveṣu bhūteṣu maitrāyaṇagatiś caret ||
śakunīnām ivākāśe jale vāricarasya vā ||
yathā gatir na dṛśyeta tathā tasya na saṃśayaḥ ||
gṛhān utsṛjya yo rājan mokṣam evābhipadyate ||
lokās tejomayās tasya kalpante śāśvatīḥ samāḥ ||
saṃnyasya sarvakarmāṇi saṃnyasya vidhivat tapaḥ ||
saṃnyasya vividhā vidyāḥ sarvaṃ saṃnyasya caiva ha ||
kāmeṣu cāpy anāvṛttaḥ prasannātmātmavic chuciḥ ||
prāpyeha loke satkāraṃ svargaṃ samabhipadyate ||
yac ca paitāmahaṃ sthānaṃ brahmarāśisamudbhavam ||
guhāyāṃ pihitaṃ nityaṃ tad damenābhipadyate ||
jñānārāmasya buddhasya sarvabhūtāvirodhinaḥ ||
nāvṛttibhayam astīha paraloke bhayaṃ kutaḥ ||
«Выйдя из дома и приняв лесную жизнь, человек, соединённый со знанием и победивший чувства, живя так и ожидая своего срока, становится пригодным к состоянию Брахмана. У кого нет страха от существ и от кого существа не испытывают страха, у того, освобождённого от тела, нет страха ниоткуда. Он не собирает и не накапливает карму; будучи равным ко всем существам, пусть живёт путём дружелюбия. Как не виден путь птиц в небе или водного существа в воде, так не виден и его путь, нет сомнения. Кто, оставив дома, стремится именно к освобождению, для того на вечные годы устраиваются сияющие миры. Отложив все действия, отложив по правилу аскезу, отложив разные знания и всё оставив, человек, не возвращающийся к желаниям, ясный душой, знающий себя и чистый, получив почёт в этом мире, достигает неба. Праотеческого места, возникшего из скопления Брахмана и постоянно скрытого в пещере сердца, достигают самообладанием. У того, кто радуется знанию, пробуждён, и не враждует ни с одним существом, нет здесь страха возвращения; откуда же страх в ином мире?»
08f86882afae · опубликовано 20 июн. 2026 г., 22:23:05 UTC
Доступно наRUЛистайте стихи клавишами
Самообладание ведёт от этической дисциплины к освобождению: страх исчезает, когда человек сам перестаёт быть источником страха для других существ.