ब्राह्मणो मध्यदेशीयः कृष्णाङ्गो ब्रह्मवर्जितः ॥
ग्रामं प्रेक्ष्य जनाकीर्णं प्राविशद् भैक्षकाङ्क्षया ॥
तत्र दस्युर् धनयुतः सर्ववर्णविशेषवित् ॥
ब्रह्मण्यः सत्यसंधश् च दाने च निरतो ऽभवत् ॥
तस्य क्षयम् उपागम्य ततो भिक्षाम् अयाचत ॥
प्रतिश्रयं च वासार्थं भिक्षां चैवाथ वार्षिकीम् ॥
प्रादात् तस्मै स विप्राय वस्त्रं च सदृशं नवम् ॥
नारीं चापि वयोपेतां भर्त्रा विरहितां तदा ॥
एतत् संप्राप्य हृष्टात्मा दस्योः सर्वं द्विजस् तदा ॥
तस्मिन् गृहवरे राजंस् तया रेमे स गौतमः ॥
कुटुम्बार्थेषु दस्योः स साहाय्यं चाप्य् अथाकरोत् ॥
तत्रावसत् सो ऽथ वर्षाः समृद्धे शबरालये ॥
बाणवेध्ये परं यत्नम् अकरोच् चैव गौतमः ॥
वक्राङ्गांस् तु स नित्यं वै सर्वतो बाणगोचरे ॥
जघान गौतमो राजन् यथा दस्युगणस् तथा ॥
हिंसापरो घृणाहीनः सदा प्राणिवधे रतः ॥
गौतमः संनिकर्षेण दस्युभिः समताम् इयात् ॥
brāhmaṇo madhyadeśīyaḥ kṛṣṇāṅgo brahmavarjitaḥ ||
grāmaṃ prekṣya janākīrṇaṃ prāviśad bhaikṣakāṅkṣayā ||
tatra dasyur dhanayutaḥ sarvavarṇaviśeṣavit ||
brahmaṇyaḥ satyasaṃdhaś ca dāne ca nirato 'bhavat ||
tasya kṣayam upāgamya tato bhikṣām ayācata ||
pratiśrayaṃ ca vāsārthaṃ bhikṣāṃ caivātha vārṣikīm ||
prādāt tasmai sa viprāya vastraṃ ca sadṛśaṃ navam ||
nārīṃ cāpi vayopetāṃ bhartrā virahitāṃ tadā ||
etat saṃprāpya hṛṣṭātmā dasyoḥ sarvaṃ dvijas tadā ||
tasmin gṛhavare rājaṃs tayā reme sa gautamaḥ ||
kuṭumbārtheṣu dasyoḥ sa sāhāyyaṃ cāpy athākarot ||
tatrāvasat so 'tha varṣāḥ samṛddhe śabarālaye ||
bāṇavedhye paraṃ yatnam akaroc caiva gautamaḥ ||
vakrāṅgāṃs tu sa nityaṃ vai sarvato bāṇagocare ||
jaghāna gautamo rājan yathā dasyugaṇas tathā ||
hiṃsāparo ghṛṇāhīnaḥ sadā prāṇivadhe rataḥ ||
gautamaḥ saṃnikarṣeṇa dasyubhiḥ samatām iyāt ||
Брахман из Срединной страны, темнотелый и лишённый подлинного брахманства, увидев многолюдную деревню, вошёл туда ради милостыни. Там был богатый разбойник, знавший различия всех варн, почитавший брахманов, верный истине и преданный дару. Придя к его дому, брахман попросил милостыню, приют для жизни и годовое содержание. Тот дал брахману новую подходящую одежду и зрелую женщину, тогда лишённую мужа. Получив всё это от разбойника, брахман Гаутама обрадовался и в том прекрасном доме, о царь, наслаждался с ней. Он помогал разбойнику в семейных делах и прожил там годы в богатом жилище шабаров; Гаутама стал усердно упражняться в стрельбе из лука. Как разбойничья шайка, он постоянно убивал птиц везде, куда доставала стрела. Преданный насилию, лишённый жалости, всегда радующийся убийству живых, Гаутама из-за близкого общения с разбойниками стал подобен им».
ec3d9666ea46 · опубликовано 21 июн. 2026 г., 06:46:28 UTC
Доступно наRUЛистайте стихи клавишами
История показывает силу общения: даже рождённый брахманом, потеряв внутреннюю дисциплину и приняв среду насилия, быстро становится похожим на тех, с кем живёт.