भीष्म उवाच
जापकानां फलावाप्तिर् मया ते संप्रकीर्तिता ॥
गतिः स्थानं च लोकाश् च जापकेन यथा जिताः ॥
प्रयाति संहिताध्यायी ब्रह्माणं परमेष्ठिनम् ॥
अथ वाग्निं समायाति सूर्यम् आविशते ऽपि वा ॥
स तैजसेन भावेन यदि तत्राश्नुते रतिम् ॥
गुणांस् तेषां समादत्ते रागेण प्रतिमोहितः ॥
एवं सोमे तथा वायौ भूम्याकाशशरीरगः ॥
सरागस् तत्र वसति गुणांस् तेषां समाचरन् ॥
अथ तत्र विरागी स गच्छति त्व् अथ संशयम् ॥
परम् अव्ययम् इच्छन् स तम् एवाविशते पुनः ॥
अमृताच् चामृतं प्राप्तः शीतीभूतो निरात्मवान् ॥
ब्रह्मभूतः स निर्द्वंद्वः सुखी शान्तो निरामयः ॥
ब्रह्मस्थानम् अनावर्तम् एकम् अक्षरसंज्ञकम् ॥
अदुःखम् अजरं शान्तं स्थानं तत् प्रतिपद्यते ॥
चतुर्भिर् लक्षणैर् हीनं तथा षड्भिः सषोडशैः ॥
पुरुषं समतिक्रम्य आकाशं प्रतिपद्यते ॥
अथ वेच्छति रागात्मा सर्वं तद् अधितिष्ठति ॥
यच् च प्रार्थयते तच् च मनसा प्रतिपद्यते ॥
अथ वा वीक्षते लोकान् सर्वान् निरयसंस्थितान् ॥
निःस्पृहः सर्वतो मुक्तस् तत्रैव रमते सुखी ॥
एवम् एषा महाराज जापकस्य गतिर् यथा ॥
एतत् ते सर्वम् आख्यातं किं भूयः श्रोतुम् इच्छसि ॥
bhīṣma uvāca
jāpakānāṃ phalāvāptir mayā te saṃprakīrtitā ||
gatiḥ sthānaṃ ca lokāś ca jāpakena yathā jitāḥ ||
prayāti saṃhitādhyāyī brahmāṇaṃ parameṣṭhinam ||
atha vāgniṃ samāyāti sūryam āviśate 'pi vā ||
sa taijasena bhāvena yadi tatrāśnute ratim ||
guṇāṃs teṣāṃ samādatte rāgeṇa pratimohitaḥ ||
evaṃ some tathā vāyau bhūmyākāśaśarīragaḥ ||
sarāgas tatra vasati guṇāṃs teṣāṃ samācaran ||
atha tatra virāgī sa gacchati tv atha saṃśayam ||
param avyayam icchan sa tam evāviśate punaḥ ||
amṛtāc cāmṛtaṃ prāptaḥ śītībhūto nirātmavān ||
brahmabhūtaḥ sa nirdvaṃdvaḥ sukhī śānto nirāmayaḥ ||
brahmasthānam anāvartam ekam akṣarasaṃjñakam ||
aduḥkham ajaraṃ śāntaṃ sthānaṃ tat pratipadyate ||
caturbhir lakṣaṇair hīnaṃ tathā ṣaḍbhiḥ saṣoḍaśaiḥ ||
puruṣaṃ samatikramya ākāśaṃ pratipadyate ||
atha vecchati rāgātmā sarvaṃ tad adhitiṣṭhati ||
yac ca prārthayate tac ca manasā pratipadyate ||
atha vā vīkṣate lokān sarvān nirayasaṃsthitān ||
niḥspṛhaḥ sarvato muktas tatraiva ramate sukhī ||
evam eṣā mahārāja jāpakasya gatir yathā ||
etat te sarvam ākhyātaṃ kiṃ bhūyaḥ śrotum icchasi ||
Бхишма сказал: «Я рассказал тебе о получении плода джапаков, о пути, месте и мирах, которые завоёвываются джапой. Тот, кто изучает и повторяет самхиту, идёт к Брахме Парамештхину; или достигает Агни, или входит в Солнце. Если, обретя огненное состояние, он наслаждается там и ослепляется привязанностью, он принимает их качества. Так же, пребывая в Соме, Ваю, земле или пространстве, если он остаётся с привязанностью, он живёт там, принимая их качества. Но если он там бесстрастен и желает высшего непреходящего, то без сомнения входит именно в него. Достигнув бессмертия от бессмертного, остыв от страстей и лишившись ложной самости, он становится Брахманом: вне двойственности, счастливый, мирный и свободный от болезни. Он достигает невозвратного места Брахмана — единого, именуемого акшара, свободного от страдания и старости, мирного. Перейдя за Пурушу и за признаки, он достигает пространства. Если же остаётся с привязанностью, он владеет всем этим и умом достигает того, чего желает. Или, свободный от стремления и полностью освобождённый, он видит даже миры, находящиеся в аду, и остаётся счастливым. Такова, великий царь, гати джапаки. Всё это тебе рассказано; что ещё ты желаешь услышать?»
9a7822fddc06 · опубликовано 21 июн. 2026 г., 10:25:17 UTC
Доступно наRUЛистайте стихи клавишами
Финал возвращает к главной теме: плод джапы зависит не только от силы практики, но и от внутренней привязанности. Даже достигнув высоких миров, можно принять их качества; высшая гати открывается там, где джапа созрела в бесстрастие и истину.