भीष्म उवाच
एतच् छ्रुत्वा तु वचनं कृतात्मा कृतनिश्चयः ॥
आत्मनात्मानम् आस्थाय दृष्ट्वा चात्मानम् आत्मना ॥
कृतकार्यः सुखी शान्तस् तूष्णीं प्रायाद् उदङ्मुखः ॥
शैशिरं गिरिम् उद्दिश्य सधर्मा मातरिश्वनः ॥
एतस्मिन्न् एव काले तु देवर्षिर् नारदस् तदा ॥
हिमवन्तम् इयाद् द्रष्टुं सिद्धचारणसेवितम् ॥
तम् अप्सरोगणाकीर्णं गीतस्वननिनादितम् ॥
किंनराणां समूहैश् च भृङ्गराजैस् तथैव च ॥
मद्गुभिः खञ्जरीटैश् च विचित्रैर् जीवजीवकैः ॥
चित्रवर्णैर् मयूरैश् च केकाशतविराजितैः ॥
राजहंससमूहैश् च हृष्टैः परभृतैस् तथा ॥
पक्षिराजो गरुत्मांश् च यं नित्यम् अधिगच्छति ॥
चत्वारो लोकपालाश् च देवाः सर्षिगणास् तथा ॥
यत्र नित्यं समायान्ति लोकस्य हितकाम्यया ॥
विष्णुना यत्र पुत्रार्थे तपस् तप्तं महात्मना ॥
यत्रैव च कुमारेण बाल्ये क्षिप्ता दिवौकसः ॥
शक्तिर् न्यस्ता क्षितितले त्रैलोक्यम् अवमन्य वै ॥
यत्रोवाच जगत्स्कन्दः क्षिपन् वाक्यम् इदं तदा ॥
bhīṣma uvāca
etac chrutvā tu vacanaṃ kṛtātmā kṛtaniścayaḥ ||
ātmanātmānam āsthāya dṛṣṭvā cātmānam ātmanā ||
kṛtakāryaḥ sukhī śāntas tūṣṇīṃ prāyād udaṅmukhaḥ ||
śaiśiraṃ girim uddiśya sadharmā mātariśvanaḥ ||
etasminn eva kāle tu devarṣir nāradas tadā ||
himavantam iyād draṣṭuṃ siddhacāraṇasevitam ||
tam apsarogaṇākīrṇaṃ gītasvananināditam ||
kiṃnarāṇāṃ samūhaiś ca bhṛṅgarājais tathaiva ca ||
madgubhiḥ khañjarīṭaiś ca vicitrair jīvajīvakaiḥ ||
citravarṇair mayūraiś ca kekāśatavirājitaiḥ ||
rājahaṃsasamūhaiś ca hṛṣṭaiḥ parabhṛtais tathā ||
pakṣirājo garutmāṃś ca yaṃ nityam adhigacchati ||
catvāro lokapālāś ca devāḥ sarṣigaṇās tathā ||
yatra nityaṃ samāyānti lokasya hitakāmyayā ||
viṣṇunā yatra putrārthe tapas taptaṃ mahātmanā ||
yatraiva ca kumāreṇa bālye kṣiptā divaukasaḥ ||
śaktir nyastā kṣititale trailokyam avamanya vai ||
yatrovāca jagatskandaḥ kṣipan vākyam idaṃ tadā ||
Бхишма сказал: «Услышав это слово, Шука, овладевший собой и утвердившийся в решении, атманом утвердился в атмане и атманом увидел атмана. Совершив своё дело, счастливый и умиротворённый, он молча отправился лицом к северу, к снежной горе, подобный ветру по своей природе. В это самое время божественный риши Нарада пошёл увидеть Химават, посещаемый сиддхами и чаранами: наполненный сонмами апсар, оглашаемый песнями, группами киннаров и птиц, пёстрыми павлинами, сотнями их криков, стаями царских лебедей и радостными кукушками. Туда постоянно приходит царь птиц Гаруда; туда ради блага мира всегда собираются четыре хранителя мира, боги и сонмы риши. Там великий Вишну совершал тапас ради сына; там же Кумара в детстве бросил вызов небожителям, презрев три мира, положил своё копьё на землю и сказал такие слова».
48d2bea2329b · опубликовано 21 июн. 2026 г., 06:53:38 UTC
Доступно наRUЛистайте стихи клавишами
После наставления Шука не остаётся в рассуждении: он входит в опыт атмана и уходит к северу. Священное пространство Химавата показано как место, где собираются силы мира и совершается великий тапас.