वैशंपायन उवाच
इत्य् उक्तास् तु वयं तेन वेदव्यासेन धीमता ॥
सर्वे शिष्याः सुतश् चास्य शुकः परमधर्मवित् ॥
स चास्माकम् उपाध्यायः सहास्माभिर् विशां पते ॥
चतुर्वेदोद्गताभिश् च ऋग्भिस् तम् अभितुष्टुवे ॥
एतत् ते सर्वम् आख्यातं यन् मां त्वं परिपृच्छसि ॥
एवं मे ऽकथयद् राजन् पुरा द्वैपायनो गुरुः ॥
यश् चेदं शृणुयान् नित्यं यश् चेदं परिकीर्तयेत् ॥
नमो भगवते कृत्वा समाहितमना नरः ॥
भवत्य् अरोगो द्युतिमान् बलरूपसमन्वितः ॥
आतुरो मुच्यते रोगाद् बद्धो मुच्येत बन्धनात् ॥
कामकामी लभेत् कामं दीर्घम् आयुर् अवाप्नुयात् ॥
ब्राह्मणः सर्ववेदी स्यात् क्षत्रियो विजयी भवेत् ॥
वैश्यो विपुललाभः स्याच् छूद्रः सुखम् अवाप्नुयात् ॥
अपुत्रो लभते पुत्रं कन्या चैवेप्सितं पतिम् ॥
लग्नगर्भा विमुच्येत गर्भिणी जनयेत् सुतम् ॥
वन्ध्या प्रसवम् आप्नोति पुत्रपौत्रसमृद्धिमत् ॥
क्षेमेण गच्छेद् अध्वानम् इदं यः पठते पथि ॥
यो यं कामं कामयते स तम् आप्नोति च ध्रुवम् ॥
इदं महर्षेर् वचनं विनिश्चितं; महात्मनः पुरुषवरस्य कीर्तनम् ॥
समागमं चर्षिदिवौकसाम् इमं; निशम्य भक्ताः सुसुखं लभन्ते ॥
vaiśaṃpāyana uvāca
ity uktās tu vayaṃ tena vedavyāsena dhīmatā ||
sarve śiṣyāḥ sutaś cāsya śukaḥ paramadharmavit ||
sa cāsmākam upādhyāyaḥ sahāsmābhir viśāṃ pate ||
caturvedodgatābhiś ca ṛgbhis tam abhituṣṭuve ||
etat te sarvam ākhyātaṃ yan māṃ tvaṃ paripṛcchasi ||
evaṃ me 'kathayad rājan purā dvaipāyano guruḥ ||
yaś cedaṃ śṛṇuyān nityaṃ yaś cedaṃ parikīrtayet ||
namo bhagavate kṛtvā samāhitamanā naraḥ ||
bhavaty arogo dyutimān balarūpasamanvitaḥ ||
āturo mucyate rogād baddho mucyeta bandhanāt ||
kāmakāmī labhet kāmaṃ dīrgham āyur avāpnuyāt ||
brāhmaṇaḥ sarvavedī syāt kṣatriyo vijayī bhavet ||
vaiśyo vipulalābhaḥ syāc chūdraḥ sukham avāpnuyāt ||
aputro labhate putraṃ kanyā caivepsitaṃ patim ||
lagnagarbhā vimucyeta garbhiṇī janayet sutam ||
vandhyā prasavam āpnoti putrapautrasamṛddhimat ||
kṣemeṇa gacched adhvānam idaṃ yaḥ paṭhate pathi ||
yo yaṃ kāmaṃ kāmayate sa tam āpnoti ca dhruvam ||
idaṃ maharṣer vacanaṃ viniścitaṃ; mahātmanaḥ puruṣavarasya kīrtanam ||
samāgamaṃ carṣidivaukasām imaṃ; niśamya bhaktāḥ susukhaṃ labhante ||
Вайшампаяна сказал: «Так наставленные мудрым Ведавьясой, мы все - его ученики, а также его сын Шука, знаток высшей дхармы, - вместе с нашим наставником восхвалили Хари гимнами, исходящими из четырёх Вед. Я рассказал тебе всё, о чём ты спрашивал; так прежде поведал мне мой гуру Двайпаяна. Человек, который постоянно слушает или провозглашает это, предварительно поклонившись Бхагавану и сосредоточив ум, становится здоровым, сияющим, наделённым силой и красотой. Больной освобождается от болезни, связанный - от уз, желающий получает желанное, обретает долгую жизнь; брахман становится знатоком всех Вед, кшатрий - победоносным, вайшья получает большую прибыль, а шудра - счастье. Бездетный получает сына, девушка - желанного мужа, женщина с задержанным плодом освобождается, беременная рождает сына, бесплодная обретает потомство с богатством сыновей и внуков. Кто читает это в пути, безопасно проходит дорогу; какое желание человек желает, того он несомненно достигает. Услышав это установленное слово великого риши, прославление великого Атмана, лучшего Пуруши, и это собрание риши и небожителей, преданные обретают великое счастье».
262e641fe404 · опубликовано 21 июн. 2026 г., 09:36:11 UTC
Доступно наRUЛистайте стихи клавишами
Плод слушания описан широко, но его центр - сосредоточенное почтение Бхагавану. Слушание главы становится практикой памяти о Хари как источнике Вед, жертвы, дхармы и освобождения.