ततो युयुत्सुम् आनाय्य प्रव्रजन् धर्मकाम्यया ॥
राज्यं परिददौ सर्वं वैश्यापुत्रे युधिष्ठिरः ॥
अभिषिच्य स्वराज्ये तु तं राजानं परिक्षितम् ॥
दुःखार्तश् चाब्रवीद् राजा सुभद्रां पाण्डवाग्रजः ॥
एष पुत्रस्य ते पुत्रः कुरुराजो भविष्यति ॥
यदूनां परिशेषश् च वज्रो राजा कृतश् च ह ॥
परिक्षिद् धास्तिनपुरे शक्रप्रस्थे तु यादवः ॥
वज्रो राजा त्वया रक्ष्यो मा चाधर्मे मनः कृथाः ॥
इत्य् उक्त्वा धर्मराजः स वासुदेवस्य धीमतः ॥
मातुलस्य च वृद्धस्य रामादीनां तथैव च ॥
मातृभिः सह धर्मात्मा कृत्वोदकम् अतन्द्रितः ॥
श्राद्धान्य् उद्दिश्य सर्वेषां चकार विधिवत् तदा ॥
ददौ रत्नानि वासांसि ग्रामान् अश्वान् रथान् अपि ॥
स्त्रियश् च द्विजमुख्येभ्यो गवां शतसहस्रशः ॥
कृपम् अभ्यर्च्य च गुरुम् अर्थमानपुरस्कृतम् ॥
शिष्यं परिक्षितं तस्मै ददौ भरतसत्तमः ॥
ततस् तु प्रकृतीः सर्वाः समानाय्य युधिष्ठिरः ॥
सर्वम् आचष्ट राजर्षिश् चिकीर्षितम् अथात्मनः ॥
ते श्रुत्वैव वचस् तस्य पौरजानपदा जनाः ॥
भृशम् उद्विग्नमनसो नाभ्यनन्दन्त तद् वचः ॥
नैवं कर्तव्यम् इति ते तदोचुस् ते नराधिपम् ॥
न च राजा तथाकार्षीत् कालपर्यायधर्मवित् ॥
ततो ऽनुमान्य धर्मात्मा पौरजानपदं जनम् ॥
गमनाय मतिं चक्रे भ्रातरश् चास्य ते तदा ॥
tato yuyutsum ānāyya pravrajan dharmakāmyayā ||
rājyaṃ paridadau sarvaṃ vaiśyāputre yudhiṣṭhiraḥ ||
abhiṣicya svarājye tu taṃ rājānaṃ parikṣitam ||
duḥkhārtaś cābravīd rājā subhadrāṃ pāṇḍavāgrajaḥ ||
eṣa putrasya te putraḥ kururājo bhaviṣyati ||
yadūnāṃ pariśeṣaś ca vajro rājā kṛtaś ca ha ||
parikṣid dhāstinapure śakraprasthe tu yādavaḥ ||
vajro rājā tvayā rakṣyo mā cādharme manaḥ kṛthāḥ ||
ity uktvā dharmarājaḥ sa vāsudevasya dhīmataḥ ||
mātulasya ca vṛddhasya rāmādīnāṃ tathaiva ca ||
mātṛbhiḥ saha dharmātmā kṛtvodakam atandritaḥ ||
śrāddhāny uddiśya sarveṣāṃ cakāra vidhivat tadā ||
dadau ratnāni vāsāṃsi grāmān aśvān rathān api ||
striyaś ca dvijamukhyebhyo gavāṃ śatasahasraśaḥ ||
kṛpam abhyarcya ca gurum arthamānapuraskṛtam ||
śiṣyaṃ parikṣitaṃ tasmai dadau bharatasattamaḥ ||
tatas tu prakṛtīḥ sarvāḥ samānāyya yudhiṣṭhiraḥ ||
sarvam ācaṣṭa rājarṣiś cikīrṣitam athātmanaḥ ||
te śrutvaiva vacas tasya paurajānapadā janāḥ ||
bhṛśam udvignamanaso nābhyanandanta tad vacaḥ ||
naivaṃ kartavyam iti te tadocus te narādhipam ||
na ca rājā tathākārṣīt kālaparyāyadharmavit ||
tato 'numānya dharmātmā paurajānapadaṃ janam ||
gamanāya matiṃ cakre bhrātaraś cāsya te tadā ||
Затем Юдхиштхира, желая дхармы, призвал Юютсу и передал сыну вайшьи всё царство. Помазав в своём царстве царя Парикшита, старший Пандава, мучимый горем, сказал Субхадре: «Этот сын твоего сына будет царём Куру; а остаток Ядавов, Ваджра, также поставлен царём. Парикшит будет в Хастинапуре, а Ядава Ваджра — в Шакрапрастхе. Ты должна хранить Ваджру, и не обращай ум к адхарме». Сказав это, праведный Дхармараджа вместе с матерями усердно совершил водные обряды для мудрого Васудевы, для старого дяди, для Рамы и прочих, и тогда по правилу совершил шраддхи для всех. Он дал главным брахманам драгоценности, одежды, деревни, коней, колесницы, женщин и коров сотнями тысяч. Почтив наставника Крипу дарами и почестью, лучший из Бхаратов поручил ему ученика Парикшита. Затем царственный риши Юдхиштхира созвал всех подданных и объявил всё, что намеревался сделать. Едва услышав его слова, горожане и жители страны сильно встревожились умом и не одобрили этой речи. «Так делать нельзя», — сказали они царю; но царь, знающий закон смены времени, не поступил иначе. Тогда праведный, получив согласие народа города и страны, решил идти, и братья его также.
0b0333337bb6 · опубликовано 21 июн. 2026 г., 15:10:57 UTC
Доступно наRUЛистайте стихи клавишами
Перед уходом Юдхиштхира устраивает преемственность, поминовение и защиту оставшихся. Отречение не означает беспорядка: он передаёт царство, утверждает Парикшита и Ваджру, поручает ребёнка Крипе, совершает долги перед ушедшими и перед брахманами. Так истинное renunciation не разрушает мир за собой, а оставляет его в порядке. Народ не хочет отпускать праведного царя, но он знает, что дхарма времени выше привязанности подданных. Стихи показывают, что уход в духовный путь не освобождает от ответственности: сперва нужно завершить обязанности, защитить слабых и лишь потом оставить власть.