स्वर्गं त्रिविष्टपं प्राप्य धर्मराजो युधिष्ठिरः ॥
दुर्योधनं श्रिया जुष्टं ददर्शासीनम् आसने ॥
भ्राजमानम् इवादित्यं वीरलक्ष्म्याभिसंवृतम् ॥
देवैर् भ्राजिष्णुभिः साध्यैः सहितं पुण्यकर्मभिः ॥
ततो युधिष्ठिरो दृष्ट्वा दुर्योधनम् अमर्षितः ॥
सहसा संनिवृत्तो ऽभूच् छ्रियं दृष्ट्वा सुयोधने ॥
ब्रुवन्न् उच्चैर् वचस् तान् वै नाहं दुर्योधनेन वै ॥
सहितः कामये लोकांल् लुब्धेनादीर्घदर्शिना ॥
यत्कृते पृथिवी सर्वा सुहृदो बान्धवास् तथा ॥
हतास्माभिः प्रसह्याजौ क्लिष्टैः पूर्वं महावने ॥
द्रौपदी च सभामध्ये पाञ्चाली धर्मचारिणी ॥
परिक्लिष्टानवद्याङ्गी पत्नी नो गुरुसंनिधौ ॥
स्वस्ति देवा न मे कामः सुयोधनम् उदीक्षितुम् ॥
तत्राहं गन्तुम् इच्छामि यत्र ते भ्रातरो मम ॥
svargaṃ triviṣṭapaṃ prāpya dharmarājo yudhiṣṭhiraḥ ||
duryodhanaṃ śriyā juṣṭaṃ dadarśāsīnam āsane ||
bhrājamānam ivādityaṃ vīralakṣmyābhisaṃvṛtam ||
devair bhrājiṣṇubhiḥ sādhyaiḥ sahitaṃ puṇyakarmabhiḥ ||
tato yudhiṣṭhiro dṛṣṭvā duryodhanam amarṣitaḥ ||
sahasā saṃnivṛtto 'bhūc chriyaṃ dṛṣṭvā suyodhane ||
bruvann uccair vacas tān vai nāhaṃ duryodhanena vai ||
sahitaḥ kāmaye lokāṃl lubdhenādīrghadarśinā ||
yatkṛte pṛthivī sarvā suhṛdo bāndhavās tathā ||
hatāsmābhiḥ prasahyājau kliṣṭaiḥ pūrvaṃ mahāvane ||
draupadī ca sabhāmadhye pāñcālī dharmacāriṇī ||
parikliṣṭānavadyāṅgī patnī no gurusaṃnidhau ||
svasti devā na me kāmaḥ suyodhanam udīkṣitum ||
tatrāhaṃ gantum icchāmi yatra te bhrātaro mama ||
Достигнув неба, Тривиштапы, Дхармараджа Юдхиштхира увидел Дурьодхану, сидящего на сидении, окружённого славой, сияющего как солнце, покрытого доблестной удачей, вместе с блистательными богами, садхьями и существами благих дел. Увидев Дурьодхану и славу Суйодханы, Юдхиштхира, возмущённый, внезапно отвернулся и громко сказал им: «Я не желаю миров вместе с Дурьодханой, жадным и недальновидным. Из-за него вся земля, друзья и родичи были убиты нами силой в бою, после того как прежде мы страдали в великом лесу. И Драупади, Панчали, праведная, безупречная телом, наша жена, была мучима посреди собрания в присутствии старших. Да будет вам благо, боги; у меня нет желания видеть Суйодхану. Я хочу идти туда, где мои братья».
6226af95412e · опубликовано 21 июн. 2026 г., 15:51:54 UTC
Доступно наRUЛистайте стихи клавишами
Первое небесное видение Юдхиштхиры потрясает: враг, виновник унижения и войны, сидит в славе. Реакция царя честна: память о страдании Драупади и гибели родных не исчезла от одного слова «рай». Небо испытывает не только его заслуги, но и способность перерасти земную справедливость. Стихи показывают, что даже праведник входит в высший мир с остатком человеческой памяти; она должна быть очищена, а не насильно подавлена.