इत्थमुक्तवति श्रेष्ठे भूपे सुरथसंज्ञिते । सेवका बाहुना धृत्वा निष्कासयितुमुद्यताः
तदा यमो निजं रूपं धृत्वा लोकैकवन्दितम् । प्राह भूपं प्रतुष्टोऽस्मि याचस्व हरिसेवक
मया प्रलोभितो वाग्भिर्बह्वीभिरपि सुव्रत । चलितोऽसि न रामस्य सेवायाः साधुसेवितः । तदा प्रोवाच भूमीशो यमं दृष्ट्वा सुतोषितम् । उवाच यदि तुष्टोऽसि देहि मे वरमुत्तमम्
तावन्मम न वै मृत्युर्यावद्रामसमागमः । न भयं मे भवत्तो हि कदा च न हि धर्मराट्
तदोवाच यमो भूपमिदं तव भविष्यति । सर्वं त्वदीप्सितं तथ्यं करिष्यति रघोः पतिः
इत्युक्त्वान्तर्हितो धर्मो जगाम स्वपुरं प्रति । प्रशस्य तस्य चरितं हरिभक्तिपरात्मनः
स राजा धार्मिको रामसेवकः परया मुदा । गृहीत्वाश्वं प्रत्युवाच सेवकान्हरिसेवकान्
मया गृहीतो वाहोऽसौ राघवस्य महीपतेः । सज्जीभवन्तु सर्वत्र यूयं रणविशारदाः
इति प्रोक्तास्तु ते सर्वे भटा राज्ञो महाबलाः । सज्जीभूताः क्षणादेव सभायां जग्मुरुत्सुकाः
राज्ञो वीरा दशसुताश्चम्पको मोहकस्तथा । रिपुञ्जयोऽतिदुर्वारः प्रतापी बलमोदकः
हर्यक्षः सहदेवश्च भूरिदेवः सुतापनः । इति राज्ञो दशसुताः सज्जीभूता रणाङ्गणे
यातुमिच्छामकुर्वंस्ते महोत्साहसमन्विताः । राजापि स्वरथं चित्रं हेमशोभाविनिर्मितम्
आह्वयामास सुजवैर्वाजिभिः समलङ्कृतम् । रणोत्साहेन संयुक्तः सर्वसैन्यपरीवृतः
सभायां सेवकान्सर्वान्दिशन्नास्ते महीपतिः
itthamuktavati śreṣṭhe bhūpe surathasaṃjñite | sevakā bāhunā dhṛtvā niṣkāsayitumudyatāḥ
tadā yamo nijaṃ rūpaṃ dhṛtvā lokaikavanditam | prāha bhūpaṃ pratuṣṭo'smi yācasva harisevaka
mayā pralobhito vāgbhirbahvībhirapi suvrata | calito'si na rāmasya sevāyāḥ sādhusevitaḥ | tadā provāca bhūmīśo yamaṃ dṛṣṭvā sutoṣitam | uvāca yadi tuṣṭo'si dehi me varamuttamam
tāvanmama na vai mṛtyuryāvadrāmasamāgamaḥ | na bhayaṃ me bhavatto hi kadā ca na hi dharmarāṭ
tadovāca yamo bhūpamidaṃ tava bhaviṣyati | sarvaṃ tvadīpsitaṃ tathyaṃ kariṣyati raghoḥ patiḥ
ityuktvāntarhito dharmo jagāma svapuraṃ prati | praśasya tasya caritaṃ haribhaktiparātmanaḥ
sa rājā dhārmiko rāmasevakaḥ parayā mudā | gṛhītvāśvaṃ pratyuvāca sevakānharisevakān
mayā gṛhīto vāho'sau rāghavasya mahīpateḥ | sajjībhavantu sarvatra yūyaṃ raṇaviśāradāḥ
iti proktāstu te sarve bhaṭā rājño mahābalāḥ | sajjībhūtāḥ kṣaṇādeva sabhāyāṃ jagmurutsukāḥ
rājño vīrā daśasutāścampako mohakastathā | ripuñjayo'tidurvāraḥ pratāpī balamodakaḥ
haryakṣaḥ sahadevaśca bhūridevaḥ sutāpanaḥ | iti rājño daśasutāḥ sajjībhūtā raṇāṅgaṇe
yātumicchāmakurvaṃste mahotsāhasamanvitāḥ | rājāpi svarathaṃ citraṃ hemaśobhāvinirmitam
āhvayāmāsa sujavairvājibhiḥ samalaṅkṛtam | raṇotsāhena saṃyuktaḥ sarvasainyaparīvṛtaḥ
sabhāyāṃ sevakānsarvāndiśannāste mahīpatiḥ
«Когда так сказал превосходный царь, именуемый Суратхой, слуги, взяв [мудреца] за руку, изготовились выставить его. Тогда Яма, приняв свой облик, единственно чтимый мирами, сказал царю: „Я весьма доволен; проси, о слуга Хари. Соблазняемый мною многими речами, о твёрдый в обетах, ты не поколебался в служении Раме, чтимом праведными“. Тогда владыка земли, увидев Яму весьма довольным, сказал: „Если ты доволен, дай мне высший дар: до тех пор да не будет моей смерти, покуда [не случится] встреча с Рамой. И нет мне страха перед тобою никогда, о царь дхармы“. Тогда Яма сказал царю: „Это у тебя будет; всё тобою желаемое истинно исполнит владыка Рагху“. Сказав так, Дхарма исчез и ушёл в свой город, восхвалив житие того, чья душа предана Хари. Тот праведный царь, слуга Рамы, с высшей радостью взяв коня, сказал слугам, слугам Хари: „Мною взят тот конь Рагхавы, владыки земли; да снарядятся повсюду вы, искусные в битве“. Так наставленные, все они, весьма сильные воины царя, снарядившись, в тот же миг пришли в собрание, взволнованные. Десять сыновей царя, герои: Чампака, Мохака, а также неудержимый Рипунджая, Пратапи, Баламодака, Харьякша, Сахадева, Бхуридева и Сутапана — так снарядились десять сыновей царя на поле битвы. Они изъявили желание идти, исполненные великого воодушевления. И царь призвал свою дивную колесницу, сделанную с золотою красою, украшенную весьма быстрыми конями. Исполненный ратного воодушевления, окружённый всем войском, в собрании пребывает владыка земли, отдавая распоряжения всем слугам.»
33564c07b9fd · опубликовано 3 сент. 2026 г., 04:13:47 UTC
Доступно наRUЛистайте стихи клавишами
Испытание кончается, когда царя уже волокут за руку к выходу: устоял он не в раздумье, а в действии. И дар просит не о бессмертии, а об отсрочке — жить до встречи. Ответ Ямы честен: это не в его власти, исполнит Рама.