इत्युक्त्वा बाणसङ्घातं प्रच्छिद्य वचनं पुनः । जगाद पुष्कलं वीरः शरसन्धानकोविदः
पालयात्मानमाजिस्थ मच्छराघातपीडितः । पतिष्यसि महीपृष्ठे रुधिरेण परिप्लुतः
एवमुक्तं समाकर्ण्य पुष्कलः कोपसंयुतः । रणे संयोधयामास लवं वीरं महाबलम्
लवः प्रकुपितो बाणं तीक्ष्णं वैरिविदारणम् । जग्राह लवतः कोशादाशीविषमिव क्रुधा
जाज्वल्यमानः सशरश्चापमुक्तो लवस्य च । हृदयं भेत्तुमुद्युक्तश्छिन्नो भारतिनाशु सः
छिन्ने भारतिना सङ्ख्ये शरेण प्राणहारिणा । अत्यन्तं कुपितो घोरं शरमन्यं समाददे
आकर्णाकृष्टचापेन सम्मुक्तो निशितः शरः । बिभेद हृदयं तस्य पुष्कलस्य महारणे
भिन्नो वक्षसि वीरेण सायकेनाशुगामिना । पपात धरणीपृष्ठे महाशूरशिरोमणिः
पतितं तं समालोक्य पुष्कलं पवनात्मजः । गृहीत्वा राघवभ्रात्रे ददौ मूर्च्छासमन्वितम्
मूर्च्छितं तं समालोक्य शोकविह्वलमानसः । हनूमन्तं लवं हन्तुं निदिदेश क्रुधान्वितः
हनूमान्क्रोधसम्प्लुष्टो लवं सङ्ख्ये महाबलम् । विजेतुं तरसा प्रागाद्वृक्षमुद्यम्य शाल्मलिम्
वृक्षेण हतवान्मूर्ध्नि लवस्य हनुमान्बली । तमापतन्तं तरसा चिच्छेद शतधा लवः
ityuktvā bāṇasaṅghātaṃ pracchidya vacanaṃ punaḥ | jagāda puṣkalaṃ vīraḥ śarasandhānakovidaḥ
pālayātmānamājistha maccharāghātapīḍitaḥ | patiṣyasi mahīpṛṣṭhe rudhireṇa pariplutaḥ
evamuktaṃ samākarṇya puṣkalaḥ kopasaṃyutaḥ | raṇe saṃyodhayāmāsa lavaṃ vīraṃ mahābalam
lavaḥ prakupito bāṇaṃ tīkṣṇaṃ vairividāraṇam | jagrāha lavataḥ kośādāśīviṣamiva krudhā
jājvalyamānaḥ saśaraścāpamukto lavasya ca | hṛdayaṃ bhettumudyuktaśchinno bhāratināśu saḥ
chinne bhāratinā saṅkhye śareṇa prāṇahāriṇā | atyantaṃ kupito ghoraṃ śaramanyaṃ samādade
ākarṇākṛṣṭacāpena sammukto niśitaḥ śaraḥ | bibheda hṛdayaṃ tasya puṣkalasya mahāraṇe
bhinno vakṣasi vīreṇa sāyakenāśugāminā | papāta dharaṇīpṛṣṭhe mahāśūraśiromaṇiḥ
patitaṃ taṃ samālokya puṣkalaṃ pavanātmajaḥ | gṛhītvā rāghavabhrātre dadau mūrcchāsamanvitam
mūrcchitaṃ taṃ samālokya śokavihvalamānasaḥ | hanūmantaṃ lavaṃ hantuṃ nidideśa krudhānvitaḥ
hanūmānkrodhasampluṣṭo lavaṃ saṅkhye mahābalam | vijetuṃ tarasā prāgādvṛkṣamudyamya śālmalim
vṛkṣeṇa hatavānmūrdhni lavasya hanumānbalī | tamāpatantaṃ tarasā ciccheda śatadhā lavaḥ
«Так сказав, рассёкши скопище стрел, снова сказал слово герой, искусный в наложении стрел, Пушкале: „Береги себя, о стоящий в битве: истерзанный ударами моих стрел, падёшь ты на землю, залитый кровью“. Услышав сказанное так, Пушкала, охваченный гневом, сразился в битве с героем Лавой, великим силой. Разъярённый Лава взял из колчана в мгновение острую стрелу, раздирающую врагов, — как ядовитую змею в ярости. Пылающая стрела, спущенная с лука Лавы, устремлённая пронзить сердце, была скоро рассечена сыном Бхараты. Когда она была рассечена в сражении стрелой, отнимающей жизнь, крайне разгневанный, взял он другую страшную стрелу. Выпущенная луком, натянутым до уха, острая стрела пронзила в великой битве сердце того Пушкалы. Пронзённый в грудь героем быстролетящей стрелой, пал на землю венец великих храбрецов. Увидев Пушкалу павшим, сын Ветра взял его и отдал брату Рагхавы — впавшего в беспамятство. Увидев его беспамятным, с умом, потрясённым горем, охваченный яростью, повелел он Хануману убить Лаву. Хануман, опалённый гневом, стремительно пошёл, чтобы одолеть в сражении Лаву, великого силой, подняв дерево шалмали. Могучий Хануман ударил деревом по голове Лавы; летящее дерево Лава мгновенно рассёк на сто частей.»
19bfde67ff67 · опубликовано 3 сент. 2026 г., 04:13:48 UTC
Доступно наRUЛистайте стихи клавишами
Пушкала — сын Бхараты, то есть двоюродный брат того, кто его убивает; ни один из них этого не знает. Он падает, и вместо него на поле выходит Хануман — тот самый, кто когда-то нёс весть матери этого мальчика в ашоковой роще. Родство и старые связи здесь целиком скрыты от участников, и оттого каждый удар бьёт по своим.