पौराणिक उवाच
तयोरथ समायोगो वर्षाणां शतमप्यभूत् । गते वर्षशते पश्चादेकस्मिन्दिवसे द्विजः
स्नातुं ययौ नदीं प्रातः सापि विप्रप्रसङ्गतः । स्नानं तत्र तथा चक्रे पुराणं श्रुतवानथ
कौर्मं समस्तपापानां नाशनं शिवभक्तिदम् । इदं च पद्यं शुश्राव पुराणज्ञेन भाषितम्
ब्रह्महा मद्यपः स्तेनस्तथैव गुरुतल्पगः । कौर्मं पुराणं श्रुत्वैव मुच्यते पातकात्ततः
श्रुत्वैतद्वचनं विप्रः पौराणिकमभाषत । मया कृतानां पापानां न च सङ्ख्यास्ति काचन । अशेषपापसन्दोहनाशनं तदिहोच्यताम्
आराधयस्व देवेशं शङ्करं त्रिदशेश्वरम् । तस्य सम्पूजनाद्विप्र सर्वं पापं विनश्यति
पापमेव तमः प्रोक्तं ज्ञानदीपेन नश्यति । अथवा पूजया विप्र समस्ताघविनाशनम्
ज्ञानपूजाविहीनानां नरके पतनं ध्रुवम्
अथ द्विजो ह्यभिगतः शिवालयमनुत्तमम् । द्रोणपुष्पसहस्रेण पूजयामास शङ्करम्
गृहं जगाम च ततो भोजनं कृतवानथ । विहाय क्षत्त्रियां विप्रो जगामेष्टां भुवं ततः
हविष्यमन्नमादाय भुक्त्यशक्तेः शिवालयम् । गत्वा दीपस्थिताज्येन भोजनं कृतवान्बहिः । अथ मृत्युवशं प्राप्तो यमलोकं जगाम वै
tayoratha samāyogo varṣāṇāṃ śatamapyabhūt | gate varṣaśate paścādekasmindivase dvijaḥ
snātuṃ yayau nadīṃ prātaḥ sāpi vipraprasaṅgataḥ | snānaṃ tatra tathā cakre purāṇaṃ śrutavānatha
kaurmaṃ samastapāpānāṃ nāśanaṃ śivabhaktidam | idaṃ ca padyaṃ śuśrāva purāṇajñena bhāṣitam
brahmahā madyapaḥ stenastathaiva gurutalpagaḥ | kaurmaṃ purāṇaṃ śrutvaiva mucyate pātakāttataḥ
śrutvaitadvacanaṃ vipraḥ paurāṇikamabhāṣata | mayā kṛtānāṃ pāpānāṃ na ca saṅkhyāsti kācana | aśeṣapāpasandohanāśanaṃ tadihocyatām
ārādhayasva deveśaṃ śaṅkaraṃ tridaśeśvaram | tasya sampūjanādvipra sarvaṃ pāpaṃ vinaśyati
pāpameva tamaḥ proktaṃ jñānadīpena naśyati | athavā pūjayā vipra samastāghavināśanam
jñānapūjāvihīnānāṃ narake patanaṃ dhruvam
atha dvijo hyabhigataḥ śivālayamanuttamam | droṇapuṣpasahasreṇa pūjayāmāsa śaṅkaram
gṛhaṃ jagāma ca tato bhojanaṃ kṛtavānatha | vihāya kṣattriyāṃ vipro jagāmeṣṭāṃ bhuvaṃ tataḥ
haviṣyamannamādāya bhuktyaśakteḥ śivālayam | gatvā dīpasthitājyena bhojanaṃ kṛtavānbahiḥ | atha mṛtyuvaśaṃ prāpto yamalokaṃ jagāma vai
«У тех двоих затем соединение длилось и сто лет. По прошествии ста лет, после, в один день дваждырождённый поутру пошёл к реке омыться, и она — ради общения с брахманом. Омовение там совершил он и выслушал затем пурану — Каурму, губящую все грехи, дающую преданность Шиве, — и услышал этот стих, произнесённый знатоком пураны: „Убийца брахмана, пьяница, вор и взошедший на ложе учителя, услышав Каурма-пурану, освобождается затем от греха“. Услышав эту речь, брахман сказал пураническому чтецу: „Совершённым мною грехам и счёта нет никакого; губящее всё скопление грехов — то здесь да будет сказано“. — „Почитай владыку богов Шанкару, владыку богов: от его почитания, о брахман, всякий грех гибнет. Грех и назван тьмою — гибнет он светильником знания; или же поклонением, о брахман, уничтожение всех грехов. У лишённых знания и поклонения падение в ад неизбежно“. И вот дваждырождённый пришёл в наилучший храм Шивы и почтил Шанкару тысячею цветов дроны, и в дом пошёл затем, и совершил трапезу. Оставив кшатрийку, брахман пошёл затем в желанную землю; взяв жертвенную пищу и не в силах вкусить, пойдя в храм Шивы, совершил трапезу снаружи топлёным маслом из светильника. И вот, попав во власть смерти, он пошёл в мир Ямы.»
4a94f739b941 · опубликовано 3 сент. 2026 г., 04:13:51 UTC
Доступно наRUЛистайте стихи клавишами
Сто лет проходят в одной строке, и поворот наступает от случайно услышанного стиха. Но, обратившись, он же берёт масло из храмового светильника — на этом ничтожном на вид поступке и построена вся оставшаяся глава.