एवं प्रतिश्रुत्य पुरः सखीनां दयिता तव । प्रतीक्षमाणा तं कालं तस्थौ तद्भक्तिसंयुता
तस्मिन्नेवाभवद्गर्भो मासेऽस्या योषितस्तव । ऊचुरेनां ततः सख्यः सर्वाः सस्नेहचेतसः
यस्त्वया वाञ्छितो गर्भो गौर्या सम्प्रतिपादितः । अतः प्रतिश्रुतं देव्याः पूजनं सुभगे कुरु
नो चेद्विकाराद्भवति विघ्नस्तु तदननुष्ठितात् । तोषिता रोषिताश्चात्र देव्यो हि वरशापदाः
सखीभिरिति ते भार्या कथितेयं मुदान्विता । त्वामुवाच महाभागा विनयेन पतिव्रता
नाथ पूजयितुं गौरीं वाञ्छाम्यखिलकामदाम् । यत्प्रसादादहं जाता वाञ्छितार्थवती प्रभो
वैश्यवर्य त्वमेवैतच्छ्रुत्वास्या वचनं शुभम् । अमन्यत गर्भवतीमेनां निजगृहेश्वरीम्
मोदमानश्च नितरां तेन सद्यो भवानपि । भृत्यानाज्ञापयामास पूजावस्तूपपादने
तैरानाय्य समस्तानि वस्तूनि भवता ततः । अस्यै दत्तानि मध्वन्नद्राक्षागन्धादिकान्यपि
ततो निजसखीः सर्वा आहूयेयमिदं जगौ । सख्यः समस्ता सामग्री समानीताम्बिकार्चने
evaṃ pratiśrutya puraḥ sakhīnāṃ dayitā tava | pratīkṣamāṇā taṃ kālaṃ tasthau tadbhaktisaṃyutā
tasminnevābhavadgarbho māse'syā yoṣitastava | ūcurenāṃ tataḥ sakhyaḥ sarvāḥ sasnehacetasaḥ
yastvayā vāñchito garbho gauryā sampratipāditaḥ | ataḥ pratiśrutaṃ devyāḥ pūjanaṃ subhage kuru
no cedvikārādbhavati vighnastu tadananuṣṭhitāt | toṣitā roṣitāścātra devyo hi varaśāpadāḥ
sakhībhiriti te bhāryā kathiteyaṃ mudānvitā | tvāmuvāca mahābhāgā vinayena pativratā
nātha pūjayituṃ gaurīṃ vāñchāmyakhilakāmadām | yatprasādādahaṃ jātā vāñchitārthavatī prabho
vaiśyavarya tvamevaitacchrutvāsyā vacanaṃ śubham | amanyata garbhavatīmenāṃ nijagṛheśvarīm
modamānaśca nitarāṃ tena sadyo bhavānapi | bhṛtyānājñāpayāmāsa pūjāvastūpapādane
tairānāyya samastāni vastūni bhavatā tataḥ | asyai dattāni madhvannadrākṣāgandhādikānyapi
tato nijasakhīḥ sarvā āhūyeyamidaṃ jagau | sakhyaḥ samastā sāmagrī samānītāmbikārcane
Так пообещав перед подругами, любимая твоя пребывала, ожидая того времени, исполненная преданности ей. В тот же месяц у этой твоей жены случилась беременность, и тогда все подруги с любящим сердцем сказали ей: «Беременность, которой ты желала, дарована Гаури; потому соверши, о счастливая, обещанное почитание богини. А не то от порчи бывает помеха — от неисполнения обещанного; ведь богини здесь и ублажённые, и разгневанные дают и дар, и проклятие». Наставленная так подругами, твоя жена, полная радости, великая долею и верная мужу, со смирением сказала тебе: «О владыка, желаю почтить Гаури, исполняющую все желания, чьей милостью я обрела желанное». О лучший из вайшьев, ты же, услышав это её благое слово, счёл беременную владычицей своего дома и, весьма обрадованный, тотчас велел слугам доставить утварь для почитания. Ими были принесены все вещи, и тобою даны ей мёд, пища, изюм, благовония и прочее. Затем она призвала всех своих подруг и сказала им: «Подруги, вся утварь для почитания Амбики принесена.
1dda93d5d0e9 · опубликовано 3 сент. 2026 г., 04:14:04 UTC
Доступно наRUЛистайте стихи клавишами
Подруги напоминают об обещании не из набожности, а из опаски — они знают, что данное слово держит крепче обряда. И муж не спорит ни минуты: беременная в его доме сразу названа владычицей.