बभूव हि समा भूमिः समन्तात् पञ्चयोजनम् । शाद्वलैर् बहुभिश् छन्ना नीलवैदूर्यसंनिभैः ॥
तस्मिन् बिल्वाः कपित्थाश् च पनसा बीजपूरकाः । आमलक्यो बभूवुश् च चूताश् च फलभूषणाः ॥
उत्तरेभ्यः कुरुभ्यश् च वनं दिव्योपभोगवत् । आजगाम नदी दिव्या तीरजैर् बहुभिर् वृता ॥
चतुःशालानि शुभ्राणि शालाश् च गजवाजिनाम् । हर्म्यप्रासादसंघातास् तोरणानि शुभानि च ॥
सितमेघनिभं चापि राजवेश्म सुतोरणम् । शुक्लमाल्यकृताकारं दिव्यगन्धसमुक्षितम् ॥
चतुरस्रम् असंबाधं शयनासनयानवत् । दिव्यैः सर्वरसैर् युक्तं दिव्यभोजनवस्त्रवत् ॥
उपकल्पित सर्वान्नं धौतनिर्मलभाजनम् । कॢप्तसर्वासनं श्रीमत् स्वास्तीर्णशयनोत्तमम् ॥
प्रविवेश महाबाहुर् अनुज्ञातो महर्षिणा । वेश्म तद् रत्नसंपूर्णं भरतः कैकयीसुतः ॥
अनुजग्मुश् च तं सर्वे मन्त्रिणः सपुरोहिताः । बभूवुश् च मुदा युक्ता तं दृष्ट्वा वेश्म संविधिम् ॥
तत्र राजासनं दिव्यं व्यजनं छत्रम् एव च । भरतो मन्त्रिभिः सार्धम् अभ्यवर्तत राजवत् ॥
आसनं पूजयाम् आस रामायाभिप्रणम्य च । वालव्यजनम् आदाय न्यषीदत् सचिवासने ॥
आनुपूर्व्यान् निषेदुश् च सर्वे मन्त्रपुरोहिताः । ततः सेनापतिः पश्चात् प्रशास्ता च निषेदतुः ॥
babhūva hi samā bhūmiḥ samantāt pañcayojanam | śādvalair bahubhiś channā nīlavaidūryasaṃnibhaiḥ ||
tasmin bilvāḥ kapitthāś ca panasā bījapūrakāḥ | āmalakyo babhūvuś ca cūtāś ca phalabhūṣaṇāḥ ||
uttarebhyaḥ kurubhyaś ca vanaṃ divyopabhogavat | ājagāma nadī divyā tīrajair bahubhir vṛtā ||
catuḥśālāni śubhrāṇi śālāś ca gajavājinām | harmyaprāsādasaṃghātās toraṇāni śubhāni ca ||
sitameghanibhaṃ cāpi rājaveśma sutoraṇam | śuklamālyakṛtākāraṃ divyagandhasamukṣitam ||
caturasram asaṃbādhaṃ śayanāsanayānavat | divyaiḥ sarvarasair yuktaṃ divyabhojanavastravat ||
upakalpita sarvānnaṃ dhautanirmalabhājanam | kḷptasarvāsanaṃ śrīmat svāstīrṇaśayanottamam ||
praviveśa mahābāhur anujñāto maharṣiṇā | veśma tad ratnasaṃpūrṇaṃ bharataḥ kaikayīsutaḥ ||
anujagmuś ca taṃ sarve mantriṇaḥ sapurohitāḥ | babhūvuś ca mudā yuktā taṃ dṛṣṭvā veśma saṃvidhim ||
tatra rājāsanaṃ divyaṃ vyajanaṃ chatram eva ca | bharato mantribhiḥ sārdham abhyavartata rājavat ||
āsanaṃ pūjayām āsa rāmāyābhipraṇamya ca | vālavyajanam ādāya nyaṣīdat sacivāsane ||
ānupūrvyān niṣeduś ca sarve mantrapurohitāḥ | tataḥ senāpatiḥ paścāt praśāstā ca niṣedatuḥ ||
Земля вокруг стала ровной на пять йоджан, покрытой множеством травяных лужаек, похожих на синий вайдурья. На ней появились бильвы, капиттхи, панасы, цитроны, амалаки и манговые деревья, украшенные плодами. Из северной земли Куру явилась роща, полная божественных наслаждений, и небесная река, окружённая множеством прибрежных деревьев. Возникли белые четырёхзальные дома, стойла для слонов и коней, скопления дворцов, прекрасные арки и царские покои, подобные белому облаку, с красивыми воротами, белыми гирляндами и божественными ароматами. Дом был просторный, четырёхугольный, с ложами, сиденьями и экипажами, со всеми божественными вкусами, небесной едой и одеждами, с приготовленной пищей, чистыми сосудами, готовыми сиденьями и лучшими постелями. Получив разрешение великого риши, могучерукий Бхарата, сын Кайкейи, вошёл в этот дом, полный драгоценностей. За ним последовали все советники и жрецы; увидев устройство покоев, они исполнились радости. Там Бхарата с советниками приблизился к божественному царскому сиденью, опахалу и зонту, но почтил трон как принадлежащий Раме, поклонился, взял опахало и сел на место советника. Затем по порядку сели советники и жрецы, а после них военачальник и управитель.
9fc989cffb32 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Даже среди чудесного царского великолепия Бхарата не принимает трон как свой. Он кланяется ему ради Рамы и садится ниже, на место советника: в этом жесте вся его внутренняя верность.