स राक्षसरथे पश्यञ् जानकीं बाष्पलोचनाम् । अचिन्तयित्वा बाणांस् तान् राक्षसं समभिद्रवत् ॥
ततो ऽस्य सशरं चापं मुक्तामणिविभूषितम् । चरणाभ्यां महातेजा बभञ्ज पतगेश्वरः ॥
तच् चाग्निसदृशं दीप्तं रावणस्य शरावरम् । पक्षाभ्यां च महातेजा व्यधुनोत् पतगेश्वरः ॥
काञ्चनोरश्छदान् दिव्यान् पिशाचवदनान् खरान् । तांश् चास्य जवसंपन्नाञ् जघान समरे बली ॥
वरं त्रिवेणुसंपन्नं कामगं पावकार्चिषम् । मणिहेमविचित्राङ्गं बभञ्ज च महारथम् । पूर्णचन्द्रप्रतीकाशं छत्रं च व्यजनैः सह ॥
स भग्नधन्वा विरथो हताश्वो हतसारथिः । अङ्केनादाय वैदेहीं पपात भुवि रावणः ॥
दृष्ट्वा निपतितं भूमौ रावणं भग्नवाहनम् । साधु साध्व् इति भूतानि गृध्रराजम् अपूजयन् ॥
परिश्रान्तं तु तं दृष्ट्वा जरया पक्षियूथपम् । उत्पपात पुनर् हृष्टो मैथिलीं गृह्य रावणः ॥
तं प्रहृष्टं निधायाङ्के गच्छन्तं जनकात्मजाम् । गृध्रराजः समुत्पत्य जटायुर् इदम् अब्रवीत् ॥
sa rākṣasarathe paśyañ jānakīṃ bāṣpalocanām | acintayitvā bāṇāṃs tān rākṣasaṃ samabhidravat ||
tato 'sya saśaraṃ cāpaṃ muktāmaṇivibhūṣitam | caraṇābhyāṃ mahātejā babhañja patageśvaraḥ ||
tac cāgnisadṛśaṃ dīptaṃ rāvaṇasya śarāvaram | pakṣābhyāṃ ca mahātejā vyadhunot patageśvaraḥ ||
kāñcanoraśchadān divyān piśācavadanān kharān | tāṃś cāsya javasaṃpannāñ jaghāna samare balī ||
varaṃ triveṇusaṃpannaṃ kāmagaṃ pāvakārciṣam | maṇihemavicitrāṅgaṃ babhañja ca mahāratham | pūrṇacandrapratīkāśaṃ chatraṃ ca vyajanaiḥ saha ||
sa bhagnadhanvā viratho hatāśvo hatasārathiḥ | aṅkenādāya vaidehīṃ papāta bhuvi rāvaṇaḥ ||
dṛṣṭvā nipatitaṃ bhūmau rāvaṇaṃ bhagnavāhanam | sādhu sādhv iti bhūtāni gṛdhrarājam apūjayan ||
pariśrāntaṃ tu taṃ dṛṣṭvā jarayā pakṣiyūthapam | utpapāta punar hṛṣṭo maithilīṃ gṛhya rāvaṇaḥ ||
taṃ prahṛṣṭaṃ nidhāyāṅke gacchantaṃ janakātmajām | gṛdhrarājaḥ samutpatya jaṭāyur idam abravīt ||
Увидев на колеснице ракшаса слезоглазую дочь Джанаки, Джатаю не думал о вонзившихся стрелах и бросился на ракшаса. Затем великосияющий владыка птиц двумя ногами сломал его украшенный жемчугом и камнями лук вместе со стрелой. Сияющий, как огонь, поток стрел Раваны великосияющий владыка птиц стряхнул своими крыльями. В бою сильный Джатаю убил его дивных, быстроногих, золотогрудых мулов с лицами пишачей. Он сломал и великую колесницу: превосходную, снабжённую тремя бамбуковыми шестами, движущуюся по желанию, сияющую как пламя, украшенную драгоценностями и золотом; он разбил также зонт, подобный полной луне, вместе с опахалами. Равана остался со сломанным луком, без колесницы, с убитыми упряжными животными и возницей; держа Вайдехи на бедре, он упал на землю. Увидев Равану, павшего на землю с разбитой колесницей, существа почтили царя грифов словами: «Хорошо! Хорошо!» Но когда Равана увидел, что вождь птиц утомлён старостью, он снова радостно взлетел, схватив Майтили. Тогда царь грифов Джатаю взлетел за ним и сказал Раване, уходящему с дочерью Джанаки на бедре.
f61af47634bb · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Джатаю на мгновение останавливает ход похищения: он разбивает оружие, колесницу и гордость Раваны. Но старость тела даёт Раване возможность снова подняться, и потому подвиг Джатаю продолжается уже как сознательная жертва.