वज्रसंस्पर्शबाणस्य भार्यां रामस्य रावण । अल्पबुद्धे हरस्य् एनां वधाय खलु रक्षसाम् ॥
समित्रबन्धुः सामात्यः सबलः सपरिच्छदः । विषपानं पिबस्य् एतत् पिपासित इवोदकम् ॥
अनुबन्धम् अजानन्तः कर्मणाम् अविचक्षणाः । शीघ्रम् एव विनश्यन्ति यथा त्वं विनशिष्यसि ॥
बद्धस् त्वं कालपाशेन क्व गतस् तस्य मोक्ष्यसे । वधाय बडिशं गृह्य सामिषं जलजो यथा ॥
न हि जातु दुराधर्षौ काकुत्स्थौ तव रावण । धर्षणं चाश्रमस्यास्य क्षमिष्येते तु राघवौ ॥
यथा त्वया कृतं कर्म भीरुणा लोकगर्हितम् । तस्कराचरितो मार्गो नैष वीरनिषेवितः ॥
युध्यस्व यदि शूरो ऽसि मुहूर्तं तिष्ठ रावण । शयिष्यसे हतो भूमौ यथा भ्राता खरस् तथा ॥
परेतकाले पुरुषो यत् कर्म प्रतिपद्यते । विनाशायात्मनो ऽधर्म्यं प्रतिपन्नो ऽसि कर्म तत् ॥
पापानुबन्धो वै यस्य कर्मणः को नु तत् पुमान् । कुर्वीत लोकाधिपतिः स्वयम्भूर् भगवान् अपि ॥
vajrasaṃsparśabāṇasya bhāryāṃ rāmasya rāvaṇa | alpabuddhe harasy enāṃ vadhāya khalu rakṣasām ||
samitrabandhuḥ sāmātyaḥ sabalaḥ saparicchadaḥ | viṣapānaṃ pibasy etat pipāsita ivodakam ||
anubandham ajānantaḥ karmaṇām avicakṣaṇāḥ | śīghram eva vinaśyanti yathā tvaṃ vinaśiṣyasi ||
baddhas tvaṃ kālapāśena kva gatas tasya mokṣyase | vadhāya baḍiśaṃ gṛhya sāmiṣaṃ jalajo yathā ||
na hi jātu durādharṣau kākutsthau tava rāvaṇa | dharṣaṇaṃ cāśramasyāsya kṣamiṣyete tu rāghavau ||
yathā tvayā kṛtaṃ karma bhīruṇā lokagarhitam | taskarācarito mārgo naiṣa vīraniṣevitaḥ ||
yudhyasva yadi śūro 'si muhūrtaṃ tiṣṭha rāvaṇa | śayiṣyase hato bhūmau yathā bhrātā kharas tathā ||
paretakāle puruṣo yat karma pratipadyate | vināśāyātmano 'dharmyaṃ pratipanno 'si karma tat ||
pāpānubandho vai yasya karmaṇaḥ ko nu tat pumān | kurvīta lokādhipatiḥ svayambhūr bhagavān api ||
«Равана, малоумный, ты уносишь жену Рамы, чьи стрелы касаются, как ваджра, и делаешь это на гибель всем ракшасам. Вместе с друзьями, родными, министрами, войском и окружением ты пьёшь этот яд, как жаждущий пьёт воду. Неразумные, не зная последствий своих дел, быстро гибнут, как погибнешь и ты. Ты связан петлёй времени; куда ты уйдёшь, чтобы освободиться от неё? Ты похож на водное существо, которое ради собственной гибели хватает крюк с приманкой. Равана, два труднопобедимых потомка Какутстхи, два Рагхавы, никогда не простят тебе оскорбления этого ашрама. Поступок, который ты совершил как трус, порицается миром: это путь вора, а не путь, которым идут герои. Сражайся, если ты герой; постой мгновение, Равана. Ты ляжешь убитым на земле, как твой брат Кхара. Человек в час смерти принимает то беззаконное дело, которое ведёт его к собственной гибели; именно такое дело ты принял. Какой человек совершил бы дело, за которым следует зло, даже если бы он был владыкой мира, даже если бы он был самосущим Господом?»
a9277661d70b · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Джатаю видит похищение не как частный грех Раваны, а как начало гибели всего его круга. Адхарма связывает не только действующего, но и тех, кто стоит за ним и пользуется его властью.