मत्कृते काकमात्रे ऽपि ब्रह्मास्त्रं समुदीरितम् । कस्माद् यो मां हरत् त्वत्तः क्षमसे तं महीपते ॥
स कुरुष्व महोत्साहं कृपां मयि नरर्षभ । आनृशंस्यं परो धर्मस् त्वत्त एव मया श्रुतः ॥
जानामि त्वां महावीर्यं महोत्साहं महाबलम् । अपारपारम् अक्षोभ्यं गाम्भीर्यात् सागरोपमम् । भर्तारं ससमुद्राया धरण्या वासवोपमम् ॥
एवम् अस्त्रविदां श्रेष्ठः सत्त्ववान् बलवान् अपि । किमर्थम् अस्त्रं रक्षःसु न योजयसि राघव ॥
न नागा नापि गन्धर्वा नासुरा न मरुद्गणाः । रामस्य समरे वेगं शक्ताः प्रति समाधितुम् ॥
तस्या वीर्यवतः कश् चिद् यद्य् अस्ति मयि संभ्रमः । किमर्थं न शरैस् तीक्ष्णैः क्षयं नयति राक्षसान् ॥
भ्रातुर् आदेशम् आदाय लक्ष्मणो वा परंतपः । कस्य हेतोर् न मां वीरः परित्राति महाबलः ॥
यदि तौ पुरुषव्याघ्रौ वाय्विन्द्रसमतेजसौ । सुराणाम् अपि दुर्धर्षो किमर्थं माम् उपेक्षतः ॥
ममैव दुष्कृतं किं चिन् महद् अस्ति न संशयः । समर्थाव् अपि तौ यन् मां नावेक्षेते परंतपौ ॥
matkṛte kākamātre 'pi brahmāstraṃ samudīritam | kasmād yo māṃ harat tvattaḥ kṣamase taṃ mahīpate ||
sa kuruṣva mahotsāhaṃ kṛpāṃ mayi nararṣabha | ānṛśaṃsyaṃ paro dharmas tvatta eva mayā śrutaḥ ||
jānāmi tvāṃ mahāvīryaṃ mahotsāhaṃ mahābalam | apārapāram akṣobhyaṃ gāmbhīryāt sāgaropamam | bhartāraṃ sasamudrāyā dharaṇyā vāsavopamam ||
evam astravidāṃ śreṣṭhaḥ sattvavān balavān api | kimartham astraṃ rakṣaḥsu na yojayasi rāghava ||
na nāgā nāpi gandharvā nāsurā na marudgaṇāḥ | rāmasya samare vegaṃ śaktāḥ prati samādhitum ||
tasyā vīryavataḥ kaś cid yady asti mayi saṃbhramaḥ | kimarthaṃ na śarais tīkṣṇaiḥ kṣayaṃ nayati rākṣasān ||
bhrātur ādeśam ādāya lakṣmaṇo vā paraṃtapaḥ | kasya hetor na māṃ vīraḥ paritrāti mahābalaḥ ||
yadi tau puruṣavyāghrau vāyvindrasamatejasau | surāṇām api durdharṣo kimarthaṃ mām upekṣataḥ ||
mamaiva duṣkṛtaṃ kiṃ cin mahad asti na saṃśayaḥ | samarthāv api tau yan māṃ nāvekṣete paraṃtapau ||
«Ради меня была выпущена брахмастра даже против одного ворона. Почему же ты терпишь того, кто унёс меня от тебя, о владыка земли? Прояви великий пыл и милость ко мне, бык среди людей: от тебя самого я слышала, что сострадание — высшая дхарма. Я знаю тебя великомощным, великосильным, непоколебимым, безмерным, как океан по глубине, владыкой земли с её океанами, подобным Васаве. Ты лучший из знатоков оружия, сильный духом и могучий; почему же, Рагхава, не применяешь оружие против ракшасов? Ни наги, ни гандхарвы, ни асуры, ни сонмы Марутов не способны остановить натиск Рамы в битве. Если у этого доблестного есть хоть какая-то забота обо мне, почему он не ведёт ракшасов к гибели острыми стрелами? Или почему великосильный Лакшмана, палящий врагов, не получает приказ брата и не защищает меня? Если эти два тигра среди людей, равные сиянием Ветру и Индре, неприступны даже для богов, почему они оставляют меня без внимания? Несомненно, есть какой-то мой великий грех, раз эти двое, хотя и способны, не обращают на меня взгляда».
1a0af0f6d2b8 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Слова Ситы звучат как упрёк, но их корень — боль разлуки. Она знает силу Рамы, поэтому страдание ожидания становится ещё острее: если он всемогущ, задержка кажется наказанием судьбы.