वैदेह्या वचनं श्रुत्वा राक्षस्यो विद्रुता द्रुतम् । स्थिताः काश् चिद् गताः काश् चिद् रावणाय निवेदितुम् ॥
रावणस्य समीपे तु राक्षस्यो विकृताननाः । विरूपं वानरं भीमम् आख्यतुम् उपचक्रमुः ॥
अशोकवनिका मध्ये राजन् भीमवपुः कपिः । सीतया कृतसंवादस् तिष्ठत्य् अमितविक्रमः ॥
न च तं जानकी सीता हरिं हरिणलोचणा । अस्माभिर् बहुधा पृष्टा निवेदयितुम् इच्छति ॥
वासवस्य भवेद् दूतो दूतो वैश्रवणस्य वा । प्रेषितो वापि रामेण सीतान्वेषणकाङ्क्षया ॥
तेन त्वद्भूतरूपेण यत् तत् तव मनोहरम् । नानामृगगणाकीर्णं प्रमृष्टं प्रमदावनम् ॥
न तत्र कश् चिद् उद्देशो यस् तेन न विनाशितः । यत्र सा जानकी सीता स तेन न विनाशितः ॥
जानकीरक्षणार्थं वा श्रमाद् वा नोपलभ्यते । अथ वा कः श्रमस् तस्य सैव तेनाभिरक्षिता ॥
चारुपल्लवपत्राढ्यं यं सीता स्वयम् आस्थिता । प्रवृद्धः शिंशपावृक्षः स च तेनाभिरक्षितः ॥
तस्योग्ररूपस्योग्रं त्वं दण्डम् आज्ञातुम् अर्हसि । सीता संभाषिता येन तद् वनं च विनाशितम् ॥
मनःपरिगृहीतां तां तव रक्षोगणेश्वर । कः सीताम् अभिभाषेत यो न स्यात् त्यक्तजीवितः ॥
राक्षसीनां वचः श्रुत्वा रावणो राक्षसेश्वरः । हुतागिर् इव जज्वाल कोपसंवर्तितेक्षणः ॥
vaidehyā vacanaṃ śrutvā rākṣasyo vidrutā drutam | sthitāḥ kāś cid gatāḥ kāś cid rāvaṇāya niveditum ||
rāvaṇasya samīpe tu rākṣasyo vikṛtānanāḥ | virūpaṃ vānaraṃ bhīmam ākhyatum upacakramuḥ ||
aśokavanikā madhye rājan bhīmavapuḥ kapiḥ | sītayā kṛtasaṃvādas tiṣṭhaty amitavikramaḥ ||
na ca taṃ jānakī sītā hariṃ hariṇalocaṇā | asmābhir bahudhā pṛṣṭā nivedayitum icchati ||
vāsavasya bhaved dūto dūto vaiśravaṇasya vā | preṣito vāpi rāmeṇa sītānveṣaṇakāṅkṣayā ||
tena tvadbhūtarūpeṇa yat tat tava manoharam | nānāmṛgagaṇākīrṇaṃ pramṛṣṭaṃ pramadāvanam ||
na tatra kaś cid uddeśo yas tena na vināśitaḥ | yatra sā jānakī sītā sa tena na vināśitaḥ ||
jānakīrakṣaṇārthaṃ vā śramād vā nopalabhyate | atha vā kaḥ śramas tasya saiva tenābhirakṣitā ||
cārupallavapatrāḍhyaṃ yaṃ sītā svayam āsthitā | pravṛddhaḥ śiṃśapāvṛkṣaḥ sa ca tenābhirakṣitaḥ ||
tasyograrūpasyograṃ tvaṃ daṇḍam ājñātum arhasi | sītā saṃbhāṣitā yena tad vanaṃ ca vināśitam ||
manaḥparigṛhītāṃ tāṃ tava rakṣogaṇeśvara | kaḥ sītām abhibhāṣeta yo na syāt tyaktajīvitaḥ ||
rākṣasīnāṃ vacaḥ śrutvā rāvaṇo rākṣaseśvaraḥ | hutāgir iva jajvāla kopasaṃvartitekṣaṇaḥ ||
Услышав слова Вайдехи, ракшаси быстро разбежались: некоторые остались, а некоторые пошли сообщить Раване. Подойдя к Раване, ракшаси с искажёнными лицами начали описывать страшного уродливого ванару: «Царь, в середине Ашока-рощи стоит страшнотелый безмернодоблестный капи, говоривший с Ситой. Ланеглазая Джанаки Сита, хотя мы многократно спрашивали, не хочет сообщить нам, кто этот хари. Возможно, он посланник Васавы, или посланник Вайшраваны, или послан Рамой с желанием найти Ситу. Этим существом ужасного облика уничтожена твоя женская роща, радовавшая ум и полная разных стад зверей. Там нет места, которого он не разрушил; но место, где находится Джанаки Сита, им не уничтожено. Он сделал это ради защиты Джанаки или от усталости — непонятно. Или какая у него усталость? Именно она им сохранена. Разросшееся дерево шимшапа, богатое прекрасными побегами и листьями, под которым сидела сама Сита, также сохранено им. Ты должен назначить суровое наказание этому существу ужасного облика: он говорил с Ситой и уничтожил рощу. О владыка сонма ракшасов, кто обратился бы к той Сите, которую ты уже удерживаешь в уме, если бы не был готов расстаться с жизнью?» Услышав слова ракшаси, Равана, владыка ракшасов, вспыхнул, как жертвенный огонь, и глаза его свернулись от гнева.
f4bfab38ca91 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Ракшаси сами замечают главное: всё разрушено, кроме места Ситы. Даже в ярости Ханумана есть точная граница, потому что его сила направлена служением, а не слепым гневом.