ततो निसृष्टरामेण सर्वतो हरियूथपाः । अभिपेतुर् महारण्यं हृष्टाः शतसहस्रशः ॥
ते नगान् नगसंकाशाः शाखामृगगणर्षभाः । बभञ्जुर् वानरास् तत्र प्रचकर्षुश् च सागरम् ॥
ते सालैश् चाश्वकर्णैश् च धवैर् वंशैश् च वानराः । कुटजैर् अर्जुनैस् तालैस् तिकलैस् तिमिशैर् अपि ॥
बिल्वकैः सप्तपर्णैश् च कर्णिकारैश् च पुष्पितैः । चूतैश् चाशोकवृक्षैश् च सागरं समपूरयन् ॥
समूलांश् च विमूलांश् च पादपान् हरिसत्तमाः । इन्द्रकेतून् इवोद्यम्य प्रजह्रुर् हरयस् तरून् ॥
प्रक्षिप्यमाणैर् अचलैः सहसा जलम् उद्धतम् । समुत्पतितम् आकाशम् अपासर्पत् ततस् ततः ॥
दशयोजनविस्तीर्णं शतयोजनम् आयतम् । नलश् चक्रे महासेतुं मध्ये नदनदीपतेः ॥
शिलानां क्षिप्यमाणानां शैलानां तत्र पात्यताम् । बभूव तुमुलः शब्दस् तदा तस्मिन् महोदधौ ॥
स नलेन कृतः सेतुः सागरे मकरालये । शुशुभे सुभगः श्रीमान् स्वातीपथ इवाम्बरे ॥
tato nisṛṣṭarāmeṇa sarvato hariyūthapāḥ | abhipetur mahāraṇyaṃ hṛṣṭāḥ śatasahasraśaḥ ||
te nagān nagasaṃkāśāḥ śākhāmṛgagaṇarṣabhāḥ | babhañjur vānarās tatra pracakarṣuś ca sāgaram ||
te sālaiś cāśvakarṇaiś ca dhavair vaṃśaiś ca vānarāḥ | kuṭajair arjunais tālais tikalais timiśair api ||
bilvakaiḥ saptaparṇaiś ca karṇikāraiś ca puṣpitaiḥ | cūtaiś cāśokavṛkṣaiś ca sāgaraṃ samapūrayan ||
samūlāṃś ca vimūlāṃś ca pādapān harisattamāḥ | indraketūn ivodyamya prajahrur harayas tarūn ||
prakṣipyamāṇair acalaiḥ sahasā jalam uddhatam | samutpatitam ākāśam apāsarpat tatas tataḥ ||
daśayojanavistīrṇaṃ śatayojanam āyatam | nalaś cakre mahāsetuṃ madhye nadanadīpateḥ ||
śilānāṃ kṣipyamāṇānāṃ śailānāṃ tatra pātyatām | babhūva tumulaḥ śabdas tadā tasmin mahodadhau ||
sa nalena kṛtaḥ setuḥ sāgare makarālaye | śuśubhe subhagaḥ śrīmān svātīpatha ivāmbare ||
Затем предводители ванар, посланные Рамой, радостно устремились со всех сторон в великий лес сотнями тысяч. Подобные горам, эти быки среди отрядов лесных зверей ломали деревья и тащили их к океану. Ванары заполняли океан салами, ашвакарнами, дхавами, бамбуками, кутаджами, арджунами, пальмами, тикалами, тимишами, бильвами, саптапарнами, цветущими карникарами, манго и ашоками. Лучшие из ванар поднимали деревья с корнями и без корней, словно знамёна Индры, и бросали их. Когда в океан бросали скалы, взметённая вода внезапно поднималась к небу и разливалась туда и сюда. Нала сделал великий мост посреди владыки рек и речек: шириной в десять йоджан и длиной в сто йоджан. От бросаемых камней и низвергаемых гор в великом океане поднялся бурный гул. Тот мост, сделанный Налой в океане, обители макар, сиял прекрасный и великолепный, словно путь Свати в небе.
fddc556217f4 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Мост строится не одним чудом, а совместным трудом: дар Налы, поддержка океана и сила множества ванар соединяются в одно служение. Так невозможное становится путём.