ततो मध्यात् समुद्रस्य सागरः स्वयम् उत्थितः । उदयन् हि महाशैलान् मेरोर् इव दिवाकरः । पन्नगैः सह दीप्तास्यैः समुद्रः प्रत्यदृश्यत ॥
स्निग्धवैदूर्यसंकाशो जाम्बूनदविभूषितः । रक्तमाल्याम्बरधरः पद्मपत्रनिभेक्षणः ॥
सागरः समतिक्रम्य पूर्वम् आमन्त्र्य वीर्यवान् । अब्रवीत् प्राञ्जलिर् वाक्यं राघवं शरपाणिनम् ॥
पृथिवी वायुर् आकाशम् आपो ज्योतिश् च राघवः । स्वभावे सौम्य तिष्ठन्ति शाश्वतं मार्गम् आश्रिताः ॥
तत् स्वभावो ममाप्य् एष यद् अगाधो ऽहम् अप्लवः । विकारस् तु भवेद् राध एतत् ते प्रवदाम्य् अहम् ॥
न कामान् न च लोभाद् वा न भयात् पार्थिवात्मज । ग्राहनक्राकुलजलं स्तम्भयेयं कथं चन ॥
विधास्ये राम येनापि विषहिष्ये ह्य् अहं तथा । ग्राहा न प्रहरिष्यन्ति यावत् सेना तरिष्यति ॥
अयं सौम्य नलो नाम तनुजो विश्वकर्मणः । पित्रा दत्तवरः श्रीमान् प्रतिमो विश्वकर्मणः ॥
एष सेतुं महोत्साहः करोतु मयि वानरः । तम् अहं धारयिष्यामि तथा ह्य् एष यथा पिता ॥
tato madhyāt samudrasya sāgaraḥ svayam utthitaḥ | udayan hi mahāśailān meror iva divākaraḥ | pannagaiḥ saha dīptāsyaiḥ samudraḥ pratyadṛśyata ||
snigdhavaidūryasaṃkāśo jāmbūnadavibhūṣitaḥ | raktamālyāmbaradharaḥ padmapatranibhekṣaṇaḥ ||
sāgaraḥ samatikramya pūrvam āmantrya vīryavān | abravīt prāñjalir vākyaṃ rāghavaṃ śarapāṇinam ||
pṛthivī vāyur ākāśam āpo jyotiś ca rāghavaḥ | svabhāve saumya tiṣṭhanti śāśvataṃ mārgam āśritāḥ ||
tat svabhāvo mamāpy eṣa yad agādho 'ham aplavaḥ | vikāras tu bhaved rādha etat te pravadāmy aham ||
na kāmān na ca lobhād vā na bhayāt pārthivātmaja | grāhanakrākulajalaṃ stambhayeyaṃ kathaṃ cana ||
vidhāsye rāma yenāpi viṣahiṣye hy ahaṃ tathā | grāhā na prahariṣyanti yāvat senā tariṣyati ||
ayaṃ saumya nalo nāma tanujo viśvakarmaṇaḥ | pitrā dattavaraḥ śrīmān pratimo viśvakarmaṇaḥ ||
eṣa setuṃ mahotsāhaḥ karotu mayi vānaraḥ | tam ahaṃ dhārayiṣyāmi tathā hy eṣa yathā pitā ||
Затем из середины океана сам поднялся Сагара; он явился вместе со змеями с пылающими пастями, словно солнце, восходящее над великими горами Меру. Океан сиял как гладкий вайдурья, был украшен золотом, носил красные гирлянды и одежды, а его глаза были подобны лепесткам лотоса. Доблестный океан выступил вперёд, сначала обратился к Рагхаве, держащему стрелу, и, сложив ладони, сказал: «О Рагхава, земля, ветер, пространство, воды и огонь пребывают в своей природе, следуя вечному пути. Такова и моя природа: я глубок и непереправим. Изменить её было бы искажением — это я говорю тебе, о благосклонный. Не из желания, не из жадности и не из страха, о сын царя, я могу как-либо остановить воду, полную чудовищ и крокодилов. Но я устрою так, о Рама, что смогу выдержать переправу: чудовища не будут нападать, пока войско будет переходить. Вот этот славный ванара по имени Нала — сын Вишвакармана, получивший от отца дар и подобный самому Вишвакарману. Пусть он, полный великой энергии, построит мост на мне. Я буду держать его, ведь он подобен своему отцу».
06742775c6cd · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Океан не спорит с властью Рамы, но объясняет границы собственной природы. Мир не отменяется произволом даже ради правого дела: божественная воля действует через дхарму вещей, через дар Налы и готовность океана служить.