तच् छ्रुत्वा राक्षसेन्द्रस्य गर्जितं लक्ष्मणस् तदा । अभीतवदनः क्रुद्धो रावणिं वाक्यम् अब्रवीत् ॥
उक्तश् च दुर्गमः पारः कार्याणां राक्षस त्वया । कार्याणां कर्मणा पारं यो गच्छति स बुद्धिमान् ॥
स त्वम् अर्थस्य हीनार्थो दुरवापस्य केन चित् । वचो व्याहृत्य जानीषे कृतार्थो ऽस्मीति दुर्मते ॥
अन्तर्धानगतेनाजौ यस् त्वयाचरितस् तदा । तस्कराचरितो मार्गो नैष वीरनिषेवितः ॥
यथा बाणपथं प्राप्य स्थितो ऽहं तव राक्षस । दर्शयस्वाद्य तत् तेजो वाचा त्वं किं विकत्थसे ॥
एवम् उक्तो धनुर् भीमं परामृश्य महाबलः । ससर्जे निशितान् बाणान् इन्द्रजित् समिजिंजय ॥
ते निसृष्टा महावेगाः शराः सर्पविषोपमाः । संप्राप्य लक्ष्मणं पेतुः श्वसन्त इव पन्नगाः ॥
शरैर् अतिमहावेगैर् वेगवान् रावणात्मजः । सौमित्रिम् इन्द्रजिद् युद्धे विव्याध शुभलक्षणम् ॥
स शरैर् अतिविद्धाङ्गो रुधिरेण समुक्षितः । शुशुभे लक्ष्मणः श्रीमान् विधूम इव पावकः ॥
इन्द्रजित् त्व् आत्मनः कर्म प्रसमीक्ष्याधिगम्य च । विनद्य सुमहानादम् इदं वचनम् अब्रवीत् ॥
tac chrutvā rākṣasendrasya garjitaṃ lakṣmaṇas tadā | abhītavadanaḥ kruddho rāvaṇiṃ vākyam abravīt ||
uktaś ca durgamaḥ pāraḥ kāryāṇāṃ rākṣasa tvayā | kāryāṇāṃ karmaṇā pāraṃ yo gacchati sa buddhimān ||
sa tvam arthasya hīnārtho duravāpasya kena cit | vaco vyāhṛtya jānīṣe kṛtārtho 'smīti durmate ||
antardhānagatenājau yas tvayācaritas tadā | taskarācarito mārgo naiṣa vīraniṣevitaḥ ||
yathā bāṇapathaṃ prāpya sthito 'haṃ tava rākṣasa | darśayasvādya tat tejo vācā tvaṃ kiṃ vikatthase ||
evam ukto dhanur bhīmaṃ parāmṛśya mahābalaḥ | sasarje niśitān bāṇān indrajit samijiṃjaya ||
te nisṛṣṭā mahāvegāḥ śarāḥ sarpaviṣopamāḥ | saṃprāpya lakṣmaṇaṃ petuḥ śvasanta iva pannagāḥ ||
śarair atimahāvegair vegavān rāvaṇātmajaḥ | saumitrim indrajid yuddhe vivyādha śubhalakṣaṇam ||
sa śarair atividdhāṅgo rudhireṇa samukṣitaḥ | śuśubhe lakṣmaṇaḥ śrīmān vidhūma iva pāvakaḥ ||
indrajit tv ātmanaḥ karma prasamīkṣyādhigamya ca | vinadya sumahānādam idaṃ vacanam abravīt ||
Услышав это рычание сына владыки ракшасов, Лакшмана с бесстрашным лицом и в гневе сказал сыну Раваны: «Ракшас, ты только говорил о труднодостижимой границе дела. Разумен тот, кто достигает цели делом. А ты, дурноразумный, произнеся слова о деле, труднодостижимом для кого-либо, считаешь: “Я уже достиг цели”. Тот путь, которым ты прежде пользовался в битве, скрываясь от глаз, — путь вора, а не путь, которому следуют герои. Раз я стою перед тобой на пути твоих стрел, ракшас, покажи сегодня эту силу. Зачем ты хвастаешься словами?» Сказанный так, великосильный Индраджит, победитель в битвах, взял страшный лук и выпустил острые стрелы. Эти выпущенные стрелы, стремительные и подобные змеиному яду, достигли Лакшманы и упали на него, словно шипящие змеи. Стремительный сын Раваны, Индраджит, в бою пронзил Саумитри с благими признаками чрезвычайно быстрыми стрелами. Пронзённый стрелами и окроплённый кровью, славный Лакшмана сиял как бездымный огонь. А Индраджит, рассмотрев и оценив своё дело, издал великий крик и сказал такое слово.
9bef190dc7c4 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Лакшмана отделяет героизм от скрытой хитрости. Он не отрицает силу Индраджита, но требует, чтобы сила была показана открыто, перед лицом ответственности.