ततो युद्धं प्रवृत्तं तु सुराणां राक्षसैः सह । शस्त्राभिवर्षणं घोरं मेघानाम् इव संयुगे ॥
कुम्भकर्णस् तु दुष्टात्मा नानाप्रहरणोद्यतः । नाज्ञायत तदा युद्धे सह केनाप्य् अयुध्यत ॥
दन्तैर् भुजाभ्यां पद्भ्यां च शक्तितोमरसायकैः । येन केनैव संरब्धस् ताडयाम् आस वै सुरान् ॥
ततो रुद्रैर् महाभागैः सहादित्यैर् निशाचरः । प्रयुद्धस् तैश् च संग्रामे कृत्तः शस्त्रैर् निरन्तरम् ॥
ततस् तद् राक्षसं सैन्यं त्रिदशैः समरुद्गणैः । रणे विद्रावितं सर्वं नानाप्रहरणैः शितैः ॥
के चिद् विनिहताः शस्त्रैर् वेष्टन्ति स्म महीतले । वाहनेष्व् अवसक्ताश् च स्थिता एवापरे रणे ॥
रथान् नागान् खरान् उष्ट्रान् पन्नगांस् तुरगांस् तथा । शिंशुमारान् वराहांश् च पिशाचवदनांस् तथा ॥
तान् समालिङ्ग्य बाहुभ्यां विष्टब्धाः के चिद् उच्छ्रिताः । देवैस् तु शस्त्रसंविद्धा मम्रिरे च निशाचराः ॥
चित्रकर्म इवाभाति स तेषां रणसंप्लवः । निहतानां प्रमत्तानां राक्षसानां महीतले ॥
शोणितोदक निष्यन्दाकङ्कगृध्रसमाकुला । प्रवृत्ता संयुगमुखे शस्त्रग्राहवती नदी ॥
tato yuddhaṃ pravṛttaṃ tu surāṇāṃ rākṣasaiḥ saha | śastrābhivarṣaṇaṃ ghoraṃ meghānām iva saṃyuge ||
kumbhakarṇas tu duṣṭātmā nānāpraharaṇodyataḥ | nājñāyata tadā yuddhe saha kenāpy ayudhyata ||
dantair bhujābhyāṃ padbhyāṃ ca śaktitomarasāyakaiḥ | yena kenaiva saṃrabdhas tāḍayām āsa vai surān ||
tato rudrair mahābhāgaiḥ sahādityair niśācaraḥ | prayuddhas taiś ca saṃgrāme kṛttaḥ śastrair nirantaram ||
tatas tad rākṣasaṃ sainyaṃ tridaśaiḥ samarudgaṇaiḥ | raṇe vidrāvitaṃ sarvaṃ nānāpraharaṇaiḥ śitaiḥ ||
ke cid vinihatāḥ śastrair veṣṭanti sma mahītale | vāhaneṣv avasaktāś ca sthitā evāpare raṇe ||
rathān nāgān kharān uṣṭrān pannagāṃs turagāṃs tathā | śiṃśumārān varāhāṃś ca piśācavadanāṃs tathā ||
tān samāliṅgya bāhubhyāṃ viṣṭabdhāḥ ke cid ucchritāḥ | devais tu śastrasaṃviddhā mamrire ca niśācarāḥ ||
citrakarma ivābhāti sa teṣāṃ raṇasaṃplavaḥ | nihatānāṃ pramattānāṃ rākṣasānāṃ mahītale ||
śoṇitodaka niṣyandākaṅkagṛdhrasamākulā | pravṛttā saṃyugamukhe śastragrāhavatī nadī ||
Затем началась битва богов с ракшасами: страшный ливень оружия, словно столкновение облаков. Злодушный Кумбхакарна поднял разные виды оружия, и тогда в бою уже было непонятно, с кем именно он сражается. Разъярённый, он бил богов всем, чем мог: зубами, руками, ногами, дротиками, томарами и стрелами. Затем этот ночной странник сражался с великославными Рудрами и Адитьями, и в бою его непрерывно рассекали оружиями. Тогда всё войско ракшасов было рассеяно в битве тридцатью богами и сонмами Марутов при помощи разных острых оружий. Одни, убитые оружиями, катались по земле; другие, застряв на своих средствах передвижения, оставались стоять в бою. Ракшасы, обняв руками колесницы, слонов, ослов, верблюдов, змей, коней, крокодилов, кабанов и существ с лицами пишачей, застывали поднятыми, а затем, пронзённые оружием богов, умирали. Это боевое побоище безумных ракшасов, убитых на земле, сияло словно картина. На входе в битву потекла река: её водой была кровь, она была полна ворон и грифов, а оружия в ней были словно хищные твари.
ab7e04b0feee · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Сила Кумбхакарны хаотична: он бьёт всем, чем можно, и само поле боя превращается в поток крови и оружия. Но даже такая грубая мощь не удерживает строй ракшасов перед организованной силой богов.