Rudra
तथा त्रिश्रृङ्गे च मणिकाञ्चनसर्वरत्नशिखरानुक्रमेण तस्य चोत्तरश्रृङ्गाद्दक्षिणसमुद्रान्ते चोत्तरकुरवः । वस्त्राण्याभरणानि च वृक्षेष्वेव जायन्ते क्षीरवृक्षाः क्षीरासवाः सन्ति । मणिभूमिः सुवर्णबालुका । तस्मिन् स्वर्गच्युताश्च पुरुषा वसन्ति त्रयोदशवर्षसहस्त्रायुषः । तस्यैव द्वीपस्य पश्चिमेन चतुर्योजनसहस्त्रमतिक्रम्य देवलोकाच्चन्द्रद्वीपो भवति योजनसहस्त्रपरिमण्डलः । तस्य मध्ये चन्द्रकान्तसूर्यकान्तनामानौ गिरिवरौ । तयोश्च मध्ये चन्द्रावती नाम महानदी अनेकवृक्षफलानेकनदीसमाकुला । एतत्कुरुवर्षं च । तस्योत्तरपार्श्वे समुद्रोर्मिमालाढ्यं पञ्चयोजनसहस्त्रमतिक्रम्य देवलोकात् सूर्यद्वीपो भवति योजनसहस्त्रपरिमण्डलः । तस्य मध्ये गिरिवरः शतयोजनविस्तीर्णस्तावदुच्छ्रितः । तस्मात्सूर्यावर्त्तनामा नदी निर्गता । तत्र च सूर्यस्याधिष्ठितम् तत्र सूर्यदैवत्यास्तद्वर्णाश्च प्रजा दशवर्षसहस्त्रायुषः । तस्य च द्वीपस्य पश्चिमेन चतुर्योजनसहस्त्रमतिक्रम्य समुद्रं दशयोजनसहस्त्रं परिमण्डलत्वेन द्वीपो रुद्राकरो नाम । तत्र च भद्रासनं वायोरनेकरत्नशोभितम् । तत्र विग्रहवान् वायुस्तिष्ठति । तपनीयवर्णाश्च प्रजाः पञ्चवर्षसहस्त्रायुषः
tathā triśrṛṅge ca maṇikāñcanasarvaratnaśikharānukrameṇa tasya cottaraśrṛṅgāddakṣiṇasamudrānte cottarakuravaḥ | vastrāṇyābharaṇāni ca vṛkṣeṣveva jāyante kṣīravṛkṣāḥ kṣīrāsavāḥ santi | maṇibhūmiḥ suvarṇabālukā | tasmin svargacyutāśca puruṣā vasanti trayodaśavarṣasahastrāyuṣaḥ | tasyaiva dvīpasya paścimena caturyojanasahastramatikramya devalokāccandradvīpo bhavati yojanasahastraparimaṇḍalaḥ | tasya madhye candrakāntasūryakāntanāmānau girivarau | tayośca madhye candrāvatī nāma mahānadī anekavṛkṣaphalānekanadīsamākulā | etatkuruvarṣaṃ ca | tasyottarapārśve samudrormimālāḍhyaṃ pañcayojanasahastramatikramya devalokāt sūryadvīpo bhavati yojanasahastraparimaṇḍalaḥ | tasya madhye girivaraḥ śatayojanavistīrṇastāvaducchritaḥ | tasmātsūryāvarttanāmā nadī nirgatā | tatra ca sūryasyādhiṣṭhitam tatra sūryadaivatyāstadvarṇāśca prajā daśavarṣasahastrāyuṣaḥ | tasya ca dvīpasya paścimena caturyojanasahastramatikramya samudraṃ daśayojanasahastraṃ parimaṇḍalatvena dvīpo rudrākaro nāma | tatra ca bhadrāsanaṃ vāyoranekaratnaśobhitam | tatra vigrahavān vāyustiṣṭhati | tapanīyavarṇāśca prajāḥ pañcavarṣasahastrāyuṣaḥ
«Также на Тришринге — по порядку вершин из самоцветов, золота и всех каменьев; и от северной вершины её до края южного океана — северные Куру. Одежды и украшения там рождаются прямо на деревьях; есть молочные деревья и молочные напитки; земля самоцветная, с золотым песком. В той стране обитают мужи, павшие с неба, с веком в тринадцать тысяч лет. С запада от того же острова, перейдя четыре тысячи йоджан от мира богов, бывает остров Чандра, в тысячу йоджан кругом. Посреди него две лучшие горы по имени Чандраканта и Сурьяканта, а между ними двумя — великая река по имени Чандравати, полная многих дерев, плодов и многих рек. Это страна Куру. На северном боку её, богатом вереницею океанских волн, перейдя пять тысяч йоджан от мира богов, бывает остров Сурья, в тысячу йоджан кругом. Посреди него лучшая гора, шириною в сто йоджан и столько же высотою; из неё вышла река по имени Сурьяварта, и там место, занятое Солнцем. Там твари, имеющие божеством Солнце и того же цвета, с веком в десять тысяч лет. И с запада от того острова, перейдя четыре тысячи йоджан, — океан; и в десять тысяч йоджан кругом остров по имени Рудракара. Там благой престол Ваю, украшенный многими самоцветами; там пребывает облечённый в тело Ваю, и твари цвета золота, с веком в пять тысяч лет».
iti śrīvarāhapurāṇe bhagavacchāstre caturaśītitamo 'dhyāyaḥ
f7498e27ad49 · опубликовано 4 сент. 2026 г., 02:37:25 UTC
Доступно наRUЛистайте стихи клавишами
О северных Куру сказано короче всего и точнее всего: одежды и украшения растут прямо на деревьях. Хозяйство там кончилось вместе с нуждою.
Жители названы «павшими с неба». Блаженная страна оказалась местом для тех, кто оттуда уже спускался; и век их — тринадцать тысяч лет, дольше, чем у всех прочих.
Три острова за нею разложены по светилам и стихиям: Чандра, Сурья, Рудракара с престолом Ваю. И век убывает по мере удаления — тринадцать тысяч, десять, пять.