गान्धारी चैव माद्री च क्रोष्टोर् भार्ये बभूवतुः गान्धारी जनयाम् आस अनमित्रं महाबलम् ॥
माद्री युधाजितं पुत्रं ततो वै देवमीढुषम् तेषां वंशस् त्रिधा भूतो वृष्णीनां कुलवर्धनः ॥
माद्र्याः पुत्रौ तु जज्ञाते श्रुतौ वृष्ण्यन्धकाव् उभौ जज्ञाते तनयौ वृष्णेः श्वफल्कश् चित्रकस् तथा ॥
श्वफल्कस् तु महाराज धर्मात्मा यत्र वर्तते नास्ति व्याधिभयं तत्र नावर्षभयम् अप्युत ॥
कदा चित् काशिराजस्य विभोर् भरतसत्तम त्रीणि वर्षाणि विषये नावर्षत् पाकशासनः ॥
स तत्र वासयाम् आस श्वफल्कं परमार्चितम् श्वफल्कपरिवर्ते च ववर्ष हरिवाहनः ॥
श्वफल्कः काशिराजस्य सुतां भार्याम् अविन्दत गान्दिनीं नाम सा गां तु ददौ विप्रेषु नित्यशः ॥
दाता यज्वा च धीरश् च श्रुतवान् अतिथिप्रियः अक्रूरः सुषुवे तस्माच् छ्वफल्काद् भूरिदक्षिणः ॥
gāndhārī caiva mādrī ca kroṣṭor bhārye babhūvatuḥ gāndhārī janayām āsa anamitraṃ mahābalam ||
mādrī yudhājitaṃ putraṃ tato vai devamīḍhuṣam teṣāṃ vaṃśas tridhā bhūto vṛṣṇīnāṃ kulavardhanaḥ ||
mādryāḥ putrau tu jajñāte śrutau vṛṣṇyandhakāv ubhau jajñāte tanayau vṛṣṇeḥ śvaphalkaś citrakas tathā ||
śvaphalkas tu mahārāja dharmātmā yatra vartate nāsti vyādhibhayaṃ tatra nāvarṣabhayam apyuta ||
kadā cit kāśirājasya vibhor bharatasattama trīṇi varṣāṇi viṣaye nāvarṣat pākaśāsanaḥ ||
sa tatra vāsayām āsa śvaphalkaṃ paramārcitam śvaphalkaparivarte ca vavarṣa harivāhanaḥ ||
śvaphalkaḥ kāśirājasya sutāṃ bhāryām avindata gāndinīṃ nāma sā gāṃ tu dadau vipreṣu nityaśaḥ ||
dātā yajvā ca dhīraś ca śrutavān atithipriyaḥ akrūraḥ suṣuve tasmāc chvaphalkād bhūridakṣiṇaḥ ||
Вайшампаяна сказал: «Гандхари и Мадри были жёнами Крошту. Гандхари родила могучего Анамитру, а Мадри родила сына Юдхаджита и затем Девамидхуша. Их род, умножающий семейство Вришни, стал трёхчастным. От Мадри родились два прославленных сына — Вришни и Андхака; у Вришни появились два сына, Швапхалка и Читрака. О великий царь, там, где пребывал праведнодушный Швапхалка, не было страха болезни и даже угрозы засухи. Некогда во владении могущественного царя Каши, о лучший из Бхаратов, Пакашасана три года не проливал дождь. Тогда царь поселил там особо почитаемого Швапхалку, и с возвращением Швапхалки Индра снова послал дождь. Швапхалка получил в жёны дочь царя Каши; она, по имени Гандини, ежедневно дарила брахманам корову. От этого Швапхалки, щедрого дарами, она родила Акруру — дарителя, жертвователя, стойкого, сведущего и любящего гостей».
2330762ecc40 · 发布于 2026年6月22日 03:30:48 UTC
可用语言RU用方向键翻颂
Линия Вришни сразу раскрывается через благотворное присутствие: болезнь и засуха уходят, когда рядом праведный представитель рода. Щедрость Гандини и рождение Акруры готовят появление тех, кто будет связан с Кришной не только кровью, но и служением.