नृसिंह एष कथितो भूयो ऽयं वामनो ऽपरः यत्र वामनम् आश्रित्य रूपं दैत्यविनाशनम् ॥
बलेर् बलवतो यज्ञे बलिना विष्णुना पुरा विक्रमैस् त्रिभिर् अक्षोभ्याः क्षोभितास् ते महासुराः ॥
विप्रचित्तिः शिबिः शङ्कुर् अयःशङ्कुस् तथैव च अयःशिरा अश्वशिरा हयग्रीवश् च वीर्यवान् वेगवान् केतुमान् उग्रः सोग्रव्यग्रो महासुरः ॥
पुष्करः पुष्कलश् चैव साश्वो ऽश्वपतिर् एव च प्रह्रादो ऽश्वशिराः कुम्भः संह्रादो गगनप्रियः ॥
अनुह्रादो हरिहरौ वराहः संहरो रुजः शरभः शलभश् चैव कुपनः कोपनः क्रथः ॥
बृहत्कीर्तिर् महाजिह्वः शङ्कुकर्णो महास्वनः दीर्घजिह्वो ऽर्कनयनो मृदुपादो मृदुप्रियः ॥
वायुर् गविष्ठो नमुचिः शम्बरो विक्षरो महान् चन्द्रहन्ता क्रोधहन्ता क्रोधवर्धन एव च ॥
कालकः कालकेयश् च वृत्रः क्रोधो विरोचनः गरिष्ठश् च वरिष्ठश् च प्रलम्बनरकाव् उभौ ॥
इन्द्रतापनवातापी केतुमान् बलदर्पितः असिलोमा पुलोमा च बाष्कलः प्रमदो मदः ॥
खसृमः कालवदनः करालः केशिर् एव च एकाक्षश् चन्द्रहा राहुः संह्रादः सृमरः स्वनः ॥
शतघ्नीचक्रहस्ताश् च तथा परिघपाणयः अश्मयन्त्रायुधोपेता भिण्डिपालायुधास् तथा ॥
शूलोलूखलहस्ताश् च परश्वधधरास् तथा पाशमुद्गरहस्ता वै तथा लगुडपाणयः ॥
महाशिलाप्रहरणाः शूलहस्ताश् च दानवाः नानाप्रहरणा घोरा नानावेषा महाजवाः ॥
कूर्मकुक्कुटवक्त्राश् च शशोलूकमुखास् तथा खरोष्ट्रवदनाश् चैव वराहवदनास् तथा ॥
भीमा मकरवक्त्राश् च क्रोष्टुवक्त्राश् च दानवाः आखुदर्दुरवक्त्राश् च घोरा वृकमुखास् तथा ॥
मार्जारशशवक्त्राश् च महावक्त्रास् तथापरे नक्रमेषाननाः शूरा गोजाविमहिषाननाः ॥
गोधाशल्यकवक्त्राश् च क्रौञ्चवक्त्रास् तथापरे गरुडाननाः खड्गमुखा मयूरवदनास् तथा ॥
गजेन्द्रचर्मवसनास् तथा कृष्णाजिनाम्बराः चीरसंवृतगात्राश् च तथा वल्कलवाससः ॥
उष्णीषिणो मुकुटिनस् तथा कुण्डलिनो ऽसुराः किरीटिनो लम्बशिखाः कम्बुग्रीवाः सुवर्चसः नानावेषधरा दैत्या नानामाल्यानुलेपनाः ॥
स्वान्य् आयुधानि संगृह्य प्रदीप्तानीव तेजसा क्रममाणं हृषीकेशम् उपावर्तन्त सर्वशः ॥
प्रमथ्य सर्वान्दैतेयान् पादहस्ततलैस् ततः रूपं कृत्वा महाभींअं जहाराशु स मेदिनीम् ॥
तस्य विक्रमतो भूमिं चन्द्रादित्यौ स्तनान्तरे नभः प्रक्रममाणस्य नाभ्यां किल समास्थितौ ॥
परमाक्रममाणस्य जानुभ्यां तौ व्यवस्थितौ विष्णोर् अमितवीर्यस्य वदन्त्य् एवं द्विजातयः ॥
हृत्वा स मेदिनीं कृत्स्नां हत्वा चासुरपुंगवान् ददौ शक्राय वसुधां विष्णुर् बलवतां वरः ॥
एष ते वामनो नाम प्रादुर्भावो महात्मनः वेदविद्भिर् द्विजैर् एतत् कथ्यते वैष्णवं यशः ॥
nṛsiṃha eṣa kathito bhūyo 'yaṃ vāmano 'paraḥ yatra vāmanam āśritya rūpaṃ daityavināśanam ||
baler balavato yajñe balinā viṣṇunā purā vikramais tribhir akṣobhyāḥ kṣobhitās te mahāsurāḥ ||
vipracittiḥ śibiḥ śaṅkur ayaḥśaṅkus tathaiva ca ayaḥśirā aśvaśirā hayagrīvaś ca vīryavān vegavān ketumān ugraḥ sogravyagro mahāsuraḥ ||
puṣkaraḥ puṣkalaś caiva sāśvo 'śvapatir eva ca prahrādo 'śvaśirāḥ kumbhaḥ saṃhrādo gaganapriyaḥ ||
anuhrādo hariharau varāhaḥ saṃharo rujaḥ śarabhaḥ śalabhaś caiva kupanaḥ kopanaḥ krathaḥ ||
bṛhatkīrtir mahājihvaḥ śaṅkukarṇo mahāsvanaḥ dīrghajihvo 'rkanayano mṛdupādo mṛdupriyaḥ ||
vāyur gaviṣṭho namuciḥ śambaro vikṣaro mahān candrahantā krodhahantā krodhavardhana eva ca ||
kālakaḥ kālakeyaś ca vṛtraḥ krodho virocanaḥ gariṣṭhaś ca variṣṭhaś ca pralambanarakāv ubhau ||
indratāpanavātāpī ketumān baladarpitaḥ asilomā pulomā ca bāṣkalaḥ pramado madaḥ ||
khasṛmaḥ kālavadanaḥ karālaḥ keśir eva ca ekākṣaś candrahā rāhuḥ saṃhrādaḥ sṛmaraḥ svanaḥ ||
śataghnīcakrahastāś ca tathā parighapāṇayaḥ aśmayantrāyudhopetā bhiṇḍipālāyudhās tathā ||
śūlolūkhalahastāś ca paraśvadhadharās tathā pāśamudgarahastā vai tathā laguḍapāṇayaḥ ||
mahāśilāpraharaṇāḥ śūlahastāś ca dānavāḥ nānāpraharaṇā ghorā nānāveṣā mahājavāḥ ||
kūrmakukkuṭavaktrāś ca śaśolūkamukhās tathā kharoṣṭravadanāś caiva varāhavadanās tathā ||
bhīmā makaravaktrāś ca kroṣṭuvaktrāś ca dānavāḥ ākhudarduravaktrāś ca ghorā vṛkamukhās tathā ||
mārjāraśaśavaktrāś ca mahāvaktrās tathāpare nakrameṣānanāḥ śūrā gojāvimahiṣānanāḥ ||
godhāśalyakavaktrāś ca krauñcavaktrās tathāpare garuḍānanāḥ khaḍgamukhā mayūravadanās tathā ||
gajendracarmavasanās tathā kṛṣṇājināmbarāḥ cīrasaṃvṛtagātrāś ca tathā valkalavāsasaḥ ||
uṣṇīṣiṇo mukuṭinas tathā kuṇḍalino 'surāḥ kirīṭino lambaśikhāḥ kambugrīvāḥ suvarcasaḥ nānāveṣadharā daityā nānāmālyānulepanāḥ ||
svāny āyudhāni saṃgṛhya pradīptānīva tejasā kramamāṇaṃ hṛṣīkeśam upāvartanta sarvaśaḥ ||
pramathya sarvāndaiteyān pādahastatalais tataḥ rūpaṃ kṛtvā mahābhīṃaṃ jahārāśu sa medinīm ||
tasya vikramato bhūmiṃ candrādityau stanāntare nabhaḥ prakramamāṇasya nābhyāṃ kila samāsthitau ||
paramākramamāṇasya jānubhyāṃ tau vyavasthitau viṣṇor amitavīryasya vadanty evaṃ dvijātayaḥ ||
hṛtvā sa medinīṃ kṛtsnāṃ hatvā cāsurapuṃgavān dadau śakrāya vasudhāṃ viṣṇur balavatāṃ varaḥ ||
eṣa te vāmano nāma prādurbhāvo mahātmanaḥ vedavidbhir dvijair etat kathyate vaiṣṇavaṃ yaśaḥ ||
«Затем он принял облик Ваманы, губящий дайтьев, и тремя шагами потряс тех непоколебимых великих асуров. Там были Випрачитти, Шиби, Шанку, Аяхшанку, Аяхшира, Ашвашира, доблестный Хаягрива, Вегаван, Кетуман, Угра, Согравьягра, Прахлада, Ашвашира, Кумбха, Самхрада, Гаганаприя, Шарабха, Шалабха, Купана, Копана, Кратха, Диргхаджихва, Арканаяна, Мридупада, Мридуприя, Чандраханта, Кродхаханта, Кродхавардхана, Гариштха, Вариштха, Праламба, Нарака, Асилама, Пулома, Башкала, Прамада, Мада, Екакша, Чандраха, Раху, Самхрада, Сримара и Свана. Они были вооружены камнемётными машинами, бхиндипалами, петлями, молотами и дубинами, страшные, с разным оружием и в разных обличьях, быстроногие, с лицами ослов, верблюдов, вепрей, мышей, лягушек, волков, крокодилов, баранов, коров, коз, буйволов, Гаруды, носорогов и павлинов, одетые в слоновьи шкуры, чёрные оленьи кожи, лохмотья и кору, с тюрбанами, венцами, серьгами, коронами, длинными хохлами, раковинными шеями и сиянием, украшенные разными гирляндами и умащениями. Они со всех сторон окружили шагающего Хришикешу. Приняв грозный облик, он быстро овладел землёй; когда он переступал небеса, они, как говорят брахманы, находились у пупка Вишну неизмеримой силы. Вишну, лучший из сильных, отдал землю Шакре. Это знатоки Веды рассказывают как славу Вишну».
087ed0e931f2 · 发布于 2026年6月22日 03:30:54 UTC
可用语言RU用方向键翻颂
Вамана здесь не просто карлик-брахман: его шаги потрясают воинства асуров и заново устанавливают границы мира. Демоническая множественность обличий противопоставлена единой поступи Хришикеши.