पतितो देवकीगर्भः सप्तमो ऽयं भयाद् इति अष्टमे मयि गर्भस्थे कंसो यत्नं करिष्यति ॥
या तु सा नन्दगोपस्य दयिता कंसगोपतेः यशोदा नाम भद्रं ते भार्या गोपकुलोद्वहा ॥
तस्यास् त्वं नवमो ऽस्माकं कुले गर्भो भविष्यसि नवम्याम् एव संजातो कृष्णपक्षस्य वै तिथौ ॥
अहं त्व् अभिजितो योगे निशाया यौवने गते अर्धरात्रे करिष्यामि गर्भमोक्षं यथासुखम् ॥
अष्टमस्य तु मासस्य जाताव् आवां ततः समम् प्राप्स्यावो गरभव्यत्यासं प्राप्ते कंसस्य शसने ॥
अहं यशोदां यास्यामि त्वं देवि भज देवकीम् आवयोर् गर्भव्यत्यासे कंसो गच्छतु मूढताम् ॥
ततस् त्वां गृह्य चरणे शिलायां निरसिष्यति निरस्यमाना गगने स्थानं प्राप्स्यसि शाश्वतम् ॥
मच्छवीसदृशी कृष्णा संकर्षणसमानना बिभ्रती विपुलान् बाहून् मम बाहूपमान् भुवि ॥
त्रिशिखं शूलम् उद्यम्य खड्गं च कनकत्सरुम् पात्रीं च पूर्णां मधुनः पङ्कजं च सुनिर्मलम् ॥
वसाना मेचकं क्षौमं पीतेनोत्तरवाससा शशिरश्मिप्रकाशेन हारेणोरसि राजता ॥
दिव्यकुण्डलपूर्णाभ्यां श्रवणाभ्यां विभूषिता चन्द्रसापत्न्यभूतेन त्वं मुखेन विराजिता ॥
मुकुटेन त्रिचक्रेण केशबन्धेन शोभिता भुजगाभोगनिर्घोषैर् बाहुभिः परिघोपमैः ॥
ध्वजेन शिखिबर्हाणाम् उच्छ्रितेन समीपतः अङ्गजेन मयूराणाम् अङ्गदेन च भास्वता ॥
कीर्णा भूतगणैर् घोरैर् मन्निदेशानुवर्तिनी कौमारं व्रतम् आस्थाय अत्रिदिवं त्वं गमिष्यसि ॥
patito devakīgarbhaḥ saptamo 'yaṃ bhayād iti aṣṭame mayi garbhasthe kaṃso yatnaṃ kariṣyati ||
yā tu sā nandagopasya dayitā kaṃsagopateḥ yaśodā nāma bhadraṃ te bhāryā gopakulodvahā ||
tasyās tvaṃ navamo 'smākaṃ kule garbho bhaviṣyasi navamyām eva saṃjāto kṛṣṇapakṣasya vai tithau ||
ahaṃ tv abhijito yoge niśāyā yauvane gate ardharātre kariṣyāmi garbhamokṣaṃ yathāsukham ||
aṣṭamasya tu māsasya jātāv āvāṃ tataḥ samam prāpsyāvo garabhavyatyāsaṃ prāpte kaṃsasya śasane ||
ahaṃ yaśodāṃ yāsyāmi tvaṃ devi bhaja devakīm āvayor garbhavyatyāse kaṃso gacchatu mūḍhatām ||
tatas tvāṃ gṛhya caraṇe śilāyāṃ nirasiṣyati nirasyamānā gagane sthānaṃ prāpsyasi śāśvatam ||
macchavīsadṛśī kṛṣṇā saṃkarṣaṇasamānanā bibhratī vipulān bāhūn mama bāhūpamān bhuvi ||
triśikhaṃ śūlam udyamya khaḍgaṃ ca kanakatsarum pātrīṃ ca pūrṇāṃ madhunaḥ paṅkajaṃ ca sunirmalam ||
vasānā mecakaṃ kṣaumaṃ pītenottaravāsasā śaśiraśmiprakāśena hāreṇorasi rājatā ||
divyakuṇḍalapūrṇābhyāṃ śravaṇābhyāṃ vibhūṣitā candrasāpatnyabhūtena tvaṃ mukhena virājitā ||
mukuṭena tricakreṇa keśabandhena śobhitā bhujagābhoganirghoṣair bāhubhiḥ parighopamaiḥ ||
dhvajena śikhibarhāṇām ucchritena samīpataḥ aṅgajena mayūrāṇām aṅgadena ca bhāsvatā ||
kīrṇā bhūtagaṇair ghorair mannideśānuvartinī kaumāraṃ vratam āsthāya atridivaṃ tvaṃ gamiṣyasi ||
Вишну продолжил: «Когда скажут: “Седьмой плод Деваки упал от страха”, Камса приложит усилие против меня, пребывающего в восьмом плоде. Есть любимая жена Нандагопы, царя пастухов, по имени Яшода; благо тебе, она возвышает род пастухов. У неё ты станешь девятым плодом в нашем роду и родишься именно в девятый лунный день тёмной половины. А я, когда ночь достигнет расцвета и наступит йога Абхиджит, в полночь легко выйду из утробы. Когда на восьмом месяце мы оба родимся одновременно и придёт приказ Камсы, мы достигнем обмена плодами. Я пойду к Яшоде, а ты, богиня, прими Деваки; при нашем обмене пусть Камса впадёт в заблуждение. Затем он схватит тебя за ноги и бросит на камень, но, будучи брошенной, ты взойдёшь в небо и получишь вечное место. Ты явишься тёмной, подобной моему цвету, с лицом, подобным Санкаршане, с широкими руками, подобными моим рукам на земле. Ты поднимешь трёхконечное копьё, меч с золотой рукоятью, чашу, полную мёда, и чистый лотос. На тебе будет тёмная льняная одежда и жёлтое верхнее одеяние; на груди будет сиять ожерелье, блестящее как лунные лучи. Ты будешь украшена божественными серьгами, лицом, соперничающим с луной, тройным венцом, собранными волосами и руками, подобными железным дубинам, со звоном змеиных колец. Рядом будет поднято знамя из павлиньих перьев, порождённое павлинами, и сияющий браслет. Окружённая страшными сонмами существ, следующая моему указанию, ты примешь девственный обет и пойдёшь в небо».
1fe56dd5ec41 · 发布于 2026年6月22日 03:44:04 UTC
可用语言RU用方向键翻颂
Рождение Кришны и явление Богини описаны как один согласованный обмен. Йогамайя закрывает Камсе доступ к истине, а сама получает собственное божественное служение и форму, связанную с силой Господа.