धेनुकस् तालशिखरात् पातितो जीवितं विना प्रलम्बं यं मृधे देवा न शेकुर् अभिवीक्षितुम् बालेन मुष्टिनैकेन स हतः प्राकृतो यथा ॥
वासवस्योत्सवं भङ्क्त्वा वर्षं वासवरोषजम् निर्जलं गोकुलं कृत्वा धृतो गोवर्धनो गिरिः ॥
हतस् त्व् अरिष्टो बलवान् विशृङ्गश् च कृतो व्रजे अबालो बाल्यम् आस्थाय रमते बाललीलया ॥
प्रबन्धः कर्मणाम् एष तस्य गोव्रजवासिनः संनिकृष्टं भयं चैव केशिनो मम च ध्रुवम् ॥
भूतपूर्वश् च मे मृत्युः स नूनं पूर्वदैहिकः युद्धकाङ्क्षी हि स यथा तिष्ठतीव ममाग्रतः ॥
क्व च गोपत्वम् अशुभं मानुष्यं मृत्युदुर्बलम् क्व च देवप्रभावेन क्रीडितव्यं व्रजे मम ॥
अहो नीचेन वपुषा च्छादयित्वात्मनो वपुः को ऽप्य् एष रमते देवः श्मशानस्थ इवानलः ॥
श्रूयते हि पुरा विष्णुः सुराणां कारणान्तरे वामनेन तु रूपेण जहार पृथिवीम् इमाम् ॥
कृत्वा केसरिणो रूपं विष्णुना प्रभविष्णुना हतो हिरण्यकशिपुर् दानवानां पितामहः ॥
अचिन्त्यं रूपम् आस्थाय श्वेतशैलस्य मूर्धनि भवेन च्याविता दैत्याः पुरा तत् त्रिपुरं घ्नता ॥
पालितो गुरुपुत्रेण भार्गवो ऽङ्गिरसेन वै प्रविश्य चासुरीं मायाम् अनावृष्टिं चकार ह ॥
अनन्तः शाश्वतो देवः सहस्रवदनो ऽव्ययः वाराहं रूपम् आस्थाय उज्जहारार्णवान् महीम् ॥
अमृते निर्मिते पूर्वं विष्णुः स्त्रीरूपम् आस्थितः सुराणाम् असुराणां च युद्धं चक्रे सुदारुणम् ॥
अमृतार्थे पुरा चापि देवदैत्यसमागमे दधार मन्दरं विष्णुर् अकूपार इति श्रुतिः ॥
चतुर्धा तेजसो भागं कृत्वा दाशरथे गृहे स एव रामसंज्ञो वै रावणं व्यशसत् तदा ॥
एवम् एष निकृत्या वै तत्तद्रूपम् उपागतः साधयत्य् आत्मनः कार्यं सुराणाम् अर्थसिद्धये ॥
dhenukas tālaśikharāt pātito jīvitaṃ vinā pralambaṃ yaṃ mṛdhe devā na śekur abhivīkṣitum bālena muṣṭinaikena sa hataḥ prākṛto yathā ||
vāsavasyotsavaṃ bhaṅktvā varṣaṃ vāsavaroṣajam nirjalaṃ gokulaṃ kṛtvā dhṛto govardhano giriḥ ||
hatas tv ariṣṭo balavān viśṛṅgaś ca kṛto vraje abālo bālyam āsthāya ramate bālalīlayā ||
prabandhaḥ karmaṇām eṣa tasya govrajavāsinaḥ saṃnikṛṣṭaṃ bhayaṃ caiva keśino mama ca dhruvam ||
bhūtapūrvaś ca me mṛtyuḥ sa nūnaṃ pūrvadaihikaḥ yuddhakāṅkṣī hi sa yathā tiṣṭhatīva mamāgrataḥ ||
kva ca gopatvam aśubhaṃ mānuṣyaṃ mṛtyudurbalam kva ca devaprabhāvena krīḍitavyaṃ vraje mama ||
aho nīcena vapuṣā cchādayitvātmano vapuḥ ko 'py eṣa ramate devaḥ śmaśānastha ivānalaḥ ||
śrūyate hi purā viṣṇuḥ surāṇāṃ kāraṇāntare vāmanena tu rūpeṇa jahāra pṛthivīm imām ||
kṛtvā kesariṇo rūpaṃ viṣṇunā prabhaviṣṇunā hato hiraṇyakaśipur dānavānāṃ pitāmahaḥ ||
acintyaṃ rūpam āsthāya śvetaśailasya mūrdhani bhavena cyāvitā daityāḥ purā tat tripuraṃ ghnatā ||
pālito guruputreṇa bhārgavo 'ṅgirasena vai praviśya cāsurīṃ māyām anāvṛṣṭiṃ cakāra ha ||
anantaḥ śāśvato devaḥ sahasravadano 'vyayaḥ vārāhaṃ rūpam āsthāya ujjahārārṇavān mahīm ||
amṛte nirmite pūrvaṃ viṣṇuḥ strīrūpam āsthitaḥ surāṇām asurāṇāṃ ca yuddhaṃ cakre sudāruṇam ||
amṛtārthe purā cāpi devadaityasamāgame dadhāra mandaraṃ viṣṇur akūpāra iti śrutiḥ ||
caturdhā tejaso bhāgaṃ kṛtvā dāśarathe gṛhe sa eva rāmasaṃjño vai rāvaṇaṃ vyaśasat tadā ||
evam eṣa nikṛtyā vai tattadrūpam upāgataḥ sādhayaty ātmanaḥ kāryaṃ surāṇām arthasiddhaye ||
«Дхенука был сброшен с вершины пальмы, лишённый жизни. Пралламба, на которого в битве не могли взглянуть даже боги, был убит мальчиком одним кулаком, словно простой человек. Разрушив праздник Васавы и дождь, рождённый гневом Васавы, он сделал Гокулу свободной от потопа и удержал гору Говардхану. Сильный Аришта был убит и лишён рога во Врадже. Он не младенец, но принимает детство и играет детской игрой. Эта цепь деяний живущего в коровьем Врадже несомненно означает приближение опасности для Кеши и для меня. Он, конечно, моя прежняя смерть, пришедшая из прежнего тела: стоит передо мной словно желающий битвы. Где низкое пастушество и слабая перед смертью человечность, и где игра во Врадже с божественным могуществом? О, прикрыв собственный образ низким телом, какой-то бог играет здесь, как огонь в крематории. Ведь слышно, что прежде Вишну, ради дела богов, в образе карлика забрал эту землю; что могущественный Вишну, приняв образ льва, убил Хираньякашипу, прародителя данавов; что Бхава, приняв непостижимый образ на вершине белой горы, сбросил дайтьев, когда разрушал Трипуру; что Бхаргава, защищённый сыном учителя Ангирасом, вошёл в асурскую майю и создал засуху; что Ананта, вечный и тысячеликий бог, приняв образ вепря, поднял землю из океанов; что прежде Вишну, приняв женский образ при создании нектара, вызвал страшную битву богов и асуров; что ради нектара, во время собрания богов и дайтьев, Вишну держал Мандару как Акупара; и что, разделив долю сияния на четыре части в доме Дашаратхи, тот самый под именем Рама лишил Равану славы. Так он хитростью принимает разные образы и осуществляет своё дело ради достижения цели богов».
31c1dd502ad8 · 发布于 2026年6月22日 03:44:13 UTC
可用语言RU用方向键翻颂
Камса связывает Кришну с чередой проявлений Вишну. В его речи аватары названы не с поклонением, а с ужасом: каждый образ Бога для демона означает конец его власти.