कलिस् त्वं हि विनाशाय मया पुष्टो विजानता वसुदेव कुलस्यास्य यद् विरोधयसे भृशम् अमर्षी वैरशीलश् च सदा पापमतिः शठः ॥
स्थाने यदुकुलं मूढ शोचनीयं त्वया कृतम् वसुदेव वृथावृद्ध यन् मया त्वं पुरस्कृतः ॥
श्वेतेन शिरसा वृद्धो नैव वर्षशती भवेत् यस्य बुद्धिः परिणता स वै वृद्धतमो नृणाम् ॥
त्वं तु कर्कशशीलश् च बुद्ध्या च न बहुश्रुतः केवलं वयसा वृद्धो यथा शरदि तोयदः ॥
किं च त्वं साधु जानीषे वसुदेव वृथामते हते कंसे मम सुतो मथुरां पालयिष्यति ॥
छिन्नाशस् त्वं वृथावृद्ध मिथ्या ह्य् एवं विचारितम् जिजीविषुर् न स ह्य् अस्ति यो हि तिष्ठेन् ममाग्रतः ॥
प्रहर्तुकामो विश्वस्ते यस् त्वं स्वस्थेन चेतसा तत् ते प्रतिकरिष्यामि पुत्रयोस् तव पश्यतः ॥
न मे वृद्धवधः कश्चिद् द्विजस्त्रीवध एव वा कृतपूर्वः करिष्ये वा विशेषेण तु बान्धवे ॥
इह त्वं जातसंवृद्धो मम पित्रा विवर्धितः पितृष्वसुर् मे भर्ता च यदूनां प्रथमो गुरुः ॥
कुले महति विख्यातः प्रथिते चक्रवर्तिनाम् गुर्वर्थं पूजितः सद्भिर् यदुभिर् धर्मबुद्धिभिः ॥
किं करिष्यामहे सर्वे सत्सु वक्तव्यतां गताः यदूनां यूथमुख्यस्य यस्य ते वृत्तम् ईदृशम् ॥
मद्वधो वा जयो वाथ वसुदेवस्य दुर्णयैः सत्सु यास्यन्ति पुरुषा यदूनाम् अवगुण्ठिताः ॥
त्वया हि मद्वधोपायं तर्कयानेन वै मृधे अविश्वास्यं कृतं कर्म वाच्याश् च यदवः कृताः ॥
अशाम्यं वैरम् उत्पन्नं मम कृष्णस्य चोभयोः शान्तिम् एकतरे शान्तिं गते यास्यन्ति यादवाः ॥
kalis tvaṃ hi vināśāya mayā puṣṭo vijānatā vasudeva kulasyāsya yad virodhayase bhṛśam amarṣī vairaśīlaś ca sadā pāpamatiḥ śaṭhaḥ ||
sthāne yadukulaṃ mūḍha śocanīyaṃ tvayā kṛtam vasudeva vṛthāvṛddha yan mayā tvaṃ puraskṛtaḥ ||
śvetena śirasā vṛddho naiva varṣaśatī bhavet yasya buddhiḥ pariṇatā sa vai vṛddhatamo nṛṇām ||
tvaṃ tu karkaśaśīlaś ca buddhyā ca na bahuśrutaḥ kevalaṃ vayasā vṛddho yathā śaradi toyadaḥ ||
kiṃ ca tvaṃ sādhu jānīṣe vasudeva vṛthāmate hate kaṃse mama suto mathurāṃ pālayiṣyati ||
chinnāśas tvaṃ vṛthāvṛddha mithyā hy evaṃ vicāritam jijīviṣur na sa hy asti yo hi tiṣṭhen mamāgrataḥ ||
prahartukāmo viśvaste yas tvaṃ svasthena cetasā tat te pratikariṣyāmi putrayos tava paśyataḥ ||
na me vṛddhavadhaḥ kaścid dvijastrīvadha eva vā kṛtapūrvaḥ kariṣye vā viśeṣeṇa tu bāndhave ||
iha tvaṃ jātasaṃvṛddho mama pitrā vivardhitaḥ pitṛṣvasur me bhartā ca yadūnāṃ prathamo guruḥ ||
kule mahati vikhyātaḥ prathite cakravartinām gurvarthaṃ pūjitaḥ sadbhir yadubhir dharmabuddhibhiḥ ||
kiṃ kariṣyāmahe sarve satsu vaktavyatāṃ gatāḥ yadūnāṃ yūthamukhyasya yasya te vṛttam īdṛśam ||
madvadho vā jayo vātha vasudevasya durṇayaiḥ satsu yāsyanti puruṣā yadūnām avaguṇṭhitāḥ ||
tvayā hi madvadhopāyaṃ tarkayānena vai mṛdhe aviśvāsyaṃ kṛtaṃ karma vācyāś ca yadavaḥ kṛtāḥ ||
aśāmyaṃ vairam utpannaṃ mama kṛṣṇasya cobhayoḥ śāntim ekatare śāntiṃ gate yāsyanti yādavāḥ ||
«Васудева, ты — словно Кали для погибели, сознательно вскормленный мной: ты яростно враждуешь с этим родом, нетерпим, враждебен по нраву, всегда злонамерен и лжив. Поистине, глупец, ты сделал род Яду достойным жалости, о Васудева, напрасно состарившийся, хотя я поставил тебя впереди. Человек не становится старым от седой головы и даже сотни лет: тот, чей разум зрел, старейший среди людей. Ты же груб нравом, умом не многоучён и стар только возрастом, как облако осенью. Что ты знаешь верно, Васудева с пустым умом? Думаешь, когда Камса будет убит, мой сын будет править Матхурой? Твоя надежда отрезана, напрасно старый; так думать ложно. Не существует человека, желающего жить, который стоял бы передо мной. Ты, желая ударить доверяющего, сделал это спокойным умом; я воздам тебе за это на глазах твоих двух сыновей. Я никогда не убивал старика, брахмана или женщину, и не сделаю этого, особенно с родственником. Здесь ты родился и вырос, был взращён моим отцом; ты муж моей тётки по отцу и первый наставник Яду. В великом, знаменитом роде чакравартинов ты как старший почитался добрыми Яду с дхармическим разумом. Что нам всем делать, когда мы оказались предметом осуждения среди добрых из-за такого поведения вождя рода Яду? Моё убийство или победа через дурную политику Васудевы сделают людей из Яду покрытыми позором среди достойных. Ты, обдумывая в битве средство моего убийства, совершил дело, которому нельзя доверять, и сделал Ядавов порицаемыми. Между мной и Кришной возникла неуспокаиваемая вражда; Ядавы достигнут покоя только тогда, когда один из нас двоих будет успокоен».
7e9015399c89 · 发布于 2026年6月22日 03:44:13 UTC
可用语言RU用方向键翻颂
Здесь страх Камсы превращается в публичное унижение Васудевы. Он говорит о дхарме рода, но каждое слово служит угрозе и самозащите.