शृणु तद् ब्रुवतां वीर कृपणानाम् इदं वचः अस्य त्वत्क्रोधदग्धस्य कंसस्याशुभकर्मणः तव प्रसादाद् गोविन्दे प्रेतकार्यं क्रियते ह ॥
अस्य कृत्वा नरेन्द्रस्य विपन्नस्यौर्ध्वदेहिकम् सस्नुषो ऽहं सभार्यश् च चरिष्यामि मृगैः सह ॥
प्रेतसंस्कारमात्रेण कृते बान्धवकर्मणि आनृण्यं लौकिकं कृष्ण गतः किल भवाम्य् अहम् ॥
अस्याग्निं पश्चिमं दत्त्वा चित्तिस्थाने विधिं विना तोयप्रदानमात्रेण कंसस्यानृण्यम् आप्नुयाम् ॥
एतन् मे कृष्ण विज्ञाप्यं स्नेहो ऽत्र मम युज्यताम् प्राप्नोतु सुगतिं तत्र कृपणः पश्चिमां क्रियाम् ॥
एतच् छ्रुत्वा वचस् तस्य कृष्णः परमहर्षितः प्रत्युवाचोग्रसेनं वै सान्त्वपूर्वम् इदं वचः ॥
सदृशं राजशार्दूल वृत्तस्य च कुलस्य च यत् त्वं एवंविधं ब्रूषे गते ऽर्थे दुरतिक्रमे ॥
प्राप्स्यते नृप संस्कारं कंसः प्रेतगते ऽपि सन् ब्रवीमि यद् अहं तात तद् अनुष्ठीयतां वचः ॥
śṛṇu tad bruvatāṃ vīra kṛpaṇānām idaṃ vacaḥ asya tvatkrodhadagdhasya kaṃsasyāśubhakarmaṇaḥ tava prasādād govinde pretakāryaṃ kriyate ha ||
asya kṛtvā narendrasya vipannasyaurdhvadehikam sasnuṣo 'haṃ sabhāryaś ca cariṣyāmi mṛgaiḥ saha ||
pretasaṃskāramātreṇa kṛte bāndhavakarmaṇi ānṛṇyaṃ laukikaṃ kṛṣṇa gataḥ kila bhavāmy aham ||
asyāgniṃ paścimaṃ dattvā cittisthāne vidhiṃ vinā toyapradānamātreṇa kaṃsasyānṛṇyam āpnuyām ||
etan me kṛṣṇa vijñāpyaṃ sneho 'tra mama yujyatām prāpnotu sugatiṃ tatra kṛpaṇaḥ paścimāṃ kriyām ||
etac chrutvā vacas tasya kṛṣṇaḥ paramaharṣitaḥ pratyuvācograsenaṃ vai sāntvapūrvam idaṃ vacaḥ ||
sadṛśaṃ rājaśārdūla vṛttasya ca kulasya ca yat tvaṃ evaṃvidhaṃ brūṣe gate 'rthe duratikrame ||
prāpsyate nṛpa saṃskāraṃ kaṃsaḥ pretagate 'pi san bravīmi yad ahaṃ tāta tad anuṣṭhīyatāṃ vacaḥ ||
«О герой, выслушай эту просьбу несчастных. Для Камсы, творившего неблагое и сожжённого твоим гневом, пусть по твоей милости, о Говинда, будет совершён похоронный обряд. Совершив для этого погибшего царя посмертный обряд, я вместе со снохами и женой уйду жить среди зверей. Когда будет исполнен родственный долг одним лишь погребальным обрядом, я, о Кришна, будто достигну освобождения от мирского долга. Предав его последнему огню и совершив хотя бы возлияние воды на месте костра без полного чина, я сниму с себя долг перед Камсой. Вот моё прошение, Кришна: пусть моя любовь здесь будет принята; пусть несчастный получит последний обряд и там обретёт благой путь». Услышав эти слова, Кришна глубоко обрадовался и ответил Уграсене с утешением: «О тигр среди царей, достойно твоему нраву и роду, что ты говоришь так после события, которое не отменить. Камса получит погребальный обряд, хотя и ушёл к мёртвым. О почтенный, пусть будет исполнено то слово, которое я скажу».
8c9552b6ca33 · 发布于 2026年6月22日 04:10:03 UTC
可用语言RU用方向键翻颂
Просьба Уграсены показывает остаток дхармы даже в доме Камсы: отец не оправдывает сына, но просит дать ему последний обряд. Кришна принимает это как достойное рода и нрава.