नानाशस्त्रोद्यतकरा नानारूपधरास् तु ते दानवाः समभिक्रुद्धाः प्राद्युम्निवधकाङ्क्षिणः ॥
ततस् तेषां स्वनं श्रुत्वा सर्वेषाम् एव गर्जताम् सहसैवोत्थितः शूरस् तोत्रार्दित इव द्विपः ॥
तम् आपतन्तं दृष्ट्वैव संदष्टौष्ठं महाभुजम् प्रासादाच् चावरोहन्तं भयार्ता विप्रदुद्रुवुः ॥
अन्तःपुरद्वारगतं परिघं गृह्य चातुलम् वधाय तेषां चिक्षेप नानायुधविशारदः ॥
ते सर्वे बाणवर्षैश् च गदाभिस् तोमरैस् तथा असिभिः शक्तिभिः शूलैर् निजघ्नू रणगोचरम् ॥
स हन्यमानो नाराचैः परिघैश् च समन्ततः नाक्षुभ्यत् सर्वभूतात्मा नदन् मेघ इवोष्णगे ॥
आविध्य परिघं घोरं तेषां मध्ये व्यवस्थितः सूर्यो दिविचरन्मध्ये मेघानाम् इव सर्वतः ॥
ते हन्यमाना रौद्रेण परिघेणामितौजसा प्राद्रवन्त भयात् सर्वे मेघो वातेरिता यथा ॥
अनिरुद्धो नदन् हृष्टः सिंहनादं व्यरोचत घर्मान्ते तोयदो व्योम्नि नदन्न् इव महास्वनः ॥
तिष्ठध्वम् इति चुक्रोश दानवान् युद्धदुर्मदान् प्राद्युम्निर् व्यहनच् चापि सर्वशत्रुनिबर्हणः ॥
तेन ते समरे सर्वे हन्यमाना महात्मना यतो बाणस् ततो भीता ययुर् युद्धपराङ्मुखाः ॥
nānāśastrodyatakarā nānārūpadharās tu te dānavāḥ samabhikruddhāḥ prādyumnivadhakāṅkṣiṇaḥ ||
tatas teṣāṃ svanaṃ śrutvā sarveṣām eva garjatām sahasaivotthitaḥ śūras totrārdita iva dvipaḥ ||
tam āpatantaṃ dṛṣṭvaiva saṃdaṣṭauṣṭhaṃ mahābhujam prāsādāc cāvarohantaṃ bhayārtā vipradudruvuḥ ||
antaḥpuradvāragataṃ parighaṃ gṛhya cātulam vadhāya teṣāṃ cikṣepa nānāyudhaviśāradaḥ ||
te sarve bāṇavarṣaiś ca gadābhis tomarais tathā asibhiḥ śaktibhiḥ śūlair nijaghnū raṇagocaram ||
sa hanyamāno nārācaiḥ parighaiś ca samantataḥ nākṣubhyat sarvabhūtātmā nadan megha ivoṣṇage ||
āvidhya parighaṃ ghoraṃ teṣāṃ madhye vyavasthitaḥ sūryo divicaranmadhye meghānām iva sarvataḥ ||
te hanyamānā raudreṇa parigheṇāmitaujasā prādravanta bhayāt sarve megho vāteritā yathā ||
aniruddho nadan hṛṣṭaḥ siṃhanādaṃ vyarocata gharmānte toyado vyomni nadann iva mahāsvanaḥ ||
tiṣṭhadhvam iti cukrośa dānavān yuddhadurmadān prādyumnir vyahanac cāpi sarvaśatrunibarhaṇaḥ ||
tena te samare sarve hanyamānā mahātmanā yato bāṇas tato bhītā yayur yuddhaparāṅmukhāḥ ||
«Данавы, яростно разгневанные и желающие убить сына Прадьюмны, подняли разное оружие и приняли разные облики. Услышав рёв всех этих нападавших, герой внезапно поднялся, словно слон, ужаленный стрекалом. Увидев его бросающимся, могучерукого, закусившего губу и спускающегося с дворца, они в страхе разбежались. Знаток разного оружия схватил несравненный засов у двери женских покоев и бросил его, чтобы убить их. Они все ударили его дождями стрел, булавами, томарами, мечами, дротиками и трезубцами. Но он, поражаемый стрелами и палицами со всех сторон, не дрогнул, рыча как облако в зной. Размахнув страшным засовом, он стоял среди них, словно солнце в небе, окружённое облаками. Поражаемые страшным засовом безмерно сильного героя, они все побежали от страха, как облака, гонимые ветром. Анируддха, ликуя, издал львиный рык и сиял, словно громовая туча в небе в конце жары. “Стойте!” — кричал сын Прадьюмны данавам, неукротимым в бою, и сокрушитель всех врагов поражал их. Поражаемые этим великим, все они в страхе побежали туда, где был Бана, отвернувшись от боя».
351e5658d9fa · 发布于 2026年6月22日 06:15:04 UTC
可用语言RU用方向键翻颂
Анируддха появляется один против множества, но его сила описана как царственная и солнечная. Войско Баны первым узнаёт, что перед ними не обычный нарушитель дворцовой охраны.