धृतराष्ट्र उवाच
एवम् एतन् महाप्राज्ञ यथा वदसि नो मुने ॥
अहं चैव विजानामि सर्वे चेमे नराधिपाः ॥
भवांस् तु मन्यते साधु यत् कुरूणां सुखोदयम् ॥
तद् एव विदुरो ऽप्य् आह भीष्मो द्रोणश् च मां मुने ॥
यदि त्व् अहम् अनुग्राह्यः कौरवेषु दया यदि ॥
अनुशाधि दुरात्मानं पुत्रं दुर्योधनं मम ॥
व्यास उवाच
अयम् आयाति वै राजन् मैत्रेयो भगवान् ऋषिः ॥
अन्वीय पाण्डवान् भ्रातॄन् इहैवास्मद् दिदृक्षया ॥
एष दुर्योधनं पुत्रं तव राजन् महान् ऋषिः ॥
अनुशास्ता यथान्यायं शमायास्य कुलस्य ते ॥
ब्रूयाद् यद् एष राजेन्द्र तत् कार्यम् अविशङ्कया ॥
अक्रियायां हि कार्यस्य पुत्रं ते शप्स्यते रुषा ॥
dhṛtarāṣṭra uvāca
evam etan mahāprājña yathā vadasi no mune ||
ahaṃ caiva vijānāmi sarve ceme narādhipāḥ ||
bhavāṃs tu manyate sādhu yat kurūṇāṃ sukhodayam ||
tad eva viduro 'py āha bhīṣmo droṇaś ca māṃ mune ||
yadi tv aham anugrāhyaḥ kauraveṣu dayā yadi ||
anuśādhi durātmānaṃ putraṃ duryodhanaṃ mama ||
vyāsa uvāca
ayam āyāti vai rājan maitreyo bhagavān ṛṣiḥ ||
anvīya pāṇḍavān bhrātṝn ihaivāsmad didṛkṣayā ||
eṣa duryodhanaṃ putraṃ tava rājan mahān ṛṣiḥ ||
anuśāstā yathānyāyaṃ śamāyāsya kulasya te ||
brūyād yad eṣa rājendra tat kāryam aviśaṅkayā ||
akriyāyāṃ hi kāryasya putraṃ te śapsyate ruṣā ||
Dhritarashtra said: "All this is so, O greatly wise one, as you tell us, O sage. I understand it myself, and so do all these lords of men. You consider good whatever will bring happiness to the Kurus; Vidura, Bhishma, and Drona tell me the same. If I am worthy of grace, and if you have compassion for the Kauravas, instruct my wicked son Duryodhana." Vyasa replied: "Here comes the venerable sage Maitreya. He has visited the Pandava brothers and now wishes to see us. This great sage will properly instruct your son Duryodhana for the sake of peace in your family. Whatever he says, carry out without hesitation: if what is due is not done, he will curse your son in anger."
02057b04334b · 发布于 2026年7月16日 16:44:34 UTC
可用语言RUEN用方向键翻颂
Dhritarashtra acknowledges the truth, yet still tries to shift the action onto someone else. Vyasa does not argue with him but points to the approaching word of Maitreya: when inner resolve is lacking, grace sometimes arrives as a stern warning from outside.