वैशंपायन उवाच
तस्य तद् वचनं श्रुत्वा मातलिः शक्रसारथिः ॥
आरुरोह रथं शीघ्रं हयान् येमे च रश्मिभिः ॥
ततो ऽर्जुनो हृष्टमना गङ्गायाम् आप्लुतः शुचिः ॥
जजाप जप्यं कौन्तेयो विधिवत् कुरुनन्दनः ॥
ततः पितॄन् यथान्यायं तर्पयित्वा यथाविधि ॥
मन्दरं शैलराजं तम् आप्रष्टुम् उपचक्रमे ॥
साधूनां धर्मशीलानां मुनीनां पुण्यकर्मणाम् ॥
त्वं सदा संश्रयः शैल स्वर्गमार्गाभिकाङ्क्षिणाम् ॥
त्वत्प्रसादात् सदा शैल ब्राह्मणाः क्षत्रिया विशः ॥
स्वर्गं प्राप्ताश् चरन्ति स्म देवैः सह गतव्यथाः ॥
अद्रिराज महाशैल मुनिसंश्रय तीर्थवन् ॥
गच्छाम्य् आमन्त्रयामि त्वां सुखम् अस्म्य् उषितस् त्वयि ॥
तव सानूनि कुञ्जाश् च नद्यः प्रस्रवणानि च ॥
तीर्थानि च सुपुण्यानि मया दृष्टान्य् अनेकशः ॥
एवम् उक्त्वार्जुनः शैलम् आमन्त्र्य परवीरहा ॥
आरुरोह रथं दिव्यं द्योतयन्न् इव भास्करः ॥
vaiśaṃpāyana uvāca
tasya tad vacanaṃ śrutvā mātaliḥ śakrasārathiḥ ||
āruroha rathaṃ śīghraṃ hayān yeme ca raśmibhiḥ ||
tato 'rjuno hṛṣṭamanā gaṅgāyām āplutaḥ śuciḥ ||
jajāpa japyaṃ kaunteyo vidhivat kurunandanaḥ ||
tataḥ pitṝn yathānyāyaṃ tarpayitvā yathāvidhi ||
mandaraṃ śailarājaṃ tam āpraṣṭum upacakrame ||
sādhūnāṃ dharmaśīlānāṃ munīnāṃ puṇyakarmaṇām ||
tvaṃ sadā saṃśrayaḥ śaila svargamārgābhikāṅkṣiṇām ||
tvatprasādāt sadā śaila brāhmaṇāḥ kṣatriyā viśaḥ ||
svargaṃ prāptāś caranti sma devaiḥ saha gatavyathāḥ ||
adrirāja mahāśaila munisaṃśraya tīrthavan ||
gacchāmy āmantrayāmi tvāṃ sukham asmy uṣitas tvayi ||
tava sānūni kuñjāś ca nadyaḥ prasravaṇāni ca ||
tīrthāni ca supuṇyāni mayā dṛṣṭāny anekaśaḥ ||
evam uktvārjunaḥ śailam āmantrya paravīrahā ||
āruroha rathaṃ divyaṃ dyotayann iva bhāskaraḥ ||
Hearing his words, Matali, the charioteer of Shakra, swiftly mounted the chariot and took the horses by the reins. Then Arjuna, joyful at heart, bathed in the Ganga and became pure as prescribed, performed japa and offered tarpana to the ancestors. Then he addressed the king of mountains: "O mountain, you are ever the refuge of the righteous, of sages, and of those who seek the path to heaven. By your grace brahmanas, kshatriyas, and vaishyas have attained heaven. O great mountain, abode of sages and holy fords, I depart and take my leave of you; it has been good for me to dwell with you. I have seen your peaks, your groves, your rivers, your springs, and your many sacred fords." Having spoken thus, Arjuna, the slayer of enemy heroes, took leave of the mountain and mounted the divine chariot, shining like the sun.
615018a7ee26 · 发布于 2026年7月16日 16:51:20 UTC
可用语言RUEN用方向键翻颂
Before his ascent Arjuna gives thanks to the place of his austerities. A holy space is neither merely used nor forgotten: it is acknowledged as a participant in the spiritual path.