अत्राप्य् उदाहरन्तीमा गाथा देवैर् उदाहृताः ॥
ऋषिर् आसीत् पुरा पुत्र बालधिर् नाम वीर्यवान् ॥
स पुत्रशोकाद् उद्विग्नस् तपस् तेपे सुदुश्चरम् ॥
भवेन् मम सुतो ऽमर्त्य इति तं लब्धवांश् च सः ॥
तस्य प्रसादो देवैश् च कृतो न त्व् अमरैः समः ॥
नामर्त्यो विद्यते मर्त्यो निमित्तायुर् भविष्यति ॥
बालधिर् उवाच
यथेमे पर्वताः शश्वत् तिष्ठन्ति सुरसत्तमाः ॥
अक्षयास् तन् निमित्तं मे सुतस्यायुर् भवेद् इति ॥
भरद्वाज उवाच
तस्य पुत्रस् तदा जज्ञे मेधावी क्रोधनः सदा ॥
स तच् छ्रुत्वाकरोद् दर्पम् ऋषींश् चैवावमन्यत ॥
विकुर्वाणो मुनीनां तु चरमाणो महीम् इमाम् ॥
आससाद महावीर्यं धनुषाक्षं मनीषिणम् ॥
तस्यापचक्रे मेधावी तं शशाप स वीर्यवान् ॥
भव भस्मेति चोक्तः स न भस्म समपद्यत ॥
धनुषाक्षस् तु तं दृष्ट्वा मेधाविनम् अनामयम् ॥
निमित्तम् अस्य महिषैर् भेदयाम् आस वीर्यवान् ॥
स निमित्ते विनष्टे तु ममार सहसा शिशुः ॥
तं मृतं पुत्रम् आदाय विललाप ततः पिता ॥
लालप्यमानं तं दृष्ट्वा मुनयः पुनर् आर्तवत् ॥
ऊचुर् वेदोक्तया पूर्वं गाथया तन् निबोध मे ॥
न दिष्टम् अर्थम् अत्येतुम् ईशो मर्त्यः कथं चन ॥
महिषैर् भेदयाम् आस धनुषाक्षो महीधरान् ॥
एवं लब्ध्वा वरान् बाला दर्पपूर्णास् तरस्विनः ॥
क्षिप्रम् एव विनश्यन्ति यथा न स्यात् तथा भवान् ॥
एष रैभ्यो महावीर्यः पुत्रौ चास्य तथाविधौ ॥
तं यथा पुत्र नाभ्येषि तथा कुर्यास् त्व् अतन्द्रितः ॥
स हि क्रुद्धः समर्थस् त्वां पुत्र पीडयितुं रुषा ॥
वैद्यश् चापि तपस्वी च कोपनश् च महान् ऋषिः ॥
atrāpy udāharantīmā gāthā devair udāhṛtāḥ ||
ṛṣir āsīt purā putra bāladhir nāma vīryavān ||
sa putraśokād udvignas tapas tepe suduścaram ||
bhaven mama suto 'martya iti taṃ labdhavāṃś ca saḥ ||
tasya prasādo devaiś ca kṛto na tv amaraiḥ samaḥ ||
nāmartyo vidyate martyo nimittāyur bhaviṣyati ||
bāladhir uvāca
yatheme parvatāḥ śaśvat tiṣṭhanti surasattamāḥ ||
akṣayās tan nimittaṃ me sutasyāyur bhaved iti ||
bharadvāja uvāca
tasya putras tadā jajñe medhāvī krodhanaḥ sadā ||
sa tac chrutvākarod darpam ṛṣīṃś caivāvamanyata ||
vikurvāṇo munīnāṃ tu caramāṇo mahīm imām ||
āsasāda mahāvīryaṃ dhanuṣākṣaṃ manīṣiṇam ||
tasyāpacakre medhāvī taṃ śaśāpa sa vīryavān ||
bhava bhasmeti coktaḥ sa na bhasma samapadyata ||
dhanuṣākṣas tu taṃ dṛṣṭvā medhāvinam anāmayam ||
nimittam asya mahiṣair bhedayām āsa vīryavān ||
sa nimitte vinaṣṭe tu mamāra sahasā śiśuḥ ||
taṃ mṛtaṃ putram ādāya vilalāpa tataḥ pitā ||
lālapyamānaṃ taṃ dṛṣṭvā munayaḥ punar ārtavat ||
ūcur vedoktayā pūrvaṃ gāthayā tan nibodha me ||
na diṣṭam artham atyetum īśo martyaḥ kathaṃ cana ||
mahiṣair bhedayām āsa dhanuṣākṣo mahīdharān ||
evaṃ labdhvā varān bālā darpapūrṇās tarasvinaḥ ||
kṣipram eva vinaśyanti yathā na syāt tathā bhavān ||
eṣa raibhyo mahāvīryaḥ putrau cāsya tathāvidhau ||
taṃ yathā putra nābhyeṣi tathā kuryās tv atandritaḥ ||
sa hi kruddhaḥ samarthas tvāṃ putra pīḍayituṃ ruṣā ||
vaidyaś cāpi tapasvī ca kopanaś ca mahān ṛṣiḥ ||
Bharadvaja said: "Here they recount gathas such as this, once spoken by the gods. Long ago, my son, there was a rishi named Baladhi, a mighty one. Shaken by grief for his son, he performed a most arduous austerity and obtained the wish: 'Let my son be immortal.' The gods granted him a boon, but not equal to that of the immortals: 'A mortal cannot be immortal; he will live on a condition.' Baladhi said: 'As these mountains, best among the gods, stand forever, inexhaustible, let them be the condition of my son's life.'" Bharadvaja continued: "Then a son was born to him, Medhavi, ever wrathful. Hearing of this, he grew proud and began to despise the rishis. Insulting the munis and wandering the earth, he encountered the immensely mighty sage Dhanushaksha. Medhavi insulted him, and that mighty one cursed him: 'Become ash.' But having said this, he did not turn him to ash. Seeing Medhavi unharmed, the mighty Dhanushaksha destroyed the condition of his life by means of buffaloes. When the condition was destroyed, the boy died at once. Then the father, taking up his dead son, began to weep. Seeing him weeping, the munis spoke the former Vedic gatha; hear it from me: 'A mortal has no power whatsoever to pass beyond the goal appointed by fate; Dhanushaksha destroyed the mountains by means of buffaloes.' Thus children, having obtained boons, become filled with pride and impetuous, and perish very swiftly. May this not happen to you. Here is Raibhya, mighty in strength, and such likewise are his two sons. Son, be attentive, and act so as not to approach him. For if he grows angry, my son, he is capable of causing you pain out of wrath: he is learned, an ascetic, quick to anger, a great rishi."
9aea3c7eef55 · 发布于 2026年7月16日 17:06:20 UTC
可用语言RUEN用方向键翻颂
Bharadvaja's parable is simple: conditional immortality remains vulnerable if it is carried by a proud heart. A boon does not annul fate, nor does it protect one from insulting the holy.