ततो ऽहं देवदेवाय रुद्राय प्रणतो रणे ॥
स्वस्ति भूतेभ्य इत्य् उक्त्वा महास्त्रं समयोजयम् ॥
यत् तद् रौद्रम् इति ख्यातं सर्वामित्रविनाशनम् ॥
ततो ऽपश्यं त्रिशिरसं पुरुषं नवलोचनम् ॥
त्रिमुखं षड्भुजं दीप्तम् अर्कज्वलनमूर्धजम् ॥
लेलिहानैर् महानागैः कृतशीर्षम् अमित्रहन् ॥
विभीस् ततस् तद् अस्त्रं तु घोरं रौद्रं सनातनम् ॥
दृष्ट्वा गाण्डीवसंयोगम् आनीय भरतर्षभ ॥
नमस्कृत्वा त्रिनेत्राय शर्वायामिततेजसे ॥
मुक्तवान् दानवेन्द्राणां पराभावाय भारत ॥
मुक्तमात्रे ततस् तस्मिन् रूपाण्य् आसन् सहस्रशः ॥
मृगाणाम् अथ सिंहानां व्याघ्राणां च विशां पते ॥
ऋक्षाणां महिषाणां च पन्नगानां तथा गवाम् ॥
गजानां सृमराणां च शरभाणां च सर्वशः ॥
ऋषभाणां वराहाणां मार्जाराणां तथैव च ॥
शालावृकाणां प्रेतानां भुरुण्डानां च सर्वशः ॥
गृध्राणां गरुडानां च मकराणां तथैव च ॥
पिशाचानां सयक्षाणां तथैव च सुरद्विषाम् ॥
गुह्यकानां च संग्रामे नैरृतानां तथैव च ॥
झषाणां गजवक्त्राणाम् उलूकानां तथैव च ॥
मीनकूर्मसमूहानां नानाशस्त्रासिपाणिनाम् ॥
तथैव यातु धानानां गदामुद्गरधारिणाम् ॥
एतैश् चान्यैश् च बहुभिर् नानारूपधरैस् तथा ॥
सर्वम् आसीज् जगद् व्याप्तं तस्मिन्न् अस्त्रे विसर्जिते ॥
त्रिषिरोभिश् चतुर्दंष्ट्रैश् चतुरास्यैश् चतुर्भुजैः ॥
अनेकरूपसंयुक्तैर् मांसमेदोवसाशिभिः ॥
अभीक्ष्णं वध्यमानास् ते दानवा ये समागताः ॥
अर्कज्वलनतेजोभिर् वज्राशनिसमप्रभैः ॥
अद्रिसारमयैश् चान्यैर् बाणैर् अरिविदारणैः ॥
न्यहनं दानवान् सर्वान् मुहूर्तेनैव भारत ॥
गाण्डीवास्त्रप्रणुन्नांस् तान् गतासून् नभसश् च्युतान् ॥
दृष्ट्वाहं प्राणमं भूयस् त्रिपुरघ्नाय वेधसे ॥
tato 'haṃ devadevāya rudrāya praṇato raṇe ||
svasti bhūtebhya ity uktvā mahāstraṃ samayojayam ||
yat tad raudram iti khyātaṃ sarvāmitravināśanam ||
tato 'paśyaṃ triśirasaṃ puruṣaṃ navalocanam ||
trimukhaṃ ṣaḍbhujaṃ dīptam arkajvalanamūrdhajam ||
lelihānair mahānāgaiḥ kṛtaśīrṣam amitrahan ||
vibhīs tatas tad astraṃ tu ghoraṃ raudraṃ sanātanam ||
dṛṣṭvā gāṇḍīvasaṃyogam ānīya bharatarṣabha ||
namaskṛtvā trinetrāya śarvāyāmitatejase ||
muktavān dānavendrāṇāṃ parābhāvāya bhārata ||
muktamātre tatas tasmin rūpāṇy āsan sahasraśaḥ ||
mṛgāṇām atha siṃhānāṃ vyāghrāṇāṃ ca viśāṃ pate ||
ṛkṣāṇāṃ mahiṣāṇāṃ ca pannagānāṃ tathā gavām ||
gajānāṃ sṛmarāṇāṃ ca śarabhāṇāṃ ca sarvaśaḥ ||
ṛṣabhāṇāṃ varāhāṇāṃ mārjārāṇāṃ tathaiva ca ||
śālāvṛkāṇāṃ pretānāṃ bhuruṇḍānāṃ ca sarvaśaḥ ||
gṛdhrāṇāṃ garuḍānāṃ ca makarāṇāṃ tathaiva ca ||
piśācānāṃ sayakṣāṇāṃ tathaiva ca suradviṣām ||
guhyakānāṃ ca saṃgrāme nairṛtānāṃ tathaiva ca ||
jhaṣāṇāṃ gajavaktrāṇām ulūkānāṃ tathaiva ca ||
mīnakūrmasamūhānāṃ nānāśastrāsipāṇinām ||
tathaiva yātu dhānānāṃ gadāmudgaradhāriṇām ||
etaiś cānyaiś ca bahubhir nānārūpadharais tathā ||
sarvam āsīj jagad vyāptaṃ tasminn astre visarjite ||
triṣirobhiś caturdaṃṣṭraiś caturāsyaiś caturbhujaiḥ ||
anekarūpasaṃyuktair māṃsamedovasāśibhiḥ ||
abhīkṣṇaṃ vadhyamānās te dānavā ye samāgatāḥ ||
arkajvalanatejobhir vajrāśanisamaprabhaiḥ ||
adrisāramayaiś cānyair bāṇair arividāraṇaiḥ ||
nyahanaṃ dānavān sarvān muhūrtenaiva bhārata ||
gāṇḍīvāstrapraṇunnāṃs tān gatāsūn nabhasaś cyutān ||
dṛṣṭvāhaṃ prāṇamaṃ bhūyas tripuraghnāya vedhase ||
'Then in that battle I bowed to Rudra, god of gods, said, "Blessing upon all beings," and deployed the great weapon known as Raudra, destroyer of all enemies. I beheld a three-headed Puruṣa with nine eyes, three faces, six arms, radiant, with hair like the sun and flame, bearing great serpents that licked the air upon his head. Beholding this terrible, eternal Raudra weapon, I brought it into union with the Gāṇḍīva, bowed to the three-eyed Śarva of measureless splendor, and released it to bring down the lords of the dānavas. The instant it was released, thousands of forms appeared: of deer, lions, tigers, bears, buffaloes, serpents, cows, elephants, śarabhas, bulls, boars, cats, jackals, pretas, bhuruṇḍas, vultures, Garuḍas, makaras, piśācas, yakṣas, enemies of the gods, guhyakas, nairṛtas, fish, elephant-faced beings, owls, tortoises, multitudes of fish and tortoises, beings armed with various weapons and swords, and yātudhānas bearing maces and hammers. With these and many other beings of manifold form, the whole world was pervaded when that weapon was released. Beings with three heads, four tusks, four faces, and four arms, joined with countless forms, devouring flesh, fat, and marrow, struck again and again at the assembled dānavas. With arrows blazing like the sun and fire, resembling the thunderbolt and lightning, and others made of the essence of mountains and rending the foe, I destroyed all the dānavas in but a single moment. Seeing them lifeless, cast down from the sky by the astra of the Gāṇḍīva, I bowed once more to the destroyer of Tripura, the Creator.'
8c6e28629247 · 发布于 2026年7月16日 17:13:49 UTC
可用语言RUEN用方向键翻颂
The Raudra astra is depicted as a world of forms, in which destruction is subordinated to a higher will. Arjuna first bows to all beings, then to Rudra: even a terrible weapon must enter the order of worship.