वैशंपायन उवाच
धृतराष्ट्रस्य तद् वाक्यं निशम्य सहसौबलः ॥
दुर्योधनम् इदं काले कर्णो वचनम् अब्रवीत् ॥
प्रव्राज्य पाण्डवान् वीरान् स्वेन वीर्येण भारत ॥
भुङ्क्ष्वेमां पृथिवीम् एको दिवं शम्बरहा यथा ॥
प्राच्याश् च दाक्षिणात्याश् च प्रतीच्योदीच्यवासिनः ॥
कृताः करप्रदाः सर्वे राजानस् ते नराधिप ॥
या हि सा दीप्यमानेव पाण्डवान् भजते पुरा ॥
साद्य लक्ष्मीस् त्वया राजन्न् अवाप्ता भ्रातृभिः सह ॥
इन्द्रप्रस्थगते यां तां दीप्यमानां युधिष्ठिरे ॥
अपश्याम श्रियं राजन्न् अचिरं शोककर्शिताः ॥
सा तु बुद्धिबलेनेयं राज्ञस् तस्माद् युधिष्ठिरात् ॥
त्वयाक्षिप्ता महाबाहो दीप्यमानेव दृश्यते ॥
तथैव तव राजेन्द्र राजानः परवीरहन् ॥
शासने ऽधिष्ठिताः सर्वे किं कुर्म इति वादिनः ॥
तवाद्य पृथिवी राजन् निखिला सागराम्बरा ॥
सपर्वतवना देवी सग्रामनगराकरा ॥
नानावनोद्देशवती पत्तनैर् उपशोभिता ॥
वन्द्यमानो द्विजै राजन् पूज्यमानश् च राजभिः ॥
पौरुषाद् दिवि देवेषु भ्राजसे रश्मिवान् इव ॥
रुद्रैर् इव यमो राजा मरुद्भिर् इव वासवः ॥
कुरुभिस् त्वं वृतो राजन् भासि नक्षत्रराड् इव ॥
vaiśaṃpāyana uvāca
dhṛtarāṣṭrasya tad vākyaṃ niśamya sahasaubalaḥ ||
duryodhanam idaṃ kāle karṇo vacanam abravīt ||
pravrājya pāṇḍavān vīrān svena vīryeṇa bhārata ||
bhuṅkṣvemāṃ pṛthivīm eko divaṃ śambarahā yathā ||
prācyāś ca dākṣiṇātyāś ca pratīcyodīcyavāsinaḥ ||
kṛtāḥ karapradāḥ sarve rājānas te narādhipa ||
yā hi sā dīpyamāneva pāṇḍavān bhajate purā ||
sādya lakṣmīs tvayā rājann avāptā bhrātṛbhiḥ saha ||
indraprasthagate yāṃ tāṃ dīpyamānāṃ yudhiṣṭhire ||
apaśyāma śriyaṃ rājann aciraṃ śokakarśitāḥ ||
sā tu buddhibaleneyaṃ rājñas tasmād yudhiṣṭhirāt ||
tvayākṣiptā mahābāho dīpyamāneva dṛśyate ||
tathaiva tava rājendra rājānaḥ paravīrahan ||
śāsane 'dhiṣṭhitāḥ sarve kiṃ kurma iti vādinaḥ ||
tavādya pṛthivī rājan nikhilā sāgarāmbarā ||
saparvatavanā devī sagrāmanagarākarā ||
nānāvanoddeśavatī pattanair upaśobhitā ||
vandyamāno dvijai rājan pūjyamānaś ca rājabhiḥ ||
pauruṣād divi deveṣu bhrājase raśmivān iva ||
rudrair iva yamo rājā marudbhir iva vāsavaḥ ||
kurubhis tvaṃ vṛto rājan bhāsi nakṣatrarāḍ iva ||
Vaishampayana said: 'Having heard Dhritarashtra's words, Karna, together with Saubala, at the right moment said to Duryodhana: "Bharata, having banished the heroic Pandavas by your own might, enjoy this earth alone, as the slayer of Shambara enjoys heaven. The kings of the east, south, west, and north, O lord of men, have all become your tributaries. That radiant Shri who once served the Pandavas has now, O king, been attained by you together with your brothers. That Shri which once shone in Indraprastha beside Yudhishthira, and upon which we gazed but briefly, worn out with grief, you have wrested by strength of mind from King Yudhishthira, and now it shines upon you, mighty-armed one. Likewise all kings, O king of kings, stand at your command and ask, 'What shall we do?' Today the whole earth, girded by the ocean, with its mountains, forests, villages, cities, mines, its many forest regions, and adorned with ports, belongs to you. Honored by the twice-born and by kings, through your valor you shine among the gods in heaven like the radiant sun. Surrounded by the Kurus, you shine like King Yama among the Rudras, like Vasava among the Maruts, like the lord of the stars."'
f2e302060f75 · 发布于 2026年7月16日 17:23:50 UTC
可用语言RUEN用方向键翻颂
Karna substitutes the appearance of success for dharma. He calls the seized Shri a victory, though its foundation is deceit and humiliation.