अर्जुन उवाच
यत्रैषा काञ्चनी वेदी प्रदीप्ताग्निशिखोपमा ॥
उच्छ्रिता काञ्चने दण्डे पताकाभिर् अलंकृता ॥
तत्र मां वह भद्रं ते द्रोणानीकाय मारिष ॥
अश्वाः शोणाः प्रकाशन्ते बृहन्तश् चारुवाहिनः ॥
स्निग्धविद्रुमसंकाशास् ताम्रास्याः प्रियदर्शनाः ॥
युक्ता रथवरे यस्य सर्वशिक्षाविशारदाः ॥
दीर्घबाहुर् महातेजा बलरूपसमन्वितः ॥
सर्वलोकेषु विख्यातो भारद्वाजः प्रतापवान् ॥
बुद्ध्या तुल्यो ह्य् उशनसा बृहस्पतिसमो नये ॥
वेदास् तथैव चत्वारो ब्रह्मचर्यं तथैव च ॥
ससंहाराणि दिव्यानि सर्वाण्य् अस्त्राणि मारिष ॥
धनुर्वेदश् च कार्त्स्न्येन यस्मिन् नित्यं प्रतिष्ठितः ॥
क्षमा दमश् च सत्यं च आनृशंस्यम् अथार्जवम् ॥
एते चान्ये च बहवो गुणा यस्मिन् द्विजोत्तमे ॥
तेनाहं योद्धुम् इच्छामि महाभागेन संयुगे ॥
तस्मात् त्वं प्रापयाचार्यं क्षिप्रम् उत्तर वाहय ॥
arjuna uvāca
yatraiṣā kāñcanī vedī pradīptāgniśikhopamā ||
ucchritā kāñcane daṇḍe patākābhir alaṃkṛtā ||
tatra māṃ vaha bhadraṃ te droṇānīkāya māriṣa ||
aśvāḥ śoṇāḥ prakāśante bṛhantaś cāruvāhinaḥ ||
snigdhavidrumasaṃkāśās tāmrāsyāḥ priyadarśanāḥ ||
yuktā rathavare yasya sarvaśikṣāviśāradāḥ ||
dīrghabāhur mahātejā balarūpasamanvitaḥ ||
sarvalokeṣu vikhyāto bhāradvājaḥ pratāpavān ||
buddhyā tulyo hy uśanasā bṛhaspatisamo naye ||
vedās tathaiva catvāro brahmacaryaṃ tathaiva ca ||
sasaṃhārāṇi divyāni sarvāṇy astrāṇi māriṣa ||
dhanurvedaś ca kārtsnyena yasmin nityaṃ pratiṣṭhitaḥ ||
kṣamā damaś ca satyaṃ ca ānṛśaṃsyam athārjavam ||
ete cānye ca bahavo guṇā yasmin dvijottame ||
tenāhaṃ yoddhum icchāmi mahābhāgena saṃyuge ||
tasmāt tvaṃ prāpayācāryaṃ kṣipram uttara vāhaya ||
Arjuna said: 'Drive me to Drona's army, to where upon a golden staff the emblem of the sacrificial altar blazes like fire. There stands Bharadvaja, the long-armed, the glorious, known throughout the whole world. In wisdom he equals Ushanas, in statecraft Brihaspati; he knows the Vedas, the vow of brahmacharya, all the divine weapons, and the science of the bow. In him are patience, self-restraint, truth, compassion, and uprightness. I wish to fight this great teacher.'
7fa94a3ece05 · 发布于 2026年7月16日 18:42:56 UTC
可用语言RUEN用方向键翻颂
Arjuna approaches Drona not by denying his greatness but by fully acknowledging it. The dharma here is difficult precisely because the opponent is the one to whom the disciple owes his knowledge.