विराट उवाच
स्त्रियो गावो हिरण्यं च यच् चान्यद् वसु किं चन ॥
न मे किं चित् त्वया रक्ष्यम् अन्तरेणापि देवितुम् ॥
कङ्क उवाच
किं ते द्यूतेन राजेन्द्र बहुदोषेण मानद ॥
देवने बहवो दोषास् तस्मात् तत् परिवर्जयेत् ॥
श्रुतस् ते यदि वा दृष्टः पाण्डवो वै युधिष्ठिरः ॥
स राज्यं सुमहत् स्फीतं भ्रातॄंश् च त्रिदशोपमान् ॥
द्यूते हारितवान् सर्वं तस्माद् द्यूतं न रोचये ॥
अथ वा मन्यसे राजन् दीव्याव यदि रोचते ॥
वैशंपायन उवाच
प्रवर्तमाने द्यूते तु मत्स्यः पाण्डवम् अब्रवीत् ॥
पश्य पुत्रेण मे युद्धे तादृशाः कुरवो जिताः ॥
ततो ऽब्रवीन् मत्स्यराजं धर्मपुत्रो युधिष्ठिरः ॥
बृहन्नडा यस्य यन्ता कथं स न विजेष्यति ॥
इत्य् उक्तः कुपितो राजा मत्स्यः पाण्डवम् अब्रवीत् ॥
समं पुत्रेण मे षण्ढं ब्रह्मबन्धो प्रशंससि ॥
वाच्यावाच्यं न जानीषे नूनं माम् अवमन्यसे ॥
भीष्मद्रोणमुखान् सर्वान् कस्मान् न स विजेष्यति ॥
वयस्यत्वात् तु ते ब्रह्मन्न् अपराधम् इमं क्षमे ॥
नेदृशं ते पुनर् वाच्यं यदि जीवितुम् इच्छसि ॥
युधिष्ठिर उवाच
यत्र द्रोणस् तथा भीष्मो द्रौणिर् वैकर्तनः कृपः ॥
दुर्योधनश् च राजेन्द्र तथान्ये च महारथाः ॥
मरुद्गणैः परिवृतः साक्षाद् अपि शतक्रतुः ॥
को ऽन्यो बृहन्नडायास् तान् प्रतियुध्येत संगतान् ॥
virāṭa uvāca
striyo gāvo hiraṇyaṃ ca yac cānyad vasu kiṃ cana ||
na me kiṃ cit tvayā rakṣyam antareṇāpi devitum ||
kaṅka uvāca
kiṃ te dyūtena rājendra bahudoṣeṇa mānada ||
devane bahavo doṣās tasmāt tat parivarjayet ||
śrutas te yadi vā dṛṣṭaḥ pāṇḍavo vai yudhiṣṭhiraḥ ||
sa rājyaṃ sumahat sphītaṃ bhrātṝṃś ca tridaśopamān ||
dyūte hāritavān sarvaṃ tasmād dyūtaṃ na rocaye ||
atha vā manyase rājan dīvyāva yadi rocate ||
vaiśaṃpāyana uvāca
pravartamāne dyūte tu matsyaḥ pāṇḍavam abravīt ||
paśya putreṇa me yuddhe tādṛśāḥ kuravo jitāḥ ||
tato 'bravīn matsyarājaṃ dharmaputro yudhiṣṭhiraḥ ||
bṛhannaḍā yasya yantā kathaṃ sa na vijeṣyati ||
ity uktaḥ kupito rājā matsyaḥ pāṇḍavam abravīt ||
samaṃ putreṇa me ṣaṇḍhaṃ brahmabandho praśaṃsasi ||
vācyāvācyaṃ na jānīṣe nūnaṃ mām avamanyase ||
bhīṣmadroṇamukhān sarvān kasmān na sa vijeṣyati ||
vayasyatvāt tu te brahmann aparādham imaṃ kṣame ||
nedṛśaṃ te punar vācyaṃ yadi jīvitum icchasi ||
yudhiṣṭhira uvāca
yatra droṇas tathā bhīṣmo drauṇir vaikartanaḥ kṛpaḥ ||
duryodhanaś ca rājendra tathānye ca mahārathāḥ ||
marudgaṇaiḥ parivṛtaḥ sākṣād api śatakratuḥ ||
ko 'nyo bṛhannaḍāyās tān pratiyudhyeta saṃgatān ||
Virata said: "Women, cows, gold, and any other wealth need no protection from you, even should I choose to play." Kanka replied: "What use is the game to you, king of kings? It holds many faults, o giver of honor; therefore it should be shunned. You have heard or seen how the Pandava Yudhishthira, at play, lost his great and flourishing kingdom and his brothers who were like gods. Therefore the game does not please me. But if that is your wish, o king, let us play, if it pleases you." When the game had begun, the king of the Matsyas said to the Pandava: "Behold — my son in battle defeated such Kurus as these!" Then Dharmasuta Yudhishthira said to the king of the Matsyas: "How could he fail to conquer, whose charioteer is Brihannada?" Hearing this, the enraged king of the Matsyas said to the Pandava: "You compare a eunuch to my son, o brahmin-kinsman? You clearly do not know what may be said and what may not; surely you hold me in contempt. Why should my son not conquer all, led by Bhishma and Drona? Out of friendship for you, brahmin, I forgive this offense. But speak no more like this, if you wish to live." Yudhishthira said: "Where Drona is, and Bhishma, Drauni, Vaikartana, Kripa, Duryodhana, o best of kings, and the other great chariot-warriors — who else but Brihannada could fight against them, even were they surrounded by the hosts of the Maruts and by Shatakratu himself?"
c863b44328cf · 发布于 2026年7月16日 18:42:56 UTC
可用语言RUEN用方向键翻颂
Yudhishthira again defends the one who has offended him, but does so in a way Virata cannot accept. In this way the hidden life of the Pandavas holds, to the very last, on patience.